- ජේෂ්ඨ පොලිස් නිලධාරීන්ගේ ක්‍රියාත්මක වීම!
- ඇඟ තිබුණට මොලේ නැති OIC ගේ හැසිරීම!
- පළාත් අධ්‍යාපන බලධාරීන් පැමිණිලි යට ගැසීම!
- රාවණා ලංකා පුවත් සේවයට එරෙහිව අසත්‍ය පැමිණිල්ලක් ඉදිරිපත්කිරීම!
- 2002 අංක 12 දරන පනත!, ජනමාධ්‍ය සහ පුරවැසි අයිතිවාසිකම්!
- හිස් කොළවලට දෙමාපියන්ගෙන් අත්සන් ගැනීම!.
- විදුහල්පතිගේ චන්ඩින් ආදී ශිෂ්‍ය සංගමයේ ලේඛම්ට මරණීය තර්ජන එල්ලකිරීම!
- විදුහල්පතිට, කළාප අධ්‍යාපන අධ්‍යක්ෂට සහ සබරගමුව පළාත් අධ්‍යාපන ලේඛම්ට එරෙහිව අපරාධ චෝදනා ඉදිරිපත්කරමින් පොලිස් පැමිණිල්ලක්!.
- පාසල බේරාගැනීම වෙනුවෙන් ජාතික සංවිධාන එකමුතුවක්!
“ඇඟ තිබුණට මොලේ නැති OIC කෙනෙක්” මැයෙන් අප (25) පලකරන ලද පුවතට ක්ෂණික ප්‍රතිචාර දැක්වීමට ඇඹිලිපිටිය කොඨිඨාශය බාර ජේෂ්ඨ පොලිස් අධිකාරී සුදත් මාසිංහ මහතා කටයුතු කරන ලදී. ඒ අනුව එදිනම අප වෙත දුරකථනයෙන් අමතා එම පැමිණිල්ල නැවත ඉදිරිපත්කරනා ලෙසත් අදාළ පොලිස් ස්ථානාධිපතිවරයාට එරෙහිව පැමිණිල්ලක් යොමු කරන ලෙස දන්වන ලදී.
ඒ අනුව ඇඹිලිපිටිය ප්‍රදේශය භාර සහකාර පොලිස් අධිකාරී සනත් කුමාර මහතාගේ සහ ඇඹිලිපිටිය මූලස්ථාන ප්‍රධාන පොලිස් පරීක්ෂක දයාවංශ මහතාගේ සෘජු මැදිහත්වීම සහ උපදෙස් මත අපගේ පැමිණිල්ල ලිවීම සඳහා පොලිස් නිලධාරියෙකු ඊයේ (26) අප සිටින ප්‍රදේශයේ පොලිස් ස්ථානය වෙත යොමුකර තිබුණි.
මෙම සිදුවීමට හේතුව වුයේ ඇඹිලිපිටිය මහා විද්‍යාලයේ විදුහල්පතිගේ වංචා, දුෂණ සහ අක්‍රමිකතා වලට එරෙහිව පාසලේ ආදී ශිෂ්‍ය සංගමය විසින් පැමිණිලි කිහිපයක් ඉදිරිපත් කර තිබීමයි. ඇඹිලිපිටිය කලාප අධ්‍යාපන අධ්‍යක්ෂක හෝ සබරගමු පළාත් අධ්‍යාපන ලේඛම් විසින් හෝ එයට එරෙහිව ගත යුතු නීතිමය ක්‍රියාමාර්ග නොගැනීම නිසා පාසල් ප්‍රජාව අතර මේ වන විට ගැටුම් ඇතිව තිබේ. අපට ලැබී තිබෙන තොරතුරුවලට මෙම ගැටුම් ඇතිකරනුයේ විද්‍යාලයේ විදුහල්පති විසිනි.
ඒ අනුව (25) විදුහල්පතිට හිතවත් කණ්ඩායමක් විසින් අප ආයතනයට එරෙහිව භාවිතා කිරීම සඳහා හිස් කොලයකට දෙමාපියන්ගෙන් අත්සන් ලබාගෙන තිබේ. එම අත්සන් ලබා ගත්තේ විවිධ බලපෑම් කරමින් බව දෙමාපියන් අපට දැනුම් දුන් බැවින් අප එම අවස්ථාවේම පොලිස් හදිසි ඇමතුම් ඒකකය (119) වෙත එය පැමිණිලි කරන ලදී.
අනතුරුව එම සිද්ධිය පිළිබඳව පැමිණිලි කිරීම සඳහා අප ආයතන හිමිකරු සහ විදුහලේ තොරතුරු සොයා වාර්තාකළ අපගේ මාධ්‍යවේදියෙක් සමඟ ඇඹිලිපිටිය පොලිසිය වෙත ගියේ පැමිණිල්ලක් ඉදිරිපත් කිරීමටය. මෙහිදී විවිධ පැමිණිලි අංශයේ ස්ථානාධිපතිවරයා “ ඔයාට විරුද්ධව පැමිණිල්ලක් තිබෙනවා” යැයි පවසා පැමිණිල්ලක විස්තරයක් පවසා අපගේ පැමිණිල්ල ලියා ගැනීම පසෙක දමා බලපෑමක් වන අයුරින් ප්‍රශ්න කරයි. ඒ අනුව අප ආයතන හිමිකරු සහ අදාල ප්‍රධාන පොලිස් පරීක්ෂකවරයා අතර උණුසුම් සංවාදයක් ඇති වේ.
කෙසේ නමුත් එම ප්‍රශ්න කිරීම එම අවස්ථාවේ සිදුනොකර, අපගේ පැමිණිල්ල සටහන් කරගත්තේ නම් ගැටළු ඇති නොවේ. සංවාදය උණුසුම් වනවිට “හරි හරි, අපි ඔය වාදය නවත්වමු. මගෙන් වැරදි වචනයක් කියා උනා නම් සමාවෙන්න. අපි ඕක නවත්වමු. මගේ පැමිණිල්ල ලියාගන්නකෝ. ඒ කතාව අපි නවත්වමු” ලෙස අප හිමිකරු ප්‍රකාශ කිරීම වීඩියෝ දර්ශනවල සහ අනෙකුත් පටිගත කිරීම්වල පැහැදිලිවම සටහන්ව තිබේ . අපගේ පැමිණිල්ල ලියා ගැනීම සඳහා පොලිස් නිලධාරීන් තුන් දෙනෙකු ඉදිරියේ වාඩි කිරීමට කටයුතු කිරීම ද සටහන්ව තිබේ. එය ඉතාම නින්ධිත ක්‍රියාවලියකි.
තුන්වෙනි පොලිස් නිලධාරියා සියලු තොරතුරු විමසා නැවත අදාල ස්ථානාධිපතිවරයා වෙත ගොස් කරුණු ඉදිරිපත් කරන ලදී. එවිට “ එහෙම පැමිණිලිකරන්න බෑනේ” ලෙස ඔහු ප්‍රකාශ කරයි. අනතුරුව “HOI ගෙන් ගිහින් අහන්න” ලෙස එම පොලිස් නිලධාරියාට නියෝගකරන ලදී. ඔහු අපගේ හිමිකරුද රැගෙන HOI හමුවීමට ගියත් ඔහු ඒ වන විටත් රත්නපුරය දක්වා ගොස් තිබුණි. අප හිමිකරුට එම ස්ථානයේ වාඩි වන ලෙස පවසා ඔහු සමඟ ගිය පොලිස් නිලධාරියා එතනින් ඉවත්ව ගොස් තිබේ. පසුව අප හිමිකරු පොලිස් ස්ථානයෙන් පිටව පැමිණෙන ආකාරයද අපගේ වීඩියෝ දර්ශනවල ඇතුළත්ව තිබේ.
යම් ආයතනයක් හෝ යම් පුද්ගලයෙක්ගේ නීතිවිරෝදී හැසිරිම්වලදීවත් ඔවුන්ට එරෙහිව දැඩි තීරණ ගැනීම අප මේ වන තෙක්ම කර නැත. අප නිරන්තරයෙන්ම දකින්නේ රැකියාව නොමැති වුවහොත් ඔවුන් ලක්වන දැඩි පීඩාව පිළිබඳවය. ඔහු අපට සිදුකල එම ක්‍රියාව සිදුකලේ අප වෙත පමණක් බැවින් එම වීඩියෝ දර්ශන සමාජ මාධ්‍ය වෙත හෝ වෙනත් මාධ්‍ය වෙත නිකුත් නොකිරීමට තරම් අපගේ ආයතන හිමිකරු මානවවාදී විය. නමුත් විදුහල්පතිගේ ක්‍රියාවලිය නිසා දහස් ගනනාවක් දෙමාපියන් පවා අසරණ වේ. දරුවන්ගේ ජිවිත යහපත් කිරීම අපට වටින්නේ ඔවුන් අප රටේ අනාගත පරපුර බැවිනි. එබැවින් දහස් ගනනාවක් වන පාසල් ප්‍රජාව වෙනුවෙන් අප පෙනී සිටින්නේ තව තවත් අපරාධ සිදුවීම වැලැක්වීම වෙනුවෙනි.
මාධ්‍ය වාර්තාවක් පලකිරිම පිළිබඳව, මාධ්‍යවේදීන්ට එරෙහිව අපරාධ චෝදනා ඉදිරිපත් කිරීම 2002 අංක 12 දරන පනත මඟින් ඉවත්කර තිබේ. ලංකා දණ්ඩනීති සංග්‍රහයේ සාපරාධි අපහාස නීතිය ඉවත් කර තිබීම තුළම ඒ පිළිබඳව ප්‍රශ්න කිරීමම නීතිවිරෝධී වේ. ඒ අනුව මාධ්‍ය වාර්තා මඟින් යම් පුද්ගලයෙකුට එරෙහිව කරන ප්‍රකාශයක් අපරාධයක් නොවේ. එසේම මාධ්‍ය වාර්තා මඟින් අප පෙන්වා දී තිබෙන්නේ මහජන ගැටුම් ඇතිවන ආකාරයත්, එය වළක්වා ගැනීම සඳහා රාජ්‍ය නිලධාරීන් කටයුතු කළ යුතු බවත් එයට අවශ්‍ය තොරතුරු ලබාදීමත්ය. ඒ අනුව අප කළ පුවතකට එරෙහිව පැමිණිල්ලක් පොලිසිය වෙත ඉදිරිපත් කිරීම කළ හැකි වුවත් එයට අවශ්‍ය ප්‍රකාශ ලබා ගැනීම සඳහා, පැමිණිලි විභාග කිරීම සඳහා අපව කැඳවීමට පොලිසියට බලයක් නොමැත. කෙස් නමුත් අපට එරෙහිව ඇඹිලිපිටිය පොලිසිය වෙත පැමිණිල්ලක් ඉදිරිපත්කර තිබේ. එම පැමිණිල්ලද අසත්‍ය පැමිණිල්ලක් වන අතර එම පැමිණිලිකරුද විදුහල්පතිගේ සමීපතමයෙකු වේ. පසුගිය (25) වැනි දින ඔහු ආදී ශිෂ්‍ය සංගමයේ ලේඛම්වරයාටද මරණීය තර්ජන එල්ලකර තිබේ. ඒ ඔහුගේ නිවසට ගොස්ය. ලේඛම්වරයා විසින් එයද පොලිසියට පැමිණිලිකර තිබේ.
ඒ අනුව අප ප්‍රදේශයේ පොලිස් ස්ථානය වෙත පැමිණ අපගෙන් ලබාගත් පැමිණිල්ල තුළ ඇඹිලිපිටිය මහා විද්‍යාලයේ විදුහල්පතිට, ඇඹිලිපිටිය කලාප අධ්‍යාපන අධ්‍යක්ෂකට සහ පළාත් අධ්‍යාපන ලේකම් යන අයවලුන්ට එරෙහිව ලංකා දණ්ඩනීති සංග්‍රහය යටතේ නීතිමය ක්‍රියාමාර්ග ගන්නා ලෙස ඉල්ලා තිබේ. තවද පාසල් ප්‍රජාව සහ ඔවුන්ගේ ජීවිතාරක්ෂාව උදෙසා අප එසේ පැමිණිලිකර තිබේ. මාධ්‍ය ආයතන ක්‍රියාත්මක විය යුත්තේ සමාජ ආරක්ෂණය වෙනුවෙනි. “ සමාජයේ මුර බල්ලා” ලෙස මාධ්‍යවේදියා හඳුන්වන්නේ එබැවිනි. ඒ අනුව ඇඹිලිපිටිය මහා විද්‍යාලයේ විදුහල්පතිට අනෙකුත් නිලධාරීන් දෙදෙනාටද එරෙහිව ඇඹිලිපිටිය මහේස්ත්‍රාත් අධිකරණය තුල නඩු පැවරිය යුතුමය.
ඒ අනුව ලංකා දණ්ඩ නීති සංග්‍රහයේ 100,101,106,108,109,113 (අ), 120,197,261,288,330,341,372,398,401,408,452,453,459,483 සහ 485 යන වගන්තිවලින් විදුහල්පතිටද, 109, 112,120,162,175,180,198,199,200,214,215,288,330,453 සහ 485 යන වගන්තිවලින් ඇඹිලිපිටිය කළාප අධ්‍යාපන අධ්‍යක්ෂකවරයාට එරෙහිවද නඩු, 109,112,120,162,214,215,සහ 288 යන වගන්තිවලින් සබරගමුව පළාත් අධ්‍යාපන ලේඛම්වරිය හෝ එහි රාජකාරිය පැහැර හැර තිබෙන පුද්ගලයන්ට එරෙහිව නඩු පවරන ලෙසද එම පැමිණිල්ල අප විසින් යොමුකර තිබේ. කෙසේ නමුත් වගන්ති කිහිපයක් සදහා නඩු පැවරිය යුත්තේ පරීක්ෂණවලින් අනාවරණය වන කරුණු මතය. අනෙක් කරුණු වෙනුවෙන් නඩු පැවරීමට අදාළ පැමිණිල්ල ක්‍රියාත්මක නොකිරීමම ප්‍රමාණවත් වේ. කෙසේ නමුත් සබරගමුව පළාත් අධ්‍යාපන ලේඛ්ම්වරිය තම රාජකාරිය ඉතාම හොදින් ඉටුකරන බවට ප්‍රසිද්ධ නමුත් මෙම පැමිණිල්ලට අදාළ කටයුතු ඉටුනොකිරම ගැටළු සහගතව තිබේ. එය වෙනත් පාර්ශවයක් විසින් යට ගසනා ගසනා බවද අප මීට පෙර වාර්තා කරත තිබේ.
ඒ අනුව අපගේ වගකීම අප ඉටුකර තිබේ. ඒ අනුවත් ක්‍රියාත්මක නොවන්නේ නම් අප ඉදිරි සතියේදී මේ පිලිබදව කැබිනට් තීරණ දැනුම් දීමේ මාධ්‍ය සකච්චාවේදී රාජ්‍ය වෙත දැනුම් දීමටත්, ජාතික සංවිධාන කිහිපයක් හරහා මාධ්‍ය සාකච්චාවක් පැවැත්වීමටත් අවශ්‍ය කටයුතු සුදානම් කර තිබේ.
ඇඹිලිපිටිය කොඨිඨාශය බාර ජේෂ්ඨ පොලිස් අධිකාරී සුදත් මාසිංහ, ඇඹිලිපිටිය ප්‍රදේශය භාර සහකාර පොලිස් අධිකාරී සනත් කුමාර සහ ඇඹිලිපිටිය මූලස්ථාන ප්‍රධාන පොලිස් පරීක්ෂක දයාවංශ යන මහත්වරුන්ගේ සෘජු අධික්ෂණය යටතේ අවශ්‍ය පරීක්ෂණ සිදුවේ. කෙසේ නමුත් අපගේ පැමිණිල්ල ලියා නොගැනීම වෙනුවෙන් අපට යුක්තිය ඉටුකරදීම වෙනුවෙන් අපගේ විශේෂ ස්තුතිය ද ඔවුන් වෙනුවෙන් මෙසේ පළකරන්නෙමු.
කෙසේ නමුත් ඇඹිලිපිටිය පොලිස් ස්ථානය තම රාජකාරියත්, අධ්‍යාපන බලධාරීන් තමන්ගේ රාජකාරියත් ඉටුකරනා තෙක් ශ්‍රී රාවණා ලංකා අපද විමසිල්ලෙන් සිටින්නේ සමස්ත පාසලත්, දරුවන්ගේ අනාගතයත් වෙනුවෙනි!.
පළමු පුවත සහ ආදී ශිෂ්‍ය සංගමයේ පැමිණිල්ල.
