කොළඹ උද්ධමනය තවත් ඉහළට.

කොළඹ පාරිභෝගික මිල දර්ශකයේ වාර්ෂික ලක්ෂ්‍යමය වෙනස මගින් මනිනු ලබන උද්ධමනය අගෝස්තු මස සිට සැප්තැම්බර් මාසය වන විට තවදුරටත් ඉහළ ගොස් ඇත.

ජනලේඛන දෙපාර්තමේන්තුව නිවේදනය කළේ එය අගෝස්තු මාසයේ 64.3% සිට සැප්තැම්බර් මාසය වන විට 69.8%ක් දක්වා ඉහළගොස් ඇති බවයි.

අගෝස්තු මාසයේ 93.7% ක් වූ ආහාර කාණ්ඩයේ උද්ධමනය සැප්තැම්බර් මාසයේ දී 94.9%ක් දක්වා ඉහළ ගොස් ඇති බව කොළඹ පාරිභෝගික මිල දර්ශකයට අනුව දක්වා ඇත.

එමෙන්ම ජනලේඛන හා සංඛ්‍යාලෛ්ඛන දෛපාර්තමේන්තුව  පෙන්වා දෙන්නේ පසුගිය මාසයේ 50.2% ක් වූ ආහාර නොවන කාණ්ඩයේ උද්ධමනය ද මෙම මාසයේ 57.6%ක් දක්වා ඉහළ ගොස් ඇති බවයි.

මේ අතර ජාතික පාරිභෝගික මිල දර්ශකයට අනුව අගෝස්තු මාසයේ උද්ධමනය දැක්වුණේ 70.2% ක් ලෙසය.