ඉංගිරිය ප්‍රදේශයේ පුද්ගලික ඖෂධ හලකින් නිකුත්කළ ඖෂධයක් පාවිච්චියට ගැනීමෙන් පසු පුද්ගලයෙකු අද (20) දින මියගොස් ඇති බව වාර්තා වේ.
මෙලෙස මියගොස් ඇත්තේ ඉංගිරිය, ඌරුගල පදිංචි ඩබ්ලිව්.ලීලාරත්න නම් 65 හැවිරිදි අයෙකි.
මොහුට වෛද්‍යවරයෙකු විසින් කොලෙස්ටරෝල් සඳහා නිකුත්කරන ලද ඖෂධ වට්ටෝරුවකට අනුව ඖෂධ නිකුත්කිරීමේදී අදාළ ඖෂධහල විසින් ලබාදී ඇත්තේ පිළිකා සදහා ලබාදෙන ඖෂධ බවත්, ඔහු එම ඖෂධ ලබාගෙන ඇත්තේ මීට සතියකට පමණ පෙර බවත් මූලික පරීක්ෂණ වලදී හෙළිව ඇති බව සදහන්.
මෙය වැරදි ඖෂධය හේතුවෙන් සිදු වූ මරණයක්ද යන්න පිළිබඳ වැඩිදුර පරීක්ෂණ පවත්වන බවද පොලීසිය පවසයි.