අප පසුගිය කාලය පුරාවටම සිදුකලේ සහ කරන්නේද හඬක් නැති මිනිසුන්ට හඩක් වෙමින් වංචා, දූෂණ සහ අක්රමිකතා ගවේශනය කරමින් ඒවා වගකිව යුතු බලධාරීන් වෙත යොමු කිරීමය. නමුත් ලංකාවේ සිදුවන්නේ එහි අනික් පැත්ත වන පණිවිඩකරු මරා දැමීමය. පණිවිඩකරු මරා දැමීම නිසා අපරාධකරුවන් යෙහෙන් වැජබෙති. එම නිසාම අප සංවිධානය වෙමින් එම අපරාධ සහ අපරාධ කරුවන් සොයන අතර ආරක්ෂක අංශවලට කියා විශේෂත්වයක් අපට නැත. එසේම ඕනෑම අපරාධකරුවෙකුට වුවත් නීතියට පරිභාහිරව දඩුවම් දෙන්නේ නම් අප හිට ගන්නේ ඔහුගේ පැත්තේය. එය හරක්කටාට වුවත් එසේමය. මකදුරේ මදුෂ් හෝ හරක් කටා හෝ ඕනෑම අපරාධකරුවෙකු ආරක්ෂක අංශ විසින් මරා දමන්නේ නම් ඔහුද අපරාධකරුවෙකි.
විශේෂකාර්ය බලකායේ කිහිපදෙනෙකුගේ නම් සඳහන් වන ලෙස පුවත් කිහිපයක් අප පළකර තිබෙන අතර ඒවාට ඔවුන් සම්බන්ධ නැතිනම්, නීතිය වන්නේ අපගේ ක්ෂණික ඇමතුම් අංකයට හෝ විද්යුත් තැපෑලට ප්රතිචාර දැක්වීමය. සෑම පුවතකම යටින් අප ඒ පිලිබදව දීර්ඝ විස්තරයක් සදහන් කර තිබේ. මාධ්යකරනය යනු එයයි. එය ලෝක සම්මතයකි. එසේම නඩුවක් පැවරීමට අවශ්ය සාධක අප සතුව තිබුනත් අප බලනුයේ ඔහු අපරාධකරුවෙකූ වු සමාජ ක්රමය දෙසය. අපරාධකරු විනාශ කිරීමට හෝ ඔහුගේ රැකියාව නැති කර දරුපවුල් අනාථ කිරීමේ කිසිදු පරමාර්ථයක් ද අප සතුව නැති බැවින් සාක්ෂි ලැබුනත් ඒවා සගවා පලකිරීම් කරයි. අප පළකර තිබෙන පුවත් වල අපට එරෙහිව නඩු පැවරීමට සාධක නැතිබව නීතිය දන්නා නීතිවේදීන් ඉතාම හොදින් දනී. ඒ අනුව ප්රථමව කල යුත්තේ පුවතට ප්රතිචාර දැක්වීමය. එසේ ඉල්ලීමෙන් අනතුරුව අප ප්රතිචාර නොදක්වුයේ නම් දෙවෙනිව කල යුත්තේ තමන්ට අපහාසයක් වූ බවට නඩුවක් පැවරීමයි. ඒ සඳහා මූලිකවම අවශ්ය වනේ සම්පූර්ණ නාමයන්, ලිපිනය ඇතුළු අදාල පුද්ගලයාගේ නිසි හැදින්වීමකි. නමුත් අප පලකල කිසිම පළකිරීමක එසේ පුද්ගලයන් පිලිබඳව සම්පූර්ණ නාමයන් සඳහන් කර නැති බැවින් ඔවුන්ට අපහාසයක් සිදු වූ බවටද නඩු පැවරිය නොහැකිය. එසේම යමෙක් ප්රකාශ කල දෙයක් පල කිරීමෙන්ද අපහාසයක් සිදු නොවේ.
කෙසේ නමුත් විශේෂ කාර්ය බලකායේ ASP සම්පත් නමැති පුද්ගලයෙකු සහ ප්රේමලාල් නමැති පුද්ගලයෙකු මේ වන විට අප පිලිබඳව සොයමින් සිටී. ඔවුන් මේ වන විට අපගේ ලිපිනයන්ද සොයාගෙන තිබෙන අතර මේ දෙදෙනා පිලිබඳව අප සතු සාක්ෂි අප ප්රසිද්ධ කර නැත. නඩු පැවරීමට නොහැකිව තිබියදී ඔවුන් අපගේ ලිපිනයන් සෙවීමට අවශ්ය නැත. එසේම ඔවුන් කල යුත්තේ නීතියට අනුව ක්රියාකිරීමය. නීතිය නම් අපගෙන් කරුණු විමසීමය. නමුත් ඔවුන්ට කරුණු විමසීමටද නොහැක. කරුණු විමසීමට නීතිමය පදනමක්ද නැත. කරුණු විමසීමෙන් හෝ නඩු පැවරීමෙන් සිදුවන්නේ ඔවුන්ගේ වැරදි සාක්ෂි සහිතවම අප ඔප්පු කිරීමය. ඒ අනුව ඒවායෙහි මුල් සාක්ෂි විභාග වීමට අවුරුදු 7 ක් වත් ගත වෙති. කෙසේ වෙතත් නඩුවක් පවරා එම පළකිරීම් කර තිබෙන්නේ ඔවුන්ට විරුද්ධව බැව් ප්රකාශ කෙරෙන්නේ නම් එය ඉතාම වටිනා දෙයකි. එවිට සාක්ෂි සහිතවම ඔවුන්ට එරෙහිව අපරාධනඩු පැවරීමට අපට හැකි අතර ඒවා සිදුකිරීම සදහා ත්රිවිධ හමුදාවේ සහ පොලිසියේම සක්රීය සේවයේ යෙදී සිටින ජේෂ්ඨ නිලධාරීන් නොහොත් තමන්ගේ රටට සහ ආයතනයට ආදරය කරන පුද්ගලයන් විශාල ප්රමාණයක් අප සමග සිටී.
එසේම සම්පත් , ප්රේමලාල් නමැති පුද්ගලයන් දෙදෙනාටම එල්ලකර තිබෙන්නේ මත්ද්රවය පිලිබදව ගැටළුය. කෙසේ නමුත් ප්රේමලාල් නමැති පුද්ගලයා පිලිබඳව කිසිදු තොරතුරක් අප වෙබ් අඩවිය හරහා සදහන් කර නැත. එසේ තිබියදීත් ඔවුන් වෙනමම කණ්ඩායමක් යොදවා අප පිලිබඳව තොරතුරු එක් රැස් කරමින් සිටින බවට සාක්ෂි සහිතවම අප අනාවරණය කරගෙන සිටී. එසේම මෙම මත්ද්රවය සහ අපරාධ ජාලය සමග එකතුව කටයුතු කරන පොලිස් සහ විශේෂ කාර්ය බලකායේ මෙන්ම නාවික හමුදාවේද නිලධාරීන් කවුද යන්නද, ඔවුන් ක්රියාත්මක වන්නේ කෙසේද යන්නද අප මේ වනවිටත් සොයාගෙන අවසන්ය. ශ්රී ලංකා පොලිස් දෙපර්තමෙන්තුවට පැමිණීමට පෙර මහන ජීවිතයක් ගත කල එක්තරා ජේෂ්ඨ පොලිස් නිලධාරියෙකුට සුඛෝපභෝගී නිවාස 3 ක් තිබෙන අතර ඔහු කෝටිපතියෙකි. ඒ එක උදාහරණයකි. තවත් උදාහරනයක් ලෙස දකුණේ මාතර වැලිගම ප්රදේශයේ පොලිස් ස්ථානාධිපතිවරයෙකුගේ සිද්ධියකි. එම සිද්ධිය සමග සම්බන්ධ උණු ජේෂ්ඨතම ආරක්ෂක ප්රධානයකු සමග තවත් කණ්ඩායමක් සිටි.
එසේ නම් ඔවුන් මේ සිදුකරන්නේ අපගේ මාධ්යකරණයට දැඩි බාධාවකි. තර්ජනයකි. අපරාධකරුවන් දිගින් දිගටම ආරක්ෂක අංශවල තබාගැනීමෙන් සිදුවන්නේ ජාතියටම තර්ජනයකි. කෙසේ වෙතත් අප මේ පිලිබදව සදුදා දින අතිගරු ජනාධිපති රනිල් වික්රමසිංහ මැතිතුමාට, පොලිස්පතිතුමාට සහ ආරක්ෂක ලේඛ්මතුමාට සහ කිසිදු චෝදනාවක් එල්ල නොවන විශේෂ කාර්ය බලකායේ අණදෙන නිලධාරී වරුණ ජයසුන්දර මහතාටද පැමිණිලිකිරීමට කටයුතුකරමින් සිටී. කෙසේ වෙතත් අප විශේෂකාර්ය බලකායේ හෝ වෙනත් අපරාධකරුවන්ගේ ගිනිඅවියට බිය නැතිබවද, මෙරට ආරක්ෂක අංශවලට වඩා තාක්ෂණික ආරක්ෂක උපක්රම අප භාවිතාකරන බවද නිල ඇදුමෙන් අපරාධ කරමින්, අපරාධකරුවන් බිහිකරමින්, ඔවුන්ගෙන් මුදල්ද ලබාගන්නා පුද්ගලයන්ගේ දැනගැනීම පිණිස සටහන් තැබේ. එසේම අප ආයතනය පිළිගත් මාධ්ය ආයතනයක් බවද දැනගැනීම පිණිස සටහන් තැබේ. අපගේ ප්රථම ඉලක්කය වන්නේ ආරක්ෂක අංශවල මිනිසුන්ට නැතිවෙමින් පවතින ගරුත්වය ඇති කිරීමය. දෙවැන්න ඒවා විනාශකරන පුද්ගලයන්ට නිසිමග යාමට බල කිරීමය.
මේ වනවිට හරක් කටා නිදහස් කර තිබේ. ඔහු නිදහස් කරගැනීමට මෙරටින් නීතිවේදීන් කණ්ඩායමක් ගොස් තිබේ. එසේම ආරක්ෂක අංශවල කවුරුන් හෝ ඔහුව සුරැකීම සඳහා සියලුම ලිපිගොනු යටපත් කර තිබෙන බව මාධ්ය වාර්තා කර තිබේ. එසේ නම් ඒවා පිටුපස සංවිධානාත්මකව අපරාධකරන ආරක්ෂක අංශ නිලධාරීන් පිරිසක් සිටි. එසේ සිටීම රාජකාරිය නිසි ලෙස ඉටුකරන නිලධාරීන්ගේ ජීවිතවලට තර්ජනයකි. එබැවින් සැබෑ නිලධාරින්ද සමාජයද සුරැකීම වෙනුවෙන් රාජ්ය බලය අවභාවිතා කරන නීතිවිරෝදී නිලධාරීන්ගේ ක්රියාවන් වලට එරෙහිව දිගින් දිගටම කටයුතු කිරීමට අප සූදානමින් සිටි. අති ගරු ජනපතිතුමනි, පණිවිඩකරුවන් මරා දමමින් රට දූෂණය ආරක්ෂක අංශවල සිටින පුද්ගලයන් සොයා වෙනමම මෙහයුමක් සිදුකල යුතුව තිබෙන අතර අහු මුළුවලට විසිකර තිබෙන දක්ෂ පොලිස් සහ විශේෂ කාර්ය බලකා නිලධාරින් එලියට ගැනීමට කාලය එලඹ තිබේ. ජිනීවාවල අද අපට එරහිව යෝජනාවක් පවා සම්මතවන්නේ මෙවැනි ආරක්ෂක අංශ නිලධාරීන් නිසාය.
