ත්‍රී රෝද රථ ගණනාවක් සොරකම් කළ පොලීසියට අවශ්‍යව තිබූ සැකකරුවෙකු නුගේගොඩ අපරාධ විමර්ශන කොට්ඨාසය විසින් අත් අඩංගුවට ගත් බව වාර්තා වේ.
එම සැකකරු සන්තකයේ තිබී හෙරෝයින් ග්‍රෑම් 5 යි මිලිග්රෑම් 560 ක් ද සොයා ගත් බව කියයි. එමෙන්ම ඔහුගෙන් කළ ප්‍රශ්න කිරීම් හමුවේ ඔහු විසින් සොරා ගත් ත්‍රී රෝද රථ 05 ක් සොයා ගැනීමට හැකි වූ බව ද වාර්තා වෙයි.
සැකකරු අද ( 23) නුගේගොඩ මහේස්ත්‍රාත් අධිකරණය වෙත ඉදිරිපත් කිරීමට නියමිත අතර මිරිහාන පොලීසිය විසින් සිද්ධිය සම්බන්ධයෙන් වැඩි දුර විමර්ශන කටයුතු සිදු කරන බව වාර්තා වේ .