නීතිවිරෝධී ලෙස මුහුදු මාර්ගයෙන් විදෙස් රටකට සංක්‍රමණය වීමට උත්සාහ දැරීමේදී අනතුරට පත් වී වියට්නාමයේ රඳවාගෙන සිටි ලාංකිකයින් 23 දෙනෙකු දිවයිනට එවා ඇති අතර එම පිරිස අතරේ කාන්තාවන් 6 දෙනෙකු , අවුරුදු 19 ත් 50 ත් අතර වයස්වල පසුවන පිරිමි පුදගලයන් 15 දෙනෙකු සහ අවුරුදු 18 වඩා අඩු ළමුන් දෙදෙනෙකු සිට ඇති බව වාර්තා වේ.
මෙම පිරිස කිලිනොච්චිය , යාපනය , ත්‍රිකුණාමලය , වවුනියාව සහ මඩකපුව යන ප්‍රදේශවල පදිංචි දමිළ ජාතිකයින් පිරිසක් වන අතර මොවුන් සම්බන්ධයෙන් ඉදිරි නීතිමය කටයුතු ආගමන හා විගමන දෙපාර්තමේන්තුව සහ අදාළ බලධාරීන් විසින් සිඳු කරන බව සඳහන්.
