මේ වන විට රෝහල් තුළ ඔක්සිජන් මත යැපෙන කොවිඩ් රෝගීන්ගේ සුළු වැඩි වීමක් යළි දක්නට ලැබෙන බව වාර්තා වේ.
පසුගිය සතිය තුළ දී 10%කින් පමණ ඉහළ ගොස් ඇති බවයි වෛද්‍ය තාක්ෂණික සේවා අංශයේ අධ්‍යක්ෂ වෛද්‍ය අන්වර් හම්දානි මහතා ප්‍රකාශ කළේ.
මේ පිළිබඳ අදහස් දක්වමින් ඒ මහතා වැඩිදුරටත් පෙන්වා දුන්නේ රෝහල්වල සමස්ත ඇඳන් ධාරිතාවයෙන් මේ වන විට 48%ක් පමණ රෝගීන්ගෙන් පිරී ගොස් ඇති බවයි.
ඒ අනුව ඔමික්‍රොන් සීඝ්‍ර ව්‍යාප්තිය හමුවේ පුද්ගලයින් 6,000කට ආසන්න සංඛ්‍යාවක් මේ වන විට රෝහල්ගතව ප්‍රතිකාර ලබාගන්නා බව ද ඔහු මෙහි දී සඳහන් කර ඇත.
එමෙන්ම එම රෝගීන්ගෙන් දැඩි සත්කාර ඒකකයේ 64 දෙනෙකුත් තවත් පුද්ගලයින් 106 දෙනෙකු ඔක්සිජන් මත යැපෙන බවත් වෛද්‍ය අන්වර් හම්දානි මහතා ප්‍රකාශ කරයි.