රත්නපුර, කිරිඇල්ල, බලංගොඩ ඇඹිලිපිටිය ආදී ප්‍රදේශ වලින් මේ දිනවල අසන්නට ලැබෙන්නේ පරිසර විනාශයන් හා සම්බන්ද ක්‍රියාවලීන් සහ පතල් නිසා විනාශ වන දැවැන්ත පරිසර පද්ධතීන්ය.
කවුරුත් දන්නා අවිස්සාවේල්ලේ සීතාවක පාලම ලඟ සිට මීටර් 100 ක් වත් යන්නට මත්තෙන් දැවැන්ත මැණික් නිදියක් මතුවීමෙන් මීට අවුරුදු ගණනකට පෙර මැණික් වල ආරක්ෂා කිරීමට විශේෂ කාර්‍ය බලකා කඳවුරක් පිහිටු වුයේ මෙයින් සිද්දවෙන දැවැන්ත මෙන්ම අවිස්සාවේල්ල නගරයට පවා සිදුවෙන පරිසර හානිය මෙන්ම ජීවිත හානීන් වලක්වා ගැනීමටයි.
කෙසේ හෝ මීට අවුරුද්දකට පමණ පෙර මෙහි ස්ථාපනය කර තිබු විශේෂ කාර්‍ය බලකා කඳවුර ඉවත් කර ඇත්තේ ප්‍රාදේශීය දේශපාලඥයෙකුගේ වුවමනාවට මෙම මැණික් නිදියට කෑදර කමින් ඉහලම දේශපාලන උදව් මත බවද පැවසේ.
විශේෂ කාර්‍ය බලකා කඳවුර ඉවත් කිරීමත් සමගම මේ නාගරික මන්ත්‍රීවරයා, පාතාල ක්‍රියාකාරකම් හා සම්බන්ධ කොටහැර ඉන්දික නැමැත්තෙකු යොදවා අවුරුදු ගණනාවක් වැලි ගොඩවීමෙන් යට වූ මැණික් නිදිය මතු කරගෙන ඇත්තේ තවත් කූට උපක්‍රමයක් මගින් කොටහැර ඉන්දිකව බන්ධනාගාරගත කිරීමේ උපක්‍රමයක්ද සමගින්ය. ඔහු බන්ධනාගාර ගත කිරීමෙන් අනතුරුව තවත් පාතාල කණ්ඩායමක් යොදවා මැණික් ඉල්ලම් ගොඩ ගැනීම තවත් සැලසුමක් විය. ඒ අතර මේ දැවැන්ත පරිසරය හානිය පිළිබඳව කන වැකුණු එවකට රත්නපුර සිටි නියෝජ්‍ය පොලිස්පතිවරයෙකු වූ ප්‍රියන්ත චන්ද්‍රසිරි මහතා පුද්ගලිකවම පැමිණ අවස්ථා කිහිපයක්ම මේ ස්ථානය වටලා තිබේ. නියෝජ්‍ය පොලිස්පති රන්මල් කොඩිතුවක්කුට වුවා සේ ප්‍රියන්ත චන්ද්‍රසිරිටද වැඩි දවසක් යන්නට මත්තෙන් රත්නපුර දමා යන්නට සිදුවිය. ඒ මේ මැණික් නිදිය නිසා සිදුවන හානිය නවත්තන්නට නීතිය කරන්නට ගිය නිසාය.
මේ අතර තවත් සැලසුමක් ක්‍රියාත්මක වුයේ කොටහැර ඉන්දික ලවා මාස ගනනාවක් ගොස් වැලි ඉවත් කිරීමෙන් පසුව, මේවා සොයා නොබලන නාගරික මන්ත්‍රීට හිතවත් පොලිස් පරීක්ෂකවරයෙකු අවිස්සාවේල්ලට ගෙන්වා ගැනීමටයි. එයද නිසි ලෙසම ක්‍රියාත්මක වූ අතර ඔහු පැමිණි වහාම අත් බෝම්බයක් තිබු බව සඳහන් කරමින් කොටහැර ඉන්දික රක්ෂිත බන්ධනාගාර ගත කෙරිණි. දැන් ඔහුට යන එන මන් නැති අතර මාස ගණනාවක් පුරා වැලි ගොඩ දමා නිදිය පාදා ගත් කොටහැර ඉන්දිකගේ ගොලයන්ටද යන එන මන් නැති විය. තතු දත්තෝ සඳහන් කරන්නේ ඔහු ලඟ බෝම්බයක් නොතිබු බවයි.
ඉන්දික බන්ධනාගාරගත කිරීමෙන් පසු අවසන් අදියරට පෙර අදියර ක්‍රියාත්මක වෙමින් අයිය මලොගේ පාතාල කල්ලිය නොහොත් දෙබෑගම ප්‍රියන්ත සහ සුසන්ත ඇතුළු කණ්ඩායම යොදවා රාත්‍රියට හොර රහසේම යහමින් සීතාවක පාලම අසල දිය යටින් ඉල්ලම් රැගෙන විත් කල යුතු සියල්ලම මේ වන විට යහතින් සිදු වන්නේ අප ඉහතින් සඳහන් කල තරු තුනේ කාකි ඇදුමේ ආශීර්වාදයෙන් බව ප්‍රසිද්ධ රහසකි.
මේ තරු තුනේ නිලදාරියා තවත් නොහොබිනා වැඩක් කරති. එනම් මේ පිලිබඳව සහ වෙනත් පැමිණිලි කල විට “ මම මෙහෙට එව්වේ අගමැතිතුමාගේ නෝනා” , යනුවෙන් ප්‍රකාශ කරන බවද ප්‍රසිද්ධ රහසකි.
අනිත් කාරනාව නම් කොටහර ඉන්දිකගේ ගොලයන්ට මේ වනවිට මේ පොලිස් නිලදාරියා පණිවිඩ යවමින් සදහන් කර තිබෙන්නේ “ උබල දැන් සද්ධ නැතිව ඉදපල්ලා, ඉන්දිකට කල දේ උඹලටත් කරනවා ” ලෙසයි.
මේ නාගරික මන්ත්‍රීවරයාගේ සහ තරු තුනේ පොලිස් නිලදාරියාගේ අනිත් සැලසුම නම් කොටහැර ඉන්දික එලියට පැමිණි විට මේ කල්ලි දෙක එකට කොටවා ඇතුලට දැමීම සහ එකිනෙකා මරවා ගැනීමට සැලැස්වීමයි. එවිට සියලුම මැණික් වල හවුල් කරුවන් වන්නේ මේ නාගරික මන්ත්‍රීවරයා සහ තරු තුනේ පොලිස් පමණි. ඒ අතර හැකි තාක් මැණික් ඉල්ලම් ගොඩ ගැනීම ඔවුන්ගේ අරමුණ වී තිබේ.
අවිස්සාවේල්ලේ මාණ්ඩලික වාර්තාකරු විසිනි.
රාවණා සටහන
ඒ අපගේ චරපුරුෂ සේවයේ තොරතුරුය. මේ කතාව සහ මීටත් වඩා වටිනා කතාවක් සොයා ගැනීමට බුද්ධි අංශ වලට හැකිය. මේ සටහන කියවන විට අපට හැඟුණේ පොලිස් දෙපාර්තමේන්තුවේ නමට හානි කරන්නේද, සහ ඉහල නිලදාරීන්ට කොලේ වසන්නේද, පාතාලයන් බිහි කරන්නේද පොලිසියේ මෙවැනි නිලදාරීන් නේද කියාය. බෝම්බයක් නැතිව බෝම්බයක් දමා අධිකරනයටද බොරු කියමින්, අපරාධකරුවෙකුට වුවද එසේ කිරීම අප අනුමත කරන්නේ නැත. එය අප පමණක් නොව පාතාලයට වෛර කරන්නෝ වත් අනුමත නොකරනු ඇත.
ප්‍රාදේශීය දේශපාලන ප්‍රභලයා සමග, පාතාලයද සමග එකතු වෙමින්, රටේ දෙවැනි පුරවැසියා නොහොත් මව් බිම බේරා ගත් වර්තමාන දුටුගැමුණුගේ බිරිඳගේ නමද භාවිතා කරමින්, තම අමනුස්ස ගති ඉටු කරගැනීම වෙනුවෙන් සමස්ත අවිස්සාවේල්ල ප්‍රදේශයේම පොලිස් දෙපාර්තමේන්තුවම අපකීර්තියට පත් කරන මේ නිලදාරියා සහ මොහුගේ අනෙකුත් අත වැස්සන් නිසා තවත් අපරාධ ගනනාවක් අනාගතයේ සිදුවනු ඇත.
මේ කූට උපක්‍රමය සැලසූම් කල නාගරික මන්ත්‍රීට තම උපක්‍රමයම භූම රංගයක් වනු ඇත. මේ පාතාල කල්ලි දෙකම අනාගතයේ ගැටුමකට මුල පුරනු ඇත. මේ පොලිස් නිලදාරියා නිසා අවිස්සාවේල්ලේ තවත් භීෂණයක් අනාගතයේදී සිදුවනු ඇති අතර, මේ සිද්ධිය නිසාම කල්ලි දෙකේම මිනිසුන් මිය යන අතර එයින් බැටකන ඔවුන්ගේ දරුවන් ද සමාජයට වෛර කරමින් අනාගතයේදී ඔවුන්ද සමාජ විරෝදී පුද්ගලයන් වෙමින් මානව යහපතට බාධා කරනු ඇත.
පොලිස්පතිතුමනි, සබරගමුව පළාත් ජේෂ්ඨ නියෝජ්‍ය පොලිස්පතිතුමනි, රත්නපුර දිස්ත්‍රික් නියෝජ්‍ය පොලිස්පතිතුමනි, සීතාවක ජේෂ්ඨ පොලිස් අධිකාරීතුමනි. මේ කතාවේ තව බොහෝ දේ තිබේ. එහෙත් ඔබ තුමන්ලා නොදන්නා මේ කතාව ගැන සොයා බලා, රත්නපුර සහ කෑගල්ල දිස්ත්‍රික් යා කරන සීතාවක පාලමේ තවත් කදුළු කතාවක් සිදුවන්නට ඉඩ නොතබා මේ විනාශය වැලක්වීමටත්, ඒ සදහා පොලිස් ආරක්ෂක බෝට්ටුවක් හෝ යොදවන ලෙසත්, මේ පිළිබඳව සොයා බලා කටයුතු කරන ලෙසත්, පාතාල සාමාජිකයන් වුවද ඔවුන්ද මිනිසුන් බව අමතක කරන කූට උපක්‍රම භාවිතා කරන මෙවැනි සිද්දීන් වලින් අනාගතයට සිදුවන හානිය දෙස අවධානය යොමු කර කටයුතු නොකළහොත් පාතාල සාමාජිකයන් අතින් පොලිස් නිලදාරීන්ද දිගින් දිගටම මිය යන කාලයක් පැමිණෙනු ඇත.
