වෛද්ය රසායනාගාරයක මුදල් සේප්පුවට ව්යාජ මුදල් නෝට්ටු ඇතුළු කළ සේවකයකු සොයා ජා-ඇළ පොලිසිය විමර්ශන ආරම්භ කර ඇති බව වාර්තා වේ.
එම මුදල් සේප්පුවේ තිබී ව්යාජ රුපියල් පන්දහසේ නෝට්ටුවක් එහි සේවය කළ සේවිකාවකට හමුවී තිබේ.
ඒ සම්බන්ධයෙන් ආයතනය මගින් සිදුකළ විමර්ශනවලදී අනාවරණය වී ඇත්තේ එම මුදල් සේප්පුවට ඇතුළු කර ඇත්තේ එම ආයතනයේම සේවකයෙකු බවයි.
ඒ සම්බන්ධයෙන් ආයතන පාලන අධිකාරිය විසින් ජාඇල පොලිසියට පැමිණිලි කිරීමෙන් අනතුරුව විමර්ශන ආරම්භ කර තිබෙන බව වාර්තා වේ.
සැකකාර සේවකයා මේ වන විට පලා ගොස් සැඟව සිටින බවට පොලීසිය පවසයි.