ශ්‍රී ලංකා ටෙලිකොම් ආයතනය පෞද්ගලීකරණය කිරීමෙන් ජාතික ආරක්ෂාවට තර්ජනයක් නොමැති බව විදුලි සංදේශ නියාමන කොමිෂන් සභාවේ හිටපු අධ්‍යක්ෂ ජනරාල් මහාචාර්‍ය රොහාන් සමරජීව මහතා ජනාධිපති මාධ්‍ය අංශය විසින් නිෂ්පාදනය කරන “ 101 “ කතා වැඩසටහනට සහභාගී වෙමින් ප්‍රකාශ කළ බව වාර්තා වේ.
එමෙන්ම ජාතික ආරක්ෂාව පිළිබඳ ආංශික අධීක්ෂණ කාරක සභාව ජාතික ආරක්ෂාව යන වචනය සටන් පාඨයක් කරගෙන ඇති බවත් , කිසිදු විශේෂඥ දැනුම ඇති පුද්ගලයන්ගෙන් විමර්ශනයක් සිදු නොකර මෙවැනි වාර්තාවක් සකස් කර තිබෙන බවත් ඔහු වැඩි දුරටත් සඳහන් කර තිබේ.