නිර්වින්දන වෛද්‍යවරයකු නොමැතිවීම හේතුවෙන් හම්බන්තොට මහ රෝහලේ ශල්‍යකර්ම සියල්ල නතරවී ඇතැයි විපක්ෂ නායක සජිත් ප්‍රේමදාස මහතා අද (20) පාර්ලිමේන්තු සභා කටයුතු ආරම්භයේදී ප්‍රකාශයක් කරමින් සඳහන් කළ බව වාර්තා වේ .
මේ ගැටලුව හේතුවෙන් ප්‍රදේශයේ ජනතාව බලවත් දුෂ්කරතාවට පත්ව සිටින බවත් , ශල්‍යකර්ම කර ගැනීම සඳහා අද ඔවුන්ට මාතරට , ගාල්ලට යෑමට සිදුව ඇති බවත් විපක්ෂ නායකවරයා ප්‍රකාශ කරන ලදී.
එමෙන්ම සජිත් ප්‍රේමදාස මහතා වැඩි දුරටත් අදහස් දක්වමින් ප්‍රකාශ කළේ හම්බන්තොට රෝහලේ නිර්වින්දන වෛද්‍යවරයා නොදන්වා පිටරට ගොස් ඇති බවත් , රෝහලේ ශල්‍යකර්ම සියල්ල නතරවී ඇත්තේ මේ නිසා බවත් , මේ ප්‍රශ්නය සම්බන්ධයෙන් අවධානය යොමුකර හම්බන්තොට රෝහලට නිර්වින්දන වෛද්‍යවරයකු වහාම ලබාදීමට කටයුතු කිරීමට තමා රජයෙන් ඉල්ලීමක් කරන බවත් ය.