හැටන් නගර සභා කාර්යාලය පිටුපස සති ගණන් කසල පල්විමට ගොඩ ගැසීමත් සමඟ ප්රදේශයේ පෙර පාසල් දරුවන් , පාසල් සිසුන් ඇතුළු ප්රදේශයේ බොහෝ පිරිසක් දැඩි දුෂ්කරතාවයන්ට පත්ව තිබේ .
හැටන් නගර සභා කාර්යාලය පිටුපස නගර සභා අංගනය තුළ මෙම කසල ගොඩ ගැසීම සිදු කරන අතර එම ස්ථානයට සමීපව පෙර පාසල් දෙකක්, මහා විදුහලක් ,විහාරස්ථානය, අධිකරණය යන ස්ථාන පිහිටා ඇති අතර මෙම ස්ථානයේ මෙසේ කසල සති ගණන් ගොඩ ගැසීම හේතුවෙන් එම ස්ථානවලට පැමිණෙන කුඩා දරුවන් ඇතුළු අන් අය දැඩි දුෂ්කරථාවයන්ට පත්ව ඇති අතර මෙම තත්ත්වයන් මත ප්රදේශයේ විවිධ ලෙඩ රෝග පැතිරයාමේ අවදානමක්ද හට ගෙන ඇත.
මෙම තත්ත්වයන් පිළිබඳව අදහස් දක්වන පෙර පාසල් දරුවන්ගේ දෙමාපියන් කිහිප දෙනකුම පවසන ලද්දේ මෙම ස්ථානයේ මෙසේ කසල ගොඩ ගැසීම සමඟ දැඩි දුඟදක් හමන බවත්, මෙයට අමතරව මැසි මදුරු උවදුර ඉහළ යාමෙන් තමා මෙන්ම දරුවන්ද විවිධ ලෙඩ රෝගවලට ගොදුරු විමේ අවදානමක් පවතින බවත්ය.
එමෙන්ම මෙයට යාබදව පිහිටා ඇති ශ්රිපාද විදුහලේ ඉගෙනුම ලබන සිසුන් පිරිසක් හා ඔවුන්ගේ දෙමාපියන් පිරිසක්ද පවසන ලද්දේ මෙම ස්ථානයේ මෙසේ කසල ගොඩ ගැසීම හේතුවෙන් තමන් තම දරුවන් විවිධ ලෙඩ රෝගවලට ගොදුරු විමේ අවදානමක් පවතින බවත්ය.
එමෙන්ම මේ පිළිබඳව අදහස් දැක්වු ප්රදේශයේ පිරිසක් පවසන ලද්දේ මේ මස 26වන දිනට යෙදී තිබූ ඉල් පුන් පොහෝ දිනයේද තමන් හැටන් ශ්රි නිග්රෝධාරාම විහාරස්ථානයේදි සිල් සමාදම් වුවද මෙම ස්ථානයේ මෙසේ කසල ගොඩ හේතුවෙන් දැඩි දුඟදක් හමුවේ තමන්ට කල් ගත කිරීමට සිදුවු බවයි.
එමෙන්ම මෙම කසල ගොඩ හේතුවෙන් මැසි මදුරුවන් වර්ධනය වි ඇති බවත් , එම මැසි මදුරු උවදුර හේතුවෙන් දානපතියන් විසින් සකස් කර තමන්ට ලබා දුන් දාන වේලද නිසි ලෙස ආහාරයට ගැනිමට නොහැකිවු බවත්ය.
මෙම ස්ථානයේ මෙන්ම නගරයේ විවිධ ස්ථානවලද කසල ගොඩවල් පැවතීම මත මෙම ප්රදේශයේ ජනතාවගේ සෞඛ්යට විවිධ තර්ජන එල්ලවෙමින් පවතින බවද එම පිරිස් පවසති.
පළාත් පාලන ආයතනයක් ප්රදේශයේ ජනතාවගේ සෞඛ්ය රැකීමට ප්රමුඛ ස්ථානයක් දිය යුතු වුවද හැටන් දික්ඔය නගර සභාව මෙසේ තැන තැන කසල ගොඩ ගසා ප්රදේශයේ ජනතාවගේ සෞඛ්යට විවිධ තර්ජන එල්ල කිරීම දැඩි කනගාටුවක් බවත් , මේ පිළිබඳව මධ්යම පළාත් ආණ්ඩුකාරවරයාගේ දැඩි අවදානය යොමු කල යුතු බවත් එම පිරිස් වැඩි දුරටත් පවසති.
මෙම තත්ත්වයන් පිළිබඳව හැටන් දික්ඔය නගර සභාවේ මහජන සෞඛ්ය පරික්ෂක එස්. බාලක්රිෂ්නන් මහතාගෙන් කරන ලද විමසීමකදී ඔහු පවසන ලද්දේ මෙම ප්රදේශයේ දිනකට කසල ට්රැක්ටර් තුනක් පමණ එකතුවුවද මෙම කසල දැමීම කිලේ මීටර් 25ක් පමණ දුරක් වන රිකාටන් ප්රදේශයට රැගෙන යාම සිදු කරනුයේ එක් ට්රැක්ටරයක් බවත්ය.
එයටද හේතුව වී ඇත්තේ නගර සභාව සතු ට්රැක්ටර් තුනක් අබලන්ව පැවතීම බවත් , ධාවන තත්ත්වයේ පවතින ට්රැක්ටර් දෙකින් එකක් හා ලොරි රථ උපයෝගී කර ගෙන නගරයේ කසල එකතු කර අනික් ට්රැක්ටරය උපයෝගි කර ගෙන කසල තොගයක් රිකාටන් ප්රදේශයට රැගෙන යාම සිදු කරන බවත්ය.
අබලන් තත්ත්වයේ පවතින ට්රැක්ටර් තුන නවීකරණය කර දීමට පියවර ගන්නා ලෙස නගර සභාවේ අදාල නිලධාරින් දැනුවත් කර ඇති බවත් , එම ට්රැක්ටර් කඩිනමින් නවිකරණය කර දීමට පියවර ගන්නේ නම් දිනකට කසල ට්රැක්ටර් තුනක් හතරක් රිකාටන් ප්රදේශයට යැවීමට හැකියාවම පවතින බවද ඔහු වැඩි දුරටත් පැවසීය.
මෙම තත්ත්වයන් පිළිබඳව විමසීම සඳහා හැටන් දික්ඔය නගර සභාවේ ලේකම් හමුවීමට ගියද ඔහු නිවාඩු බැවින් ප්රධාන ලිපිකාරිය හමුවීමට උත්සාහ කලද එම නිලධාරිනියද නිවාඩු බැවින් අන් අයට මෙයට පිළිතුරු ලබා දීමට නොහැකි බව එහි නිලධාරිනියක් පවසන ලදි.
පසුව මෙම තත්ත්වයන් පිළිබඳව විමසීම සඳහා නුවරඑළිය දිස්ත්රික් පළාත් පාලන සහාකාර කොමසාරිස් වීජේවර්ධන මහතාගේ ජංගම දුරකථන 0706405452 අංකයට කතා කර විමසීමේදි ඔහු පවසන ලද්දේ හැටන් දික්ඔය නගර සභා බල ප්රදේශයේ එකතුවන කසල බැහැර කිරීම සඳහා නිසි ස්ථානයක් නොමැතිවිම දැඩි ප්රශ්නයක්වි ඇති බවත්ය.
එහෙත් මෙම කසල ප්රශ්නය විසදීම සඳහා මෙසේ එකතුවන කසල තලවකැලේ නගර සභා කසල අංගනය වෙත රැගෙන යාමට පියවර ගන්නා ලෙස තමන් හැටන් දික්ඔය නගර සභාවේ ලේකම්වරයාට අවශ්ය උපදෙස් ලබාදී ඇති බවත්ය.
මෙයට අමතරව මෙම කසල ප්රශ්නයට ස්ථිර විසදුමක් ලබා දීම සඳහා ඉඩම් කොටසක් මෙම නගර සභාවට ලබා ගැනීම සඳහා දැඩි උත්සහයක් ගන්නා බවද ඔහු වැඩි දුරටත් පැවසීය.