රාජ්‍ය බලධාරීන් සමඟ දුෂණ වංචා කරනුයේ තවත් දුෂිත සිවිල් පුරවැසියන් සමූහයකි. ඔවුනොවුන් අතර අමනා සබඳතාවයක් පවතින අතර දුෂිත රාජ්‍ය බලධාරියාගේ වැරදි අනාවරණය වන විට ඔහුව ආරක්ෂා කරගනුයේ සිවිල් සමාජයේ එම දුෂිත පුද්ගලයන්මය. නමුත් ඔවුන් දුෂිත බව ඔවුන් නොදැනීමෙන් මෙම විනාශයන් සිදු වේ.
ශ්‍රී ලංකාවේ රාජ්‍ය නිලධාරීන්ගේ වංචා, දුෂණ අක්‍රමිකතා මෙන්ම ඔවුන් සිදුකරනා යහපත් දේවල්ද අප දිගින් දිගටම මෙම වෙබ් අඩවිය තුළින් ජනගත කරමින් බොහෝ පීඩිත මිනිසුන්ගේ ගැටලුවලට අවශ්‍ය විසඳුම් ලබා දීමට කටයුතු කර තිබේ.
එම ප්‍රශ්න අතරෙ පුවත් 6 ක් පළකලත් ඇඹිලිපිටිය මහා විද්‍යාලයේ විදුහල්පතිට එරෙහිව නීතිමය ක්‍රියාමාර්ග ගැනීමට සබරගමුව පළාත් රාජ්‍ය බලධාරීන් අපොහොසත් වූයේ එකම දූෂිත වළල්ලක කොටස්කරුවන් ලෙස මොවුන් සියලුම දෙනා එකට එකතුව සිටීමයි.
මෙම සිද්ධිය තුළින් මහජන සාමයට හානි සිදුවන බවද අප පෙන්වා ප්‍රදේශයේ පොලිස් ස්ථානයට පැමිණිලිකර තිබේ. නමුත් පැමිණිල්ලේ චූදිතයන් පොලීසියට ගෙන්වා පැමිණිල්ල විභාග කිරීමට පොලිසිය අසමත්ව තිබේ. ඔවුන්ගේ කූට උපක්‍රම සියල්ලම අප පෙන්වා දී තිබේ.
එසේ තිබියදී පසුගිය 21 වනදා අප වාර්තා කළේ මෙම විදුහල්පති වෙනුවෙන් පෙනී සිටිනා ගුරුවරු කිහිප දෙනෙකුම පසුගිය 21 වනදා ගුරුවරුන්ගෙන් බලහත්කාරයෙන් ලිපියක් අත්සන් කරගෙන තිබුනේ විදුහල්පති අවශ්‍ය බවට පළාත් බලධාරින්ගෙන් ඉල්ලා සිටීමටයි. නමුත් ගුරුවරු දෙදෙනෙකු පමණක් සෘජුවම එම ලිපිය අත්සන් නොකිරීමට කටයුතු කර තිබුණි.
එසේ තිබියදී පසුගිය 22 වනදා දහවල් 12 ට පාසල් සංවර්ධන සමිතිය කැඳවා තිබුනේය. දෙමාපියන් 300 ක් වැනි ප්‍රමාණයක් පාසලට පැමිණි අතර පාසලට ඇතුල්වන දොරටුවට මදක් එහායින් පැමිණෙන දෙමාපියන්ගේ අත්සන් ලේඛනයක් ලබා ගත්තේය. එය කුමක් සඳහා ලබා ගත්තේද යන්න එම දෙමාපියන් නොදන්නා නමුත් සැලසුම වන්නේ එම අත්සන් ලේඛනය විදුහල්පති පාසලට ලබා දෙන ලෙස ඉල්ලා බලධාරීන් වෙත ඉදිරිපත්කරන ලිපියට යා කිරීමටයි.
පාසල් සංවර්ධන සමිතියේ ආරම්භයේ සිට අවසානය දක්වා පටිගත කිරීමත්, එය සජීවීව ලබා ගැනීමටත් අපගේ කණ්ඩායම කටයුතු කරනු ලැබුයේ නවීන තාක්ෂණය උපයෝගී කරගෙනය.
ආරම්භයේ සිට අවසානය දක්වාම දෙමාපියන් නොමග යැවූ මෙම රැස්වීම සඳහා අරක්කු බී ගත් මැර කණ්ඩායමක්ද ගෙන්වා ගැනීමට විදුහල්පති, නියෝජ්‍ය විදුහල්පති ඇතුළු විදුහල්පතිට පක්ෂපාති පිරිස් කටයුතු කර තිබුණි.
රැස්වීමේදී විදුහල්පති වෙනුවෙන් එක මවක් කදුළු සලන ලදී. එම කාන්තාව කදුළු සලන විට දෙමාපියන් කිහිපදෙනෙකු ප්‍රකාශ කලේ එම මවගේ දරුවන් මෙම පාසලට ඇතුලත් කරගෙන තිබෙන්නේ පාසල් ගණනාවකට එහා සිට බවයි. එසේ හැඩු කාන්තාව සිද්ධිය දැනගන්නේ ආරවුලෙන් පසුවය. “ අනේ බුදු මිස් , මට සමාවෙන්න, මේ ප්‍රින්සිපල් මේ වගේ බල්ලෙක් කියල අපි දැනගෙන හිටියේ නෑ” කියමින් ගුරුවරියකගෙන් වැද සමාව ගත්තේය.
ගුරුවරුන්ගේ නොහොබිනා කතා අතරේ දෙමාපියන් විශාල ප්‍රමාණයක් ආසනවලින් නැගිට ආපසු ගියේය. ඔවුන් විසින්ම වැඩසටහන වීඩියෝ කරන ලදී. සබරගමුවේ බලධාරීන් සිටින්නේ විදුහල්පතිවරයා ආරක්ෂා කරගැනීම වෙනුවෙන් බැවින් එම වීඩියෝ දර්ශනවලින් යමක් නිගමනයට ගැනීම ඔවුන් නොකරන බව අප මීට පෙරම පෙන්වා දෙන ලදී.
මෙහි වැදගත්ම කොටස උදා වුයේ සංවර්ධන සමිතියේ ලේකම්ගේ කතාවේදීය. ඔහු ආදී සිසු සංගමයේ ලේකම්ගේ ගෙදරට ගොස් තිබුනේ පිහියක් රැගෙන ඔහුව මරා දැමීමටය. ඔහුගේ කතාවේදී විදුහල්පතිවරයාට එරෙහි සිටින බවට ගුරුවරු තිදෙනෙකුගේ නම් ප්‍රකාශ කළේය. එම නම් පැවසීමත් සමඟම පාසලේ සත්‍ය කතාව එළියට පැමිණියේය. ගුරුවරියක් නැගිට ලේකම්වරයාගේ චෝදනාවට පිළිතුරු දුන්නේය. පාසලේ සැබෑ තත්වය ඇය දෙමාපියන්ට පැහැදිලි කළේය. තවත් ගුරුවරයෙකු ද එයම කළේය. ඉන් අනතුරුව එම දෙමාපියන් සියලුම දෙනා මෙම ගුරුවරුන්ගෙන් සමාව අයදින ලදී. එම ගුරුවරුන්ගේ කතා අතරේ චන්ඩින් කිහිප දෙනෙකුගේම විරෝධය එල්ල වුවත්, එම අරක්කු බී ගත් චණ්ඩින්ගේ කටවල් වැසීමට තවත් පිරිසක් කටයුතු කරන ලදී.
එම සිදුවීමත් සමඟම මහා ගල ගෝට්ටියක් ඇති විය. හදිසි කාර්ය මණ්ඩල රැස්වීමක්ද එවෙලේම කැඳවන ලදී. දෙමාපියන් ඉදිරියේ පීඩාවට, නින්දවාට මෙන්ම තර්ජනයට ලක් වූ ගුරුවරුන්ගේ කොන්ද දිග හැරුණු අප දුටුවේය. එහි පටිගත කිරීම වෙනත් ගුරුවරයෙකු විසින් අපට ලබා දෙන ලදී. එම ස්ථානයට යාමට දෙමාපියන්ට අවසර නොලැබුනේය.
අවසානයේ එම ගුරුවරු තිදෙනාම ඇඹිලිපිටිය පොලීසියට ගියේ විදුහල්පතිට සහ සංවර්ධන සමිතියේ ලේකම්ට විරුද්ධව පැමිණිලි කිරීමටය. මෙම පාසලේ විදුහල්පතිගෙන් විවිධ වරප්‍රසාද ලබන ගුරුවරු මෙන්ම දෙමාපියන් කිහිප දෙනෙකුම සිටී. මෙම රැස්වීමට අවශ්‍ය සහාය මෙන්ම දෙමපියන් කැඳවීමද සිදුකලේ ඔවුන් බව අපට තොරතුරු ලැබී තිබුණි. මේ පිරිසේ ගුරුවරු අයත් වන්නේ රාජ්‍ය සේවයටය. ඔවුන්ගේ නම් ලැයිස්තුව අප වෙත ලැබී තිබේ. ඔවුන් ස්ථාන මාරුවීම් ලබා යා යුතු කාලයන් පැමිණ තිබේ. විදුහල්පති ගිය පසු ඔවුන්ට අවශ්‍ය ලෙස පාසල තුල සිටීමට වරප්‍රසාද නොලැබෙන බැවින් ඔහුව රැකීම සඳහා කටයුතු කරන බවටද චෝදනා එල්ල වේ. එම ගුරුවරුන් මෙම පාසලට පැමිණ තිබෙන කාලයන් අප වෙත ලැබී තිබේ. කෙසේ නමුත් මෙම කාලයන් පිළිබඳව නිශ්චිත ලෙසම තහවුරු කරගැනීමට අප අපොහොසත් විය. එය සෙවීම බලධාරීන්ගේ වගකීමය. මෙම ගුරුවරුන්ගෙන් සමහර ගුරුවරුන්ට විශාල චෝදනා තිබේ. අප එම චෝදනා සියල්ලම තහවුරු කරගත් පසු පලකරනු ඇත.
ඇඹිලිපිටිය මහා විද්‍යාලයේ අරක්ගත්, ගැටළු ඇතිකරන ගුරු මඩුල්ල
අවුරුදු 08ට වැඩි අධ්‍යයනය කාර්‍යය මණ්ඩලය
S.R. ගාමිණී – සේවා කාලය අවුරුදු 30 (1993.02.02)
A.A. ශ්‍රියානි – සේවා කාලය අවුරුදු 23 (1999.06.19) –
නිහාල් පිටගම්පල – සේවා කාලය අවුරුදු 15
ලලිතා රත්නකාන්ති – සේවා කාලය අවුරුදු 09
දුලානි හතරසිංහ – සේවා කාලය අවුරුදු 09
අරුන්දතී එදිරිසිංහ – සේවා කාලය අවුරුදු 09
ගීතා රණතුංග – සේවා කාලය 10
D.P.M. එරංදිකා – සේවා කාලය අවුරුදු 10
E. මල්ලිකා සේවා කාලය අවුරුදු 09
නුවන් බස්නායක සේවා කාලය අවුරුදු 09
අවුරුදු 08ට වැඩි අනධ්‍යයනය කාර්‍යය මණ්ඩලය
අනෝජා විජේනායක (විද්‍යාගාර කම්කරු) සේවා කාලය අවුරුදු 14
රණුක්ගේ මිය(විද්‍යාගාර කම්කරු) සේවා කාලය අවුරුදු 14
වැඩසටහන මෙහෙය වූ ගුරුවරු කතා කලේ ගුරුවරුන් ලෙස නොව චන්ඩින් ලෙසය. ඒ අතර රාවණා ලංකා අප වෙබ් අඩවිය පලකරන ලද පුවත් කිහිපයක් පුළුල් තිරයකින් පෙන්වා අපට දැඩි දෝෂාරෝපනයක්ද එල්ල කරන ලදී. එසේම දැඩි ප්‍රසිද්ධියක්ද ලබා දුන්නේය. කෙටියෙන් සඳහන් කරන්නේ නම් “අපගේ රෙදි ගලවන ලදී”, නමුත් වැඩසටහන අවසන් වෙද්දී අපගේ ගැලවුණු රෙදි ස්වයංක්‍රීයව ඇන්දිනි. නමුත් ආදි සිසුන් කර තිබෙන පැමිණිලි කිසිවක් ගැන මෙන්ම ඔවුන්ට අවාසි කිසිවක් මෙහිදී ප්‍රකාශ නොකිරීමට ඔවුන් පරිස්සම් වන ලදී. අප ආයතනයට එල්ල කල චෝදනාවලින් පෙන්නුම් කලේ ඔවුන් නියෝජ්‍ය විදුහල්පතිවරු, ගුරුවරු වුවත් ඔවුන්ගේ ලේ වල තිබෙන්නේ බොරුව, වංචාව මෙන්ම දුෂණය බවයි.
එසේම ඔවුන් ගුරුවරු නොව නූගත් චන්ඩි බවද සඳහන් කළ යුතුමය. ඒ ඔවුන්ගේ දේශපාලනයේ හැටිය. ඔවුන්ට නීතියක් හෝ සදාචාරයක් අවශ්‍ය නැති, අෂිෂ්ඨ ගුරුවරු බවත් සියල්ලම බොරුවෙන් බැරි වුවහොත් මැරබලයෙන් හෝ තමන්ට හිමි නොමැති දේවල් ගැනීමට බලා සිටිනා මන්දබුද්ධික කොටසක් බවද ඔවුන්ම පෙන්වා දෙන ලදී.
කිසිදු සමාජ ඥානයක් නොමැති මෙම වැඩසටහන මෙහෙයවූ පුද්ගලයින් අපගේ ආයතනය ප්‍රසිද්ධ කර දීමට කටයුතු කළේය. එය අපට හොඳය. නමුත් ඔවුන් පවසන අයුරින් අපට මේ පුවත් වලින් හෝ වෙබ් අඩවිය නරඹන ප්‍රමාණයට මුදල් ලැබෙන්නේ නැත. ඔවුන් වටහා ගත යුත්තේ චෝසනාවට ලක්ව සිටින විදුහල්පතිවරයාට චෝදනාවලට පිළිතුරු ලබා දීමට හැකිවන ලෙස පරිසරය නිර්මාණය කර දීමයි. එය එසේ නොවන තාක් මෙම චෝදනා සියල්ලම පවතිනු ඇත. ඔහුගේ නිරදෝෂිභාවය පිළිබදව හෝ ඔහු වෙනුවෙන් අපට පිළිතුරු ලබාදීමටවත් රාජ්‍ය බලධාරීන් කටයුතු කල යුතුය. ඒ සදහා ඔවුන් විමර්ශන කල යුතුය. නීතියට අනුව කටයුතු කලපසු අවසාන විමර්ශන වාර්ථාවද අප ප්‍රසිද්ධ කල යුතුය. ඔහු නිවැරදි නම් අප එයද වාර්ථා කල යුතුය. එයට අප මනා ප්‍රසිද්ධියක්ද දිය යුතුය. මහජනතාව අපට බලපත්‍ර ලබා දී තිබෙන්නේ සමබර කර වාර්ථා කිරීමට පමණි.
මේ අතර මෙම ප්‍රශ්නය උඩින් දේශපාලන ගේමක් ගසා ගැනීමටද දගලන දේශපාලනය කරන ප්‍රාථමික ශ්‍රේණියේ කිහිප දෙනෙකුද සිටී. නමුත් අපට පෙනෙන ආකාරයට එක්සත් ජාතික පක්ෂයේ කොලොන්න ආසනයේ නව සංවිධායකවරයා සැබෑ තත්වය හඳුනාගෙන තිබේ.
එසේම ආණ්ඩුකාරවරයාගේ මාධ්‍ය ලේකම්වරයාද මෙහි ගැඹුර අවබෝධකරගෙන තිබෙන බවද අපට පෙනෙන්නට තිබේ. අප දිගින් දිගටම මේවා වාර්තා කරනුයේ මේ සියල්ල ලබාගෙන තිබෙන්නේ මහජනතාව අතරට ගොස් ගොස් බැවිනි. පෙරදා පැවති දෙමාපියන්ගේ රැස්වීමට අඩුම දාහක්වත් දෙමාපියන් පැමිණියේ නැත. දරුවන් 2200 ක් වෙනුවෙන් දෙමාපියන් 300 ක්වත් නොපැමිණීමම මෙම විදුහල්පතිවරයාට තිබෙන මහජන අප්‍රසාදය පෙන්නුම් කරයි. එසේම ගැටලුවෙන් පසු ගුරුවරුන්ගෙන් සමාව ගත් විදුහල්පතිවරයා වෙනුවෙන් කතාකල දෙමාපියන් කිහිප දෙනාගෙන්ද පෙන්නුම් කරනුයේ එම දෙමාපියන්ද කාරණාව නොදැන මෙම පාසලට පැමිණි බවයි. මෙම විදුහල්පතිවරයා තබා ගැනීමට උත්සාහ කරන පුද්ගලයන් කව්ද?, ඔවුන්ගේ දේශපාලන පසුබිම් සොයා ගැනීමට සහ ඒවා නිවැරදි ලෙස ආණ්ඩුකාරතුමා වෙත වාර්තා නොකිරීම ඔහුගේ පක්ෂයේ බිම් මට්ටමේ සිටින බුද්ධිමත් සාමාජිකයන්ගේ වගකීමයි. අප එසේ සඳහන් කලේ මෙම සිද්ධිය මේ වන විට දේශපාලන වාසි වෙනුවෙන් හරවා ගැනීමට උත්සාහ කළත් මහපොළොවේ සත්‍ය නම් සැබෑ ප්‍රශ්නය යට ගැසීමේ කූට ක්‍රමය මෙම සිද්ධිය තුළ ක්‍රියාත්මක වන බැවිනි.
එබැවින් සත්‍ය සිද්ධියට පිළිතුරු ලැබී නීතියට අනුව විය යුත්ත වන තෙක් රාවණා ලංකා වාරතාකරුවන්ගේ පංහිද ක්‍රියාත්මක වන බව ඇඹිලිපිටියේ සිද්ධිය වෙනත් මගකට රැගෙන යාමට කටයුතු කරනා පාසලේ දුෂිත ගුරුවරුන් කිහිප දෙනාටත්, දුෂිත දෙමාපියන් කිහිප දෙනාටත්, කොදු කැඩී තිබෙන ආදි සිසුන් කිහිප දෙනාටත් කාරුණිකව දන්වා සිටිමු. අපට වටින්නේ පීඩිත මිනිසුන් පමණි.
(සඳහන් කර තිබෙන ගුරුවරුන් පිළිබඳව යම් නිවැරදි කිරීමක් තිබේ නම් එය නිවැරදි කරගැනීමට අවශ්‍ය ඉඩ මෙම වෙබ් අඩවිය තුල ඔවුන් වෙනුවෙන් වෙන් කර තිබේ. ඒ අනුව මෙම ගුරුවරුන්ට එරෙහිව තිබෙන චෝදනා පත්‍රය ද ඉදිරියේදී අප පලකරනු ඇත. එබැවින් මෙම ලිපියේ එල්ලකර තිබෙන චෝදනාවලට පිළිතුරු ලබා දී යම් වරදක් තිබේ නම් එය නිවැරදි කරගත යුතු අතර එය නීතිය වේ. )
