යාපනය මාණිප්පායි සන්දිලිප්පායි උතුර ප්‍රදේශයේ පිහිටි නිවසකට ඇතුලුවූ නාදුනන පිරිසක් විසින් නිවසට පෙට්‍රල් බෝම්බ ප්‍රහාරයක් එල්ල කොට ගිනිතබා පලා යාමෙන් දේපල රැසකට දැඩි හානි සිදුව ඇති බව වාර්තා වේ.
කළු රෙදිකඩවලින් මුහුණු ආවරණය කරගත් පිරිසක් අදාල නිවසට ඇතුලු වූ අවස්ථාවේදී එක් තරුණයෙකු නිවස තුල සිට ඇති අතර එම තරුණයාට පහර දී පලවා හැර නිවසට පෙට්‍රල් බෝම්බ වලින් පහරදී ගිනිතැබීම සිදුකොට ඇති බවට අනාවරණය වී තිබේ.
පසුව එම පිරිස් විසින් නිවස ඉදිරිපිට තිබූ යතුරුපැදි දෙකකටද ගිනිතබා පලා ගොස් ඇති අතර අදාල යතුරුපැදි දෙකද සම්පූර්ණයෙන්ම ගිනිගෙන විනාශ වී ඇතැයි පොලීසිය පවසයි.
එමෙන්ම නිවසේ තිබූ උපකරණ ඇතුලු දේපල රැසක් ගින්න හේතුවෙන් සම්පූර්ණයෙන්ම විනාශ වී ඇති අතර ප්‍රදේශවාසීන් විසින් නිවසේ ගින්න නිවා දැමීමට පියවර ගෙන ඇති බව සඳහන්.