ශ්රී රාවණා ලංකා පුවත් වෙබ් අඩවිය සහ ඊට අදාළ මාධ්ය ආයතනය ආරම්භ වී මේ වන විට ගතව ඇත්තේ මාස 6 ක් වැනි කාලයකි. ඊයේ උදෑසන සිටම වෙබ් අඩවියේ යම් යම් බිඳවැටීම් සිදුවන අතර විද්යුත් තැපැල් ලිපිනයටද විවිද ආරක්ෂක අනතුරු හැඟවීම් පැමිණෙමින් තිබේ. එම අනතුරු හැඟවීම් පණිවිඩ මේ වන තෙක්ම පවතී.
ඊයේ දහවල් කාලයේ සිටම අපගේ පරිඝනක විශේෂඥයන් මේ පිලිබඳව අවධානයෙන් සිටින අතර මීට සුළු මොහොතකට පෙර මේ වෙබ් අඩවිය පිලිබඳව අවධානය යොමු කරමින් විවිධ අකාරයෙන් බිදවැටීම් සිදුකිරීමට කටයුතු කරවන පුද්ගලයන් සහ කණ්ඩායම පිලිබඳව තොරතුරු ලබා ගැනීමට අපට හැකි විය. මෙම වෙබ් අඩවිය සහ ආයතනය සමහර වෙබ් අඩවි මෙන් හොරෙන් පවත්වාගෙන යන ආයතනයක් නොවන බවද, අප බිඳහෙළිය නොහැකි ආයතනයක් බවද අදාල අයගේ දැනගනීම පිණිස සඳහන් කරන ලෙස කළමනාකාරිත්වය දැනුම් දෙයි.
අපගේ මෙම මාධ්ය ආයතනය සහ ඒ හා සම්බන්ධ අනෙකුත් සියලු කටයුතු සිදුකරගෙන යන්නේ කුමන නීතියක් යටතේද යන්න පැහැදිලි කර තිබේ. එසේම වංචා , දූෂණ, අක්රමිකතා මෙන්ම රාජ්ය සහ ජනවිරෝදී කටයුතු මෙන්ම රජයට විරුද්දව අපකීර්තිදායක දේවල් සිදු කරනු ලබන සියලුම කටයුතු සහ සිදුවීම් තරාතිරම නොබලා වාර්තා කිරීම අප විසින් සිදු කරයි.
ලොව රටවල් 86 ක් මෙන්ම ශ්රී ලංකාවේ රාජ්ය ආයතන, ආරක්ෂක අංශ ඇතුළුව සෑම දිස්ත්රික්කයකම අපට එසේ තොරතුරු ලබා දෙන්නන් දහස් ගනනක් සිටි. නීත්යානුකූලව ඔප්පු කරගත හැකි කරුණු දිගින් දිගටම විශ්ලේෂණය කරමින් සත්යාපනය කරගන්නා කරුණු මත පමණක් වාර්තා කිරීම් සිදු කරන නමුත් බොරු හෝ විවිධ ඕපා දූප පළකිරීම් මෙහි හෝ මේ සමගම ක්රියාත්මක වන අන්තර්ජාල නාලිකා 8 තුල හෝ සිදු නොවේ..
ශ්රී රාවණා රජුන්ගේ සංකල්පයට අනුව සියලු දෙනාගේම කායික සෑහ මානසික ශක්තීන් වැඩි කරවමින් ඒවාට තිබෙන බාධක ඉවත් කරමින් සුපසන් දේශයක් ගොඩනැගීමේ මාධ්ය මෙහෙවර සිදු කරන අප ආයතනය තව දුරටත් වැඩි දියුණු කරමින් පවතී. අපගේ අවශ්යතාවය යහපත් අනාගත පරපුරක් මෙන්ම නිදහස් නිවහල් දේශයක් ගොඩ නැගීම සදහා පවතින රජයන්ට සහ ආරක්ෂක අංශ වලට සහාය ලබා දීමයි.
එබැවින් මෙම සයිබර් ප්රහාරයට සූදානම් වන්නේ කුමන ආයතනයක්ද යන්නද තහවුරු කරගෙන තිබෙන නමුත් නිසි අවස්ථාවේදී ඒ පිලිබඳව ප්රසිද්ධ කිරීමට කටයුතු කරන බැව් ආයතන කළමනාකාරීත්වය සඳහන් කරයි.
පරිඝනක විශේෂඥයන් තිදෙනෙකුගෙන් සමන්විත කාර්ය මණ්ඩලයේ විශේෂඥයන් විසින් නවීනතම උපක්රම භාවිතා කරමින් පද්ධතිය පවත්වාගෙන යයි. ප්රහාරයක් එල්ල වීමට ප්රථමව එය වැලක්වීමටත්, එය එල්ල කලේ කුමන ස්ථානයකින්ද යන්නත් අපට හදුනා ගැනීමට හැකියාව තිබේ.