රටේ බංකොලොත්භාවය කෙතරම්ද යත් රටේ ආරක්ෂක හමුදාවන්ටද පෝෂ්‍යදායි ආහාර වේලක් නොමැතිවීම කණගාටුදායක විය යුතු නොවේ. මක් නිසාද යත් ඔවුන්ට මාසික වැටුපක් හෝ ලැබේ. මාසික වැටුපක් නැති, රැකියා නැති මිනිසුන් දිනෙන් දින වැඩි වෙමින් පවතින විට ආරක්ෂක හමුදාවල්වල භටයන්ටද අඩු පාඩු ඕනා තරම් ඇතිවිය හැකිය. නමුත් එය කනගාටුදායක වන්නේ මේවා විසදීම සදහා ක්‍රම තිබියදී ඒවා සිදු නොකර හමුදාධිපතිවරු තම සුව පහසුව ගැන පමණක් සිතීමය. ඉන් සිදුව තිබෙන්නේ ජාතික ආරක්ෂාව ටිකෙන් ටික දුර්වලව යාමය.
යුධ හමුදා භටයන්ගේ කෑම වේල පිලිබඳවද පුවතක් අප මීට වාර්තා කළේය. එයට ප්‍රධානතම හේතුව නම් නිලධාරීන්ගේ හොරකමය. කෙසේ නමුත් ශ්‍රී ලංකා ගුවන් හමුදාවේ බොහෝ කඳවුරුවල මේ වන විට තුනපහ කුඩුවත් නැති තත්වයට පත්ව තිබේ. වාර්තාවන ආකාරයට ශ්‍රී ලංකා ගුවන් හමුදාවේ බොහෝ කඳවුරුවලට තේ කොළ, පොල්, කුකුල් මස්, බිත්තර, කිරිපිටි, කෙසෙල්, කරවල, හාල් මැස්සෝ, තුනපහ, සොයා මීට් වැනි බොහෝ දේවල් සැපයුම්කරුවන් විසින් සපයන්නේ නැත. එසේම එළවලු වර්ග සැපයුවත් අවශ්‍ය එලවලු වර්ග නොලැබෙන බවද කිය වේ.
කෙසේ නමුත් ජනාධිපති රනිල් වික්‍රමසිංහ මහතා අද නිවේදනය කලේ රාජ්‍ය ආයතනවලට ණයට භාණ්ඩ ලබා නොගන්නා ලෙසයි. එය එසේම විය යුතුය. 2007 ට පෙර එවැනි තත්වයන් උදා වුයේ නම් ඒ කලාතුරකිනි. නමුත් මහින්ද රාජපක්ෂ විසින් 2006 අංක 49 ප්‍රසම්පාධන මාර්ගෝපදේශ සංග්‍රහය හදුන්වා දී විගණකාධිපතිට තිබෙන බලය පවා අහිමිකරමින් මෙරට දූෂිත කළේය. එවකට සිටි මැති ඇමතිවරුන්ද එම දූෂිත ක්‍රමයට අත් ඉස්සුවේය. එකල සිටි රාජ්‍ය පරිපාලන සේවයේ ඉහලම නිලධාරීන්ද එයට වගකිව යුතුය. දැන් රටම දූෂිත වී ඇත්තේ අමනුෂ්‍ය ආකාරයටය.
නමුත් ශ්‍රී ලංකා ගුවන් හමුදාවේ ප්‍රධාන ගිණුම් 9 ක් තිබේ. එම ගිණුම්වල බිලියන් ගණනින් මුදල් තිබේ. ඒවා වැඩි වන විට රජයට ලබාදීම සිදු වේ. එම ගිණුම් වලින් විශාල මුදලක් රජයට ලබා දීම විවිධ හමුදාධිපතිවරු සිදුකරති. එයද වරදක් ලෙස අප නොදකිති. මහජනතාවගේ බදු මුදලින් යැපෙන ඔවුන් උපයන මුදල් රජයට ලබා දීම හොද කටයුත්තකි.
එම ගිණුම් වලින් ගුවන් භටයන්ට නැවත ගෙවිය යුතු මුදල් සහිත ගිනුම් වර්ග තිබෙන්නේ දෙකක් හෝ තුනකි. අනෙක් සියලුම ගිණුම් වල ඇති මුදල් භාවිතා කරමින් ගුවන් භටයන්ගේ අත්‍යාවශ්‍ය අහාර ද්‍රවය සපයා ගත හැකිය. එයටද මහජනතාවගේ බදු මුදලින්ම යැපීමට බලා සිටිය යුතු නැත. එසේම කඳවුරු අග්‍රිම වලද විශාල මුදලක් තිබේ. නමුත් එම මුදල් බොහෝ කාලයකට ප්‍රමාණවත් නොවේ. නමුත් එම ගිණුම්වලින් මාසිකව ලැබෙන පොලිය මිලියන් ගණනාවකි. එම පොලි මුදල් වලින් ගුවන් හමුදාවේ අඩු පාඩු ආහාර ලබා ගත හැකිය. එය සැපයුම්කරුවන්ගෙන්ම ලබාගැනීමට අවශ්‍ය නොවේ. කඳවුරු හරහාම මිලදී ගත හැකිය. එවිට අඩු මුදලට ගත හැකි නමුත් අල්ලස් ගැනීමේ ක්‍රමය නොනවතිනු ඇත. ගුවන් හමුදාධිපතිද එවැනි අල්ලසක් මෑතකදී ලබා දුන්නේ තම සේවා දිගුව වෙනුවෙනි. ඒ පිලිබඳව වෙනමම ලිපියක් අප පලකිරීමට කටයුතු සිදුකර තිබේ. ඒ සදහා දර්ශන කිහිපයක් ලැබීමට තිබේ. නමුත් වාචික සාක්ෂි සියල්ලම මේ වන විටත් අපට ලැබී තිබේ. එය ලැබුණු වහාම එම පුවත අප පලකරනු ඇත.
කෙසේ නමුත් වර්තමාන හමුදාධිපති සුදර්ශන් කරගොඩ පතිරණ ගුවන් හමුදාධිපති ලෙස මුල් කාලයේ සාර්ථක ලෙස තම රාජකාරිය සිදුකල නමුත් මාස 7 කට පමණ පසු තම රාජකාරිය තුල ගුවන් භටයන්ගෙන් පලිගනිමින් රටේ නීතිය සමග සෙල්ලමක් ක්‍රියාත්මක කරන ලදී. ගුවන් හමුදා ඉතිහාසය තුල වැඩියෙන්ම සේවය හැරයාම් සහ නිරපරාදේ ගුවන් හමුදා සේවයෙන් ඉවත් කිරීම් වාර්තා වන්නේ වර්තමාන ගුවන් හමුදාපති සමයේ බව ගුවන් හමුදාවේ අභ්‍යන්තර ආරංචි මාර්ග සඳහන් කරයි. එය එසේ නම් ඉන් කියවෙන්නේ ඔහුගේ නායකත්වයේ ඇති දුර්වලතාවය වේ. ඒ අතර ජනවාරි මාසය තුල පමණක් ගුවන් හමුදා රියදුරන් 50 ස් දෙනෙකුට ආසන්න ප්‍රමාණයක් ගුවන් හමුදාව හැර ගොස් තිබේ. නමුත් එය සියයට සියයක්ම තහවුරු කරගැනීමට අප අපොහොසත් විය. පසු කාලීනව ඔහු අංක එකටම පළිගැනීම් ක්‍රියාත්මක කල අතර ඩොලර් හිඟය ඇතුලේම වාහනයක්ද ගෙන්වා ගත්තේ විශ්‍රාම යන විට රැගෙන යාමටය. නමුත් ගුවන් හමුදා මාධ්‍ය ප්‍රකාශකවරයා සඳහන් කර තිබුනේ එම වාහනය රැගෙන ආවේ එක්ෂත් ජාතීන්ගේ සාමසාධක හමුදා සේවයට යෙදවීමට බවය. නමුත් එවැනි දෙයක් සිදු වූ බවක් වාර්තා නොවන අතර එවැනි හමුදා මෙහෙයුම් වලට වාහන යවන්නේ නම් එසේ යවන ක්‍රමයද වෙනස්ය.
හිටපු ගුවන් හමුදාධිපති සහ මේ වන විට මැලේසියානු මහකොමසාරිස් ලෙස කටයුතු කරන, තමන්ගේ මස්සිනාලා සමග එක්ව බෙහෙත් මාෆියාවේ යෙදුනු සුමංගල ඩයස් මහතාගේ සමයේ ගුවන් හමුදාවේ භටයන්ට නිල ඇදුමක්වත් නැති විය. එකල ආහාර පවා නැති වුවත් එය කොවිඩ් සමයේ තිබු පොදු ගැටලුවකි. එබැවින් ආහාර පිලිබඳව ඔහුට දොස් තබා පලක් නැත. නමුත් වර්තමානයේ එසේ නොවේ. ලංකාව තුල ආහාර තිබේ. ඒවා බාහිරින් මිලදී ගෙන රජයට බදු ගෙවන ගොවි ජනතාවට සහනයක් වීමට හැකිය. ඔවුන් ලගටම ගොස් භටයන්ට අවශ්‍ය ආහාර මිලදී ගත හැකිය. නමුත් ගුවන් හමුදාධිපතිට එසේ අවශ්‍යතාවයක් නැත. ඔහුට අවශ්‍ය පලිගැනීම් කරමින් ඔහුට අවශ්‍ය ඔහුගේ ගෝලයෙකු ඊ ලඟ ගුවන් හමුදාධිපති කරවීම පමණි. ඒ පිලිබඳව ඉදිරි ලිපියක් පලකරනු ඇත. එම සියල්ලම අපට සාක්ෂි සහිතවම ලැබී තිබේ.
(අපද මෙම පුවත් පළකරනුයේ අපට තොරතුරු ලැබෙන බැවිනි. එසේම ඔහු අපගේ වෙබ් අඩවිය පිලිබඳව අපරාධ පරීක්ෂණ දෙපාර්තමේන්තුවට පැමිණිලිකිරීමට කටයුතුකර තිබුණි. නමුත් අප රජයේ ලියාපදිංචි මෙන්ම බලපත්‍රදාරි පිළිගත් මාධ්‍ය ආයතනයකි. එබැවින් අපට මේවා ලිවීමට සිදු වේ. එසේම අප මෙම පුවත් සියල්ලම පළකරනුයේ වගකීමක් ඇතිව, සාක්ෂි සහිතව වේ. ඒ හැර කිසිම අවස්තාවක මෙම වෙබ් අඩවිය කිසිම පුද්ගලයෙකුට එරෙහිව චෝදනා එල්ල නොකරන අතර මේවා බොරුනම් ඒවාට ප්‍රකාශ ලබා දී ඒවාද අප කටයුතු කරනා අතර ගුවන් හමුදාපති පිලිබදව අප පළකර තිබෙන කිසිදු පුවතකට ඔහු ප්‍රතිචාර දක්වා නැත. ඉන් තහවුරුවන්නේ අප පළකර තිබෙන පුවත් සියල්ලම සත්‍ය බවය).
