මේ වන විට ශ්රී ලංකාවේ ඉන්ධන ගැටලුවට පිළියම් නොදෙන්නේ ඇයිද යන්න විවිධ පාර්ශ්ව වලින් විවිධ පුද්ගලයන් වෙත චෝදනා එල්ල වෙමින් පවතී. ඒ පිලිබදව අපද මීට පෙර වාර්තා කරන ලද්දේ විවිධ වාර්තා උපුටාගෙනය.
විශේෂයෙන්ම කතාබහට ලක්ව තිබෙන රුසියාවෙන් ඉන්ධන ලබා නොගැනීම පිලිබඳව ගැටලුවට විවිධ බොරු ප්රකාශ කල ඛනිජ තෙල් අමාත්යවරයාගේ හැසිරීම් පිළිබදවද විවිධ චෝදනා එල්ල විය. ඔහු දැනටත් බොරු කියන බව නොරහසකි. ඔහු විවිධ අවස්තාවල ශ්රී ලාංකික පීඩිත වැසියන්ට විවිධ බොරු කීම නිසා එරට ඉන්ධන ගැටලුව ඔඩු දුවා තිබේ. ජනතාවට ඇත්ත කීමට තරම් ඔහුගේ කට ක්රියාත්මක නොවීමෙන් ජනතාව ඔහුට ප්රකාශ කරන දේ දැනගැනීමට නම් ඉන්ධන පෝලිමක දින කිහිපයක් රැදී සිටිය යුතුය.
රුසියාවෙන් ඉන්ධන ලබා ගත හොත් ශ්රී ලංකාවට පොහොර ටිකද නොමිලේ ලැබෙන බව කියවේ. විවිධ වාර්තාවල ඒ පිලිබඳව වාර්තා වේ. පසුගිය මැයි 23 පමණ වන විට වාර්තා වුයේ ඩඩ්ලි සිරිසේන මහතා ඔහුගේ පොහොර සම්බන්ධ ව්යාපාරයක් සදහා රුසියාවෙන් පොහොර ලබා ගැනීමට කටයුතු කරමින් තිබෙන නිසා ශ්රී ලංකාවට රුසියාවෙන් ඉන්ධන ලබා ගැනීමට ඔවුන් බාධා කරන බවයි. ඒත් සමගම ටික දිනකින් හිටපු ජනාධිපති මෛත්රිපාල සිරිසේනගේ සහ රුසියන් ජනාධිපතිගේ මිත්රත්වයක්ද වාර්තා විය. එසේම ඉන්ධන ප්රශ්නයට ඔවුන් වෙත චෝදනා එල්ල වී තිබුනත් ඒ පිලිබදව මුනිවත රකින්නේ යම් දේශපාලනික රහසක් නිසා හෝ පොහොර පිලිබදව ගැටලුව නිසා හෝ විය හැකිය. නමුත් මේ වන තෙක්ම ඒ පිලිබදව කිසිදු නිවේදනයක් නිකුත් කිරීමට ඩඩ්ලි සිරිසේනගේ පාර්ශ්වයෙන් ක්රියා කොට නැත.
මේ අතර නාමල් රාජපක්ෂද පසුගිය දා ඛනිජ තෙල් ඇමතිගේ මාධ්ය සාකච්චාවට පැමිණියේය. එම මාධ්ය සාකච්චාවට නාමල් රාජපක්ෂට පැමිණීමට කිසිදු අවශ්යතාවයක් නැත. ඔහුගේ එම පැමිණීමත් සමගම විවිද පොදුජන සංවිධාන මෙන්ම පුද්ගලයන්ද යම් යම් තොරතුරු ඉදිරිපත්කරමින් දැනට ඉන්ධන ලබන්නේ නාමල් රාජපක්ෂට සම්බන්ධයක් තිබෙන විදේශගත කම්පැනියකින් බවටත්, එම හේතුවෙන් රුසියාවෙන් සෘජුවම ඉන්ධන ලබා ගැනීමට බාධා කරන්නේ ඔවුන් බවටත් විවිධ චෝදනා නාමල් රාජපක්ෂ වෙත ඉදිරිපත්ව තිබේ.
එසේම අපට ලැබී තිබෙන තොරතුරුවලට අනුව රුසියන් ගුවන් යානය රදවාගැනීම යට කුමන්ත්රණයක් තිබී ඇත. එයද දැන් ටිකෙන් ටික හෙළිවෙමින් පවතී. එම කුමන්ත්රණය සිදුකර තිබෙන්නේ රුසියාව සහ ශ්රී ලංකාව අතර තිබෙන මිත්රත්වය බිඳ දැමීමටය. එහි බලාපොරොත්තුව වී තිබෙන්නේ රුසියාවෙන් ඉන්ධන ලබා ගන්නා ලෙස ශ්රී ලංකාවේ ජනතාව දිගින් දිගටම රජයට බලපෑම් කරමින් තිබු මුල් අවදියේය. නමුත් ශ්රී ලංකාවේ ජනතාව රුසියාවට කැමති බවද, දිගින් දිගටම රුසියාව සමග මිත්රත්වයේ දෑත් දිගුකල එරට පොදුජන සංවිධාන නිසා රුසියාව ශ්රී ලංකාව සමග තරහ වුයේ නැත. නමුත් ශ්රී ලංකාවේ දේශපාලනඥයන් ගැන කිසිදු පැහැදීමක් නැති බවනම් සැබෑවකි.
එසේ නම් බාදාවකින් තොරව ඉන්ධන ලබා ගැනීමට තිබෙන පසුව සහ ලාභයට පහර ගසමින් ශ්රී ලංකාවට ගෙනෙන ඉන්ධන බැරල් එකකින් ඩොරල් 40 කට ආසන්න ප්රමාණයක් ලාබ ලබන්නේ නාමල් රාජපක්ෂද?. ඩඩ්ලි සිරිසේනගේ පොහොර කොම්පැනියද තවත් පැත්තකින් එයට බාධා කරන්නේද? . ශ්රී ලංකාවේ පොදුජන සංවිධාන මෙන්ම දේශ හිතෛෂි ජනතාවද, විදේශගත ශ්රී ලාංකික ප්රජාවද දිගින් දිගටම මේ පිලිබදව සොයමින් සිටින්නේ ශ්රී ලංකාවට තිබෙන ආදරය නිසාය.
එබැවින් ටයි කෝට් අදින, නමුත් ඇදුම් නැතිව සිටින ශ්රී ලංකාවේ බොහෝ දේශපාලඥයන්ගේ මේ මහා පාවාදීම් වලට දඩුවම් ලබා දීම සදහා අවශ්ය පසුබිම් එරට් තුලම මේ වන විටත් නිර්මාණය වී තිබේ. ජනතාව මෝඩයි ලෙස සිතාගෙන බලයට, අල්ලසට, දූෂණයට යටත්ව රටක් ගිනි තැබූ එරට පාලකයන්ට විරුද්ධව බොහෝ දේ සිදු වුවත් රාජ්ය බලයෙන් සහ මුදල් කෑදරකමින් උන්මාදයට පත් වූ ඔවුන්ට ඒවා නොතේරීම ඔවුන්ගේම අවසානය.
එබැවින්, නාමල්ගේ ඉන්ධන මාෆියාව සත්යක්ද?, ඩඩ්ලිගේ පොහොර වෙළදාම නිසා ඉන්දන ලබා ගැනීමට බාදාවක් වන ලෙස ඔහු යමක් සිදුකරන්නේද?. මේ සියලුම දේ පිළිබදව දිනෙන් දින සැක සංකා මෙන්ම විවිධ සාක්ෂිද ජනතාව අතට පත්වෙමින් තිබේ. මේවායේ සත්ය සහ අසත්ය තව බොහෝකාලයක් නොගොස් අනාවරණය වනු ඇත. කෙසේ වුවත් ඩඩ්ලි පොහොර ගැනීමට වඩා ඉහලින්ම තිබෙන්නේ ඉන්ධන ලබාගැනීමේ කටයුත්ත පිටුපස නාමල් රාජපක්ෂ සිටිනම් වඩාත්ම වැදගත් වනුයේ එයයි. ඩඩ්ලිගේ ව්යාපාර කටයුතු ඔහු සිදුකරන්නේ ව්යාපාරිකයෙකු ලෙසය. රට වෙනුවෙන් ඉන්ධන ප්රශ්නය විසදෙන තෙක් පොහොර ව්යාපාරය නවත්වීමටද ඔහුට හැකිය. නමුත් මේ ජනතා ප්රශ්නයට නොහොත් ජනතාවට ගින්දර දීමේ කටයුත්තට නාමල් රාජපක්ෂ සම්බන්ධ නම් ඔහුට හෝ කාංචන විජේසේකරට නම් එයින් ගැලවීමට නම් කිසිදු ආකාරයකින් ඉඩක් නොලැබෙනු ඇත.
ලසන්තිකා ගුණසේකර ඕස්ට්රේලියාවේ සිට
