වැලිගෙපොල පොලිස් බලප්‍රදේශයේ තලගස්කන්ද නමැති ප්‍රදේශයේ නිවසක නවතා තිබු වාරික හිඟ ත්‍රීවීල් රථයක් නිවැසියන්ට නොදන්වා රැගෙන ගොස් තිබේ. මෙසේ රැගෙන ගොස් තිබෙන්නේ YP – 4386 අංක දරන පියාජියෝ වර්ගයේ ත්‍රිවීල් රථයකි. පැමිණිලි අංකය වන්නේ CIB (1) 148/ 70 වේ.
මෙහි තිබෙන වැදගත් සිද්ධිය නම් අදාළ ත්‍රිවිල් රථ හිමිකරු 2021 12 21 වැනි දින රුපියල් ඒ වන තෙක් හිගව පැවති මුදල් සදහා රුපියල් ලක්ෂයක් යොදා තිබීමත් ඒ වන විටත් රක්ෂණ සහ අදායම් බලපත්‍රය කල් ඉකුත්ව තිබීම නිසා එය අලුත් කිරීම සදහා ඉල්ලා සිටියත් එයද අදාළ ඔරියන් finance සමාගම කටයුතු කර නැත. නමුත් පසුගියදා එය රැගෙන ගිය පසු රථය සහ එහි තිබෙන දේවල් ලබා දීම සදහා මුදල් හිග වාරික මෙන්ම වාහනය රැගෙන යාම සදහා ගිය වියදම ගෙවන ලෙස ඔවුන්ට පවසා තිබෙන අතර ඔවුන් රුපියල් ලක්ෂ එක හමාරක් රැගෙන ගොස් එය ඔවුන්ට ගෙවා වාහනය ලබා දෙන ලෙස ඉල්ලීමක් කලද ඔවුන් රුපියල් 780000 ක් එක වර ගෙවා එය රැගෙන යන ලෙස දනු වූ බවද සදහන් වේ.
පිළිගත් මාධ්‍ය ආයතනයක් ලෙස ඒ පිලිබදව ඔවුන්ගේ කළමනාකරුවකු බව පැවසූ 0772981308 දුරකථන අංකයට පසුගිය 16 වැනිදා හවස 16.36 ට පමණ කතා කර ඒ පිලිබදව විමසීමක් කල අතර අගතියට පත් පාර්ශවයේ චෝදනාව මෙන්ම ඒ සදහා තිබෙන නීතිමය පැතිකඩ පිලිබදව විමසීමක් කරන ලදී. නමුත් මෙම වාහනය රැගෙන ගොස් ඇති බවත් රුපියල් 780000 ක් මුදලක් යොමු කිරීමට පැවසීම පිලිබදව පිළිතුරක් ලබා දීමට අපොහොසත්විය. එසේම අප පෙරලා ප්‍රශ්නකරමින් රටේ පවතින නීතියට අනුව කිසිදු මූල්‍ය ආයතනයකට එසේ වාහන බලහත්කාරයෙන් රැගෙන යාමට නොහැකි බවද, ඔවුන් කල යුත්තේ මුදල් නොලබන්නේ නම් දිසා අධිකරණයක නඩුවක් පවරා එය අය කරගැනීම නේද ? යන්න අසු ප්‍රශ්නයට ඔහු පෙරලා පවසා සිටියේ එහෙම නීතියක් නැති නම් අපට විරුද්දව නීතියට අනුව කටයුතු කරන ලෙස අගතියට පත් පාර්ශ්වයට දැනුම් දෙන ලෙසයි. කෙසේ නමුත් එම ප්‍රකාශකයා සදහන් කලේ “ ඔබ මාධ්‍ය ආයතනයක් බවට අපි හදුනාගන්නේ නෑනේ. එහෙම කියලා ඕනි කෙනෙකුට කතා කරන්න පුළුවන්නේ”. නමුත් අපගේ මාධ්‍යවේදියා නැවත පිළිතුරු ලබා දෙමින් පවසා ඇත්තේ “අපට ඔබගෙන් කරුණු විමසීමට අවශ්‍ය නැහැ. නීතියට අනුව අපට තිබෙන්නේ අගතියට පත් වූ පුද්ගලයාගේ ප්‍රකාශය පල කිරීමෙන් පසු ඔබ ලබා දෙන ප්‍රකාශයද ඒ අකාරයෙන්ම පල කිරීම පමණක් වුවත්, පුරුද්දක් ලෙස දෙකම එක් වර සටහන් කිරීම සමහර අවස්ථාවලදී පමණක් සිදු කරන බවයි”. කෙසේ නමුත් එම සංවාදය එතැනින්ම අවසන්ව තිබේ.
රාවණා සටහන
කෙසේ වුවත් අප මෙවැනි කරුණු පිලිබදව සොයා බල ලබා තිබෙන අත් දැකීම වලට අනුව පොලීසිය මගින් නීතියක් සිදු නොවේ. එයට හේතුව නම් පොලිස් ස්ථානාධිපතිවරු මෙන්ම අගතියට පත් වූ පාර්ශ්වයන් ද එම සාමාන්‍ය නීතියේ ස්වභාවය හදුනා ගෙන නොතිබීමයි. ගිවිසුමක් ගැසූ විට ගිවිසුම කඩ කලේ නම් එය සදහා සිවිල් අධිකරණයේ නඩු පැවරිය යුතුය. නමුත් ගිවිසුම් නිතිය ඉතාම ගැඹුරු විෂයක් වන අතර බොහෝ මූල්‍ය ආයතන මෙන්ම ඒවායේ කටයුතු කරන බොහෝ නීති නිලධාරින්ද ගිවිසුම් නීතිය නොදන්නා බව පැහැදිලිවම හදුනා ගත හැක්කේ ඒවායේ සදහන් කර තිබෙන කොන්දේසි දෙස බලන විටය. කිසිම පුද්ගලයෙකුට ඕනි ඕනි ආකාරයෙන් ගිවිසුම් ගැසීමට නොහැකි අතර එවැනි ගිවිසුම් අසාධාරණ ගිවිසුම් වැලක්වීමේ ආඥා පනතින් මෙන්ම වංචා වැළක්වීමේ නීතියෙන් එසේ ගිවිසුම් ගැසීමෙන් වලක්වා තිබේ. එවැනි කරුණු අනාවරණය කර ගැනීමට සිදුවන්නේ දිසා අධිකරණයේදී වන අතර පොලිස් විමර්ශනවලදී අනාවරණය කර ගැනීමට නම් අදාළ පොලිස් නිලධාරීන්ට නීතිය පිලිබදව තිබෙන දැනුම පුළුල් විය යුතුය.
ලංකා දණ්ඩ නීති සංග්‍රහයට අනුව නොකියා රැගෙන ගියේ නම් එය හොරකමකි. තමන්ගේ දෙයක් වෙනත් කෙනෙකුගේ බාරයේ තිබී, ඔහුට නොදන්වා රැගෙන ගියේ නම් එය හොරකමකි. එසේම තමන්ගේ දෙයක් වෙනත් කෙනෙකුට බාර දී තිබියදී එය බලහත්කාරයෙන් රැගෙන ගියේ නම් එය මන්කොල්ලයකි. තමන්ගේ දෙයක් වෙනත් පුද්ගලයෙකුට නීතියානුකූලව භාර දී තිබේ නම් එය නැවත ලබා ගත යුත්තේ නීත්‍යානුකූලව සාමකාමී ලෙස විනා හොරෙන් හෝ බලහත්කාරයෙන් නොවේ. මෙරට තිබෙන නීතියේ වැදගත්කම එයයි. නමුත් නීතිය ක්‍රියාත්මක කරන පොලිස් නිලධාරීන් එය නොදන්නේ නම් එවිට රටේ ජනතාවට සිදුවන්නේ පීඩා විදීමටයි.
නමුත් වාහනයක් අනවසරයෙන් රැගෙන යන්නේ නම් හෝ එසේ රැගෙන ගොස් ඇත්තේ නම් අදාළ මූල්‍ය ආයතනය සිදුකර තිබෙන අපරාධමය වැරදි මොනවාද යන්න අනාවරණය කර ගැනීමේ කටයුත්ත සිදුකල යුත්තේ පැමිණිල්ල ලැබුණු පොලීසිය වේ. අප මේ වාර්තා කරන සිද්ධියට අනුව මෙම ඔරියන් නමැති සමාගම සාපරාධි විශ්වාශය කඩ කර තිබේ. එසේම රාත්‍රී ඉඩමකට ඇතුල් වී තිබේ. එයින් අයුතු ඇතුල්වීම පැහැදිලිවම පෙනෙන අතර සහ තමන්ට අයත් නොවන දේවල් තිබෙන බව දැන දැනම මංකොල්ලයක් ද සිදු කර තිබේ. ඒ අනුව ලංකා දණ්ඩ නීති සංග්‍රහයේ 33, 36 මෙන්ම 38 වගන්තීන් වලින් මූලිකවම විග්‍රහ කර තිබෙන “ වරද” සිදුකර තිබේ.
ඒ අනුව ලංකා දණ්ඩනීති සංග්‍රහයේ 56,90,100, 101, 120, 289, 330, 339, 340, 341, 366, 372, 388, ආදී වගන්ති ගණනාවකින් අදාළ රථය රැගෙන ගිය පුද්ගලයන්ට මෙන්ම ආයතනයේ පාලනාධිකාරියට විරුද්ධව නීතිය ක්‍රියාත්මක කිරීම පොලිසියේ රාජකාරිය වේ. පොලීසිය නීතිය ගැන නොදන්නා නිසා අගතියට පත් පාර්ශ්වයන්ට විවිධ ගැටළු වලට මුහුණ දීමට සිදුවන අතර පොලිසියේ වරද නිසාම අගතියට පත් පාර්ශ්වයන්ට තව තවත් වැරදි කිරීමට සිදු වේ.
පොලිසිය නෙතිය නොදැනීමේ හේතුවෙන් මීට අවුරුදු ගනනාවකට පෙර සිටම සාමාන්‍ය වැසියන් පීඩා විදින අතර පසුගියදා ගාලු මුවදොර සිද්දියේදී වුවත් දේශබන්ධු තෙන්නකෝන්ට විරුද්ධව නීතිය ක්‍රියාත්මක කිරීමට පොලිස්පතිවරයා මෙන්ම අපරාධ පරීක්ෂණ දෙපාර්තමේන්තුවද තවමත් අසමත්ව තිබේ. නමුත් ඒ සදහා ප්‍රභල දේශපාලන මැදිහත්වීම් තිබෙන බවද අප මීට පෙර වාර්තා කර තිබේ.
කෙසේ නමුත් දේශපාලකයන්ගේ වරදින් මෙන්ම පොලිස් නිලධාරින්ගේද වරදින් මේ වන විට ශ්‍රී ලංකාවේ සියලුම දේ බිද වැටී තිබේ. මේ පුවතට අදාළ සිද්ධියට සමාගමකට විරුද්දව නීතිය ක්‍රියාත්මක කිරීමේදීද ස්ථානාධිපතිට දුරකථන ඇමතුම් පැමිණෙන්නේ පොලිසියේම උසස් නිලධාරීන්ගෙන් හෝ දේශපාලකයකුගෙනි. කාගෙන් දුරකථන ඇමතුම පැමිණියත් පීඩා විදින ජනතාව බේරාගැනීමේ නිසි රාජකාරිය කල යුත්තේ අදාළ පොලිස් ස්ථානාධිපති වේ.
