ඊයේ (06) ශ්රී ලංකාවට විශේෂ දිනයක් ලෙස හිරු උදාවන්නේ සෑම නගරයක්ම පාලුවට ගොස් අඳුරු ස්වභාවයක් ගෙන දෙමිනි. ඒ හිරු උදාවත් සමගම “ හොරු ගෝ ගම “ නමින් අලුතින් ගමක් නම් කරන්නට ශ්රී ලාංකික අරගලකරුවන් කටයුතු කර තිබුණි. ඒ ශ්රී ලංකා පාර්ලිමේන්තුව ඉදිරිපිටදීය.
පාසල් වසා දමා, ප්රධාන නගර සියල්ලේම කළු කොඩි දමා විරෝධතා දියත් කර තිබුණි. තැපැල්, රෝහල් ආදී රාජ්ය ආයතන මෙන්ම දුම්රියද ඒ සදහා සහයෝගය දී තිබු අතර වෘත්තීය සමිති දහසකට වඩා එක්ව තිබිණි.
ප්රාදේශීය ලේඛ්ම් කාර්යාලද වසා දමන බවට සදහන් කර තිබුනද, බොහෝ ප්රාදේශීය ලේඛම් කාර්යාලවල සේවකයන් රාජකාරියට වාර්තා කර තිබුණි. නමුත් ජනතාව තම කටයතු සිදු කරගැනීම සඳහා පැමිණීමක් දක්නට නොතිබූ බව වාර්තාකරුවන් පැවසීය.
මේ උද්ඝෝෂණ අතර විශේෂත්වයක් සහ ජනතා ආකර්ශනය දෙන උද්ඝෝශනය පැවතුනේ ශ්රී ලංකා පාර්ලිමේන්තුව ඉදිරිපිටදීය. අරගලයේ නිරත තරුණ ප්රජාව අද දිනය ““ඇදුම් නැති දිනය” නම් කර තිබු අතර පාර්ලිමේන්තුව ඉදිරිපිට තරුණයන් විරෝධතාව ආරම්භ කර තිබුනේ “නන්දෙට ජංගියක්” ලෙසිනි. අද උදෑසන වන විට එම ස්ථානයේ හොරු ගෝ ගම ලෙසින් අලුතින් ගමක් නම් කරන්නට ඔවුන් කටයුතු කරනු ලැබුයේ, ඊයේ දිනයේ එම ස්ථානයේදී කදුළු ගෑස් ප්රහාර එල්ල කිරීමත් සමගයි. කදුළු ගෑස් ප්රහාරයෙන් පසු පාර්ලිමේන්තුව අවට පිවිසුම් මාර්ග සියල්ලම වසා දැමීමට ජනතාව කටයුතු කරන ලදී.
සාමකාමී අරගලකරුවන්ට ප්රාණ ඇපකරුවන් මුදවා ගැනීමට යොදා ගන්නා විස සහිත ගෑස් වර්ගයක් සහිත කදුළු ගෑස් ප්රහාරයක් එල්ල කිරීමට ශ්රී ලංකා පොලිසිය කටයුතු කර තිබුණි.
ඒ අතර (06) දින යට ඇදුම් දිනය ලෙස විරෝද්තාකරුවන් නම් කර තිබේ. ඒ ශ්රී ලංකා පාර්ලිමේන්තුව ආසන්නයේ පිහිටුවා ඇති හොරු ගෝ ගම පරිශ්රයේදීය. ඔවුන් මෙම විරෝධතාවය ආරම්භ කර තිබෙන්නේ දියත උයන ප්රවේශයේ මාර්ග බාධකයේ කාන්තා සහ පිරිමි යට ඇදුම් ප්රදර්ශනයට තබමිනි.
ඒ අතර ශ්රී ලංකා පාර්ලිමේන්තුව ඇතුලත උණුසුම් වෙමින් ජනතාවට විසදුම් ලබා දෙන ලෙස විපක්ෂ මන්ත්රීවරුන් ආණ්ඩුපක්ෂයෙන් දිගින් දිගටම ඉල්ලීමත් සමග පාර්ලිමේන්තුවද උණුසුම් වූ නමුත් ආණ්ඩුපක්ෂය ඒ වෙනුවෙන් ප්රතිචාර නොදැක් වූ බැවින් සමගි ජනබලවේගයේ මන්ත්රීවරුන් කතානායක නිල මැදිරිය වෙත පැමිණෙමින් දැඩි විරෝධතාවක් එල්ල කරන ලදී.
කතානායකවරයා සිර අඩස්සියට ගැනීම
ඊයේ දිනයද විසදුමක් නැතිව නාස්ති වෙද්දී ඊට පෙර දින නියෝජ්ය කතානායක ලෙස පත් වූ රන්ජිත් සියඹලාපිටිය මහතා නැවතත් ඉල්ලා අස් විය.
පාර්ලිමේන්තුව නිමා වීමෙන් අනතුරුව පාර්ලිමේන්තු මන්ත්රීවරුන් ඇතුළු මැති ඇමතිවරුන්ට පාර්ලිමේන්තුවෙන් පිටව යාමට නොහැකි විය. හොර පාරකින් යාමට ගිය පාර්ලිමේන්තු මන්ත්රී වරුන් වන මනුෂ නානායක්කාර මහතා සහ හරීන් ප්රනාන්දු මහත්වරුනට පිටත්ව යාමට ඉඩ නොදී සාමාන්ය ජනතාව ඔවුන්ව හරවා යවන ලදී.
පාර්ලිමේන්තු මන්ත්රීවරුන් ජනතාව විසින් හරවා යැවීම
විරෝදතා දිගටම පවතිද්දී අන්තර් විශ්ව විද්යාල බලමණ්ඩලය රජයට රතු නිවේදන නිකුත් කරමින් ඔවුන්ගේ උද්ඝෝෂණය අවසන් කරන ලදී. නමුත් විරෝදතාවය දිගටම පැවතිනි. රාත්රී වන විට එහි රැස්ව සිටි පිරිස ඉවත් කිරීමට ආරක්ෂක අංශ සාමකාමී ජනතාව් ඉලක්ක කරගනිමින් නැවතත් ප්රහාරයක් එල්ල කරන ලදී. රාත්රී 10.00 ට පමණ එම ප්රහාරය එල්ල කර තිබු අතර එහිදී විශේෂ කාර්ය බලකාය විසින්ද ජනතාවට පහරදෙන අයුරු දැක්වෙන වීඩියෝ සංසරණය විය.
රජයට රතු නිවේදන නිකුත් කිරීම
ඒ අරගල අස්සේ රාත්රී 10.20 පමණ වන විට ජනාධිපති ලේකම් කාර්යාලය නිවේදනයක් නිකුත් කරමින් ඊයේ (06) මධ්යම රාත්රියේ සිට ක්රියාත්මක වන පරිදි මහජන ආරක්ෂක පනතේ විදි විධාන පරිදි මහජන ආරක්ෂාව වෙනුවෙන් හදිසි නීතිය ක්රියාත්මක කරන ලදී. අරගල හේතුවෙන් දින 40 ක් වැනි කාලයක් ඇතුලත හදිසි නීතිය පැනවුයේ දෙවෙනි වරටයි.
සිය ගනනක් සාමකාමී උද්ඝෝෂණ අතරින් එකක්
