ආර්ථික ප්රශ්න හේතුවෙන් ඇතිවූ මානසික ගැටළු (ආතතීන්ට) වලට ප්රතිකාර ගැනීම සඳහා මානසික වෛද්යවරුන් හමුවට පැමිණෙන රෝගීන් ප්රමාණය දෙගුණයකින් පමණ වැඩිවී ඇතැයි ගාල්ල කරාපිටිය ශික්ෂණ රෝහලේ විශේෂඥ මනෝ වෛද්ය රූමි රූබන් මහතා ප්රකාශ කළ බව වාර්තා වේ.
එසේම සායනවලට පැමිණෙන එවැනි රෝගීන් සංඛ්යාවද දෙගුණයකින් වැඩිවී ඇතැයි පවසන විශේෂඥ වෛද්යවරයා ආර්ථික පීඩනය සහ අනාගතය පිළිබඳ අවිනිශ්චිතතාවය යනාදී කාරණා මෙම ආතති තත්ත්වයන්ට ප්රධාන හේතුව බවද සඳහන් කරයි.
තම දරුවන්ගේ අනාගතය පිළිබඳ අවිනිශ්චිතතාව, තරුණ තරුණියන්ගේ බලාපොරොත්තු බිඳවැටීම, ඉගෙන ගත්තත් හොඳින් ජීවත් විය නොහැකිවේ යැයි යන සෘණාත්මක අවිනිශ්චිත මනෝභාවයන් , දරුවන් විදේශ ගත කිරීම සඳහා මුදල් සොයා ගැනීමට දරන උත්සාහයන් අසාර්ථක වීම, දරුවන් විදේශයන්ට යැවීමෙන් තමන් තනි වේ යැයි යන සිතුවිලි යනාදිය මෙම මානසික පීඩනයන්ට ප්රධාන වශයෙන් හේතුවී තිබෙන බවත් මෙම ආතති වර්ධනය වීමෙන් විශාදය වැනි රෝග තත්ත්වයන් පවා මතු විය හැකි බවත් රූමි රූබන් මහතා ප්රකාශ කළ බව සදහන්.