මාතර ශිෂ්‍යත්ව සිසුන්ට විශේෂ නිවේදනයක්.

අයහපත් කාලගුණයෙන් බලපෑම් එල්ල වී ඇති මෙවර ශිෂ්‍යත්ව විභාගයට පෙනී සිටින සිසුන්ට මාතර ආපදා කළමනාකරණ ඒකකය විසින් විශේෂ දැනුම්දීමක් සිදුකර තිබේ.

ඒ අනුව එම ප්‍රදේශයේ දරුවන්ට සහ විභාග කාර්ය මණ්ඩලයට පවතින කාලගුණ තත්ත්වය මත විභාග මධ්‍යස්ථාන වෙත ගමන් කිරීමට අපහසුතා ඇත්නම් මේ මස 14 වන දිනට පෙර ඒ පිළිබඳ දැනුවත් කරන ලෙසට දැනුම් දී ඇති බව වාර්තා වේ .

ඒ සම්බන්ධයෙන් 0412 234 134 හෝ ක්ෂණික දුරකථන අංකය වන 117 ඔස්සේ මාතර ආපදා කළමනාකරණ ඒකකය දැනුවත් කරන ලෙස ඔවුන් වැඩි දුරටත් සඳහන් කර තිබේ .