ඇඹිලිපිටිය තෝරකොලයාය ප්රදේශයට හරක් හොර කමේ පැමිණි කිහිපදෙනකු හට නාදුනන කණ්ඩායමක් හෝ පුද්ගලයකු විසින් එල්ල කරන ලද වෙඩි ප්රහාරයකින් එක් පුද්ගලයකු මිය ගොස් තිබේ.
අද (11) දින අළුයම මෙම පිරිස වෙනත් ප්රදේශයක සිට තෝරකොලයාය ප්රදේශයට පැමිණ ඇත්තේ හරකුන් හොරෙන් රැගෙන යාමට බව වාර්තාවේ.
එහිදී මෙම පිරිසට එල්ලකර තිබෙන වෙඩි ප්රහාරයෙන් පසු වෙඩි වැදුණු පුද්ගලයාත් සමගම මෙම කණ්ඩායම වීරකැටිය රෝහල වෙත ගොස් තිබේ. වෙඩි වැදුණු පුද්ගලයා වීරකැටිය රෝහලට භාර දුන් පසු ඔහු රැගෙන ආ පුද්ගලයන් දෙදෙනා පොලිසිය මගින් අත්අඩංගුවට ගෙන තිබේ.
වෙඩි වැදී රෝහලට ඇතුලත් කරන ලද පුද්ගලයා මිය ගොස් ඇත.
වෙඩි තැබුවේ කවුරුන්ද යන්න තවම හදුනා ගෙන නොමැති අතර පොලිසිය විසින් වැඩිදුර පරීක්ෂණ ක්රියාත්මක කොට තිබේ.