සමස්ත ලෝකයටම හයියක් ලෙස පෙනුණු රුසියානු ජනාධිපතිට එංගලන්ත රටේ මහාරාජිනියගේ අවමංගල උත්සවයට අරාධනා ලැබී නොතිබුණි. ශ්රී ලංකාවේ ද බොහෝ දෙනෙකු ව්ලැඩ්මීර් පූටින්ට දැඩි සෙනෙහසක් දැක වූ අතර යුක්රේනයට පහර දෙන විට ඔවුන් ඊට ආශීර්වාද කළේය. නමුත් බහුතර සාමකාමී බොහෝ දෙනෙකු යුක්රේනයට පහර දීම අනුමත කලේ නැත. කෙසේ නමුත් රටක් ලෙස රුසියානු ජනාධිපති ශ්රී ලංකාව සමග දැඩි හිතවත් කමක් තිබේ.
කෙසේ වුවත් එකිනෙකා පරය යමින් ලෝකයක් ගොඩනැගිය නොහැකිය. නමුත් ලෝක පාලකයන් එය තේරුම් ගෙන නැත. මේ වන විට රුසියානු ජනාධිපතිවරයා දරුණු උගුරේ පිළිකාවකකින් පීඩා විඳින බවද, මේ වන විට දකුණු අත අක්රියව ඇති බවද වාර්තා වේ. එසේම ජුඩෝ ක්රීඩාවේදී මොලේ ශෛල වලට හානි වෙලා තිබෙන බවත් නිල නොලත් තොරතුරු ඔස්සේ වාර්තා වේ. කෙසේ වුවත් ඔහු සිටින්නේ වියරුවෙන්. මේ වන විට යුක්රේනය වර්ග කිලෝමීටර 6000 ක්ම ආපහු ගහලා නිදහස් කරගෙන තිබෙන අතර රුසියානු සෙබළු පලා ගොස් තිබේ . එසේම පුටීන්ට ඉල්ලා අස්වෙන්න ලෙස ප්රාදේශීය දේශපාලඥයෝ බලපෑම් කරන බවද අපට වාර්තා වේ.
“කොහොම වුණත් පුටීන් ගේ බෝම්බ නිසා සරණාගතයෝ වෙච්ච, රටක් අහිමි වෙච්ච,අත් පය අහිමි වෙච්ච සිරියානු ළමයි මිලියන කීයක්ද? ලෝකේ වටේ සරණාගතයෝ වෙච්ච සිරියානු ජාතිකයෝ මිලියන දහයකට වැඩියි. ඔවුන්ට සදහටම රටක් නැති වෙලා”, යයි සරණාගත කටයුතු පිලිබඳව නියැලෙන ටිකිරි සුභාෂනි මහත්මිය සඳහන් කරයි.
“ශ්රී ලංකාවේ පූටින්ට ආදරේ අය ප්රකාශ කලේ “ ..මරු වැඩේ..මුස්ලිම් එවුන්ටනේ උණේ …අනික ඔය බටහිර,ඔය යුරෝපය ඉස්ලාමිකරණය වෙන එකමයි හොඳ…” එතනදීත් පුටීන් ලංකාවේ ජාතිවාදීන්ට, ආගම් වාදීන්ට, සමාජ වෛරයෙන්, බටහිරය සමග සහේතුක අහේතුක ඉර්ෂ්යාවෙන් පෙළෙමින් ඉන්න විට ගේන්නේ සතුටක්”. ඒ මහත්මිය සදහන් කරයි
“ඇෆ්ගනිස්තානේ ළමයින්ගේ ඇස් පාට පාටයි ..හරි ලස්සනයි…ලංකාවේ අය කියනවා..රුසියානු සොල්දාදුවෝ කුසට අහරක් දීලා ඇෆ්ඝන් ගැහැණු න්ට පුටින් ලා වගේම දරුවෝ දීලා ගිහින්.. ජාන මිශ්ර වීම නිසා ඔවුන්ගේ ඇස් පාට පාටයි. මුළු මහත් ජාතියක් ලෝකේ වටේ හිඟා කනවා.අවසානයේ විසඳුම ආයුධ සන්නද්ධ මුලධර්ම වාදී රටක්.ඒකත් මුස්ලිම් රටක් ..හොඳ වැඩේ..”
‘යේමනයේ මේ වෙනකොට ළමයි මිලියනයක් වත් කුසගින්නේ මැරිලා..තවත් ළමයි මිලියන 6 ක් මන්ද පෝෂණයෙන්. ඒකත් මුස්ලිම් රටක්. ඔහේ කමක් නැහැ..ලංකාවේ පුටීන් වාදී සමාජවාදියා හිත හදාගන්නවා”.
“යුක්රේනයේ මේ වෙනකොට මිලියන 10 ක් ජනතාව සරණාගතයෝ. එයින් 70% ළමයි. අපෝ උන්ට ඔහොම වෙන්න ඕන..බටහිරට කත් අදින උන්…ලංකාවේ අය හිත හදාගන්නවා..”
“මගේ රැකියාවේදී හමුවෙච්ච වැඩි පිරිසක් පුටීන් ගේ වින්දිතයෝ..රුසියාවේ හිතුවක්කාර විදේශ ප්රතිපත්තියේ වින්දිතයෝ. තනි අතකින් අප්පුඩි ගහන්න බැහැ .බටහිරය ත් මෙතන ඉන්නවා. හැබැයි බෝම්බ ගහලා නන්නත්තාර කරන එකම එක මුස්ලිම් භක්තිකයකු පුටීන්ලා තමන්ගේ රටට ගන්නේ නැහැ. මේ ලෝකේ ඉස්ලාමීය කරණය කරුණක් නම් එහි පළමු හේතුව වර්ථමානයේ රුසියාවේ පුටීන්.”
“දැන් පුටීන් අපේ දොරකඩටත් ඇවිත්..ඒ යුක්රේනයේ තිරිඟු අස්වැන්න බෙදාහැරීම ට බාධා කරලා බිඳ වට්ටලා..ආනයන මත යැපෙන අප්රිකාව හා එහි දරුවන් කුසගින්නේ…අපෙත් හාල් ඇටයක් නැති රොටී කෑල්ලක් විතරක් කාලා තෙල් ණය ගෙවන වතුකරයේ ජිවීත සෘජුවම පුටීන් ගේ දුෂ්ට කමට ලක්වෙලා. තවත් බොහෝ ආර්ථික ගැටළු පුටීන්ගේ යුද්දේ එක්ක අපිට බැඳෙනවා..ඒත් පුටීන්ට රැජිණගේ මළගෙදර එන්න කිව්ව නැති එක ගැන හරිම දුකයි..පුටීන් මහත්තයා…ලෝකේ ගොඩාක් ළමයින්ට බෝම්බ ගහලා,කුසගින්නේ තියලා. එයාගේ ළමයි…එයාගේ ළමයි බටහිර යුරෝපා රටවල සැපේ ඉන්න සලස්වනවා..”
“පුටීන් ගැන ලංකාවේ මිනිස්සු හිතාගෙන ඉන්න බෝධිසත්ව බවට මට නම් හිනා යනවා.කව්ද කිව්වා මේ ලඟදි පුටීන් ලෝකේ බුදුදහම පතුරවන්න යනවා කියලා..අනේ ඉතින් දැඩි නැමියාවක් ඇති ඔර්තොදොක්ස් පුටීන් කවදාහරි දවසක කර්නල් ආනන්ද වීරසේකර වගේම මහණ වෙන්නත් ඉඩ තියෙනවා. අපේ කට්ටිය ට පෝලිමේ ගිහින් බණ අහන්න අවස්ථාව උදා වේවා”. ලෙස ඇය තම සටහන තබා තිබේ.
