මාර්තු 09 වෙනිදා පැවැත්වීමට නියමිත පළාත් පාලන මැතිවරණයේ ඡන්ද පත්රිකා මුද්රණය. මෙතෙක් සිදුකර නැතැයි රජයේ මුද්රණ දෙපාර්තමේන්තු ආරංචිමාර්ග පැවසීමත් සමග මැතිවරණය පැවැත්වෙන්නේ නැතිබව ස්ථීර වෙමින් පවතී.
රජයේ මුද්රණාල ආරංචි මාර්ග සදහන් කරන්නේ, තැපැල් ඡන්දය නියමිත දිනයන්හි දී පැවැත්වීම සඳහා මේ වන විට සියලුම දිස්ත්රීක් කාර්යාලවලට තැපැල් ඡන්ද පත්රිකා යැවිය යුතුව තිබු බවයි.
මෙසේ තැපැල් ඡන්ද පත්රිකා ප්රමාද කිරීම සඳහා රජයේ මුද්රණාලාධිපතිනියට බලපෑම් එල්ලවී තිබෙන බව සමහර මාධ්ය වාර්තා කර තිබෙන අතර සේවකයන් පිරිසක් පොළඹවමින් ඡන්ද පත්රිකා මුද්රණයට බාධා වන ආකාරයෙන් වැඩ වර්ජනයක් සිදුකිරීමේ සැලසුමක් ද ඇතැයි ද එම මාධ්ය වාර්තාවල සඳහන් වේ.
මීට පෙර මැතිවරණ අවස්ථාවල දී නිල ඡන්ද පත්රිකා මුද්රණය කිරීමේ දී මුද්රණාල කටයුතු සඳහා ලබාදෙන දැඩි පොලිස් ආරක්ෂාව මේ වන තුරුත් ලබා දී නැති බවද සදහන් වේ.
පැවැත්වීමට නියමිත පළාත් පාලන මැතිවරණය ආණ්ඩුව මේ වනවිට 21 ක් වතාවක් කල් දැමීම සඳහා සැලසුම් සකස් කළ නමුත් ඒ සියල්ල ව්යර්ථ වී ගිය පසුබිමක නව කුමන්ත්රණයක් මගින් මැතිවරණයට මුදල් නොදී සිටීමට ආණ්ඩුව කටයුතු කරමින් සිටින බව පාර්ලිමේන්තු මන්ත්රී පාඨලී චම්පික රණවක මහතා ප්රකාශ කලේ පානදුරේදීය.
”මාර්තු 09 පෙර මැතිවරණ කොමිසම පැත්තෙන් සිදුවිය යුතු විශාල රාජකාරී ප්රමාණයක් තිබෙනවා. පළවෙනි එක තමයි මේ තැපැල් ඡන්දය පැවැත්වීම. එය පෙබරවාරි 22,23,24 දින යොදලා තියෙනවා. ඒ සඳහා ඡන්ද කාඩ්පත් අපේ නිවෙස්වලට ලැබෙන්න ඕනේ 19 වනදා. 19 වෙනිදට ඡන්ද කාඩ්පත් ලැබෙන්න නම් දැන් ඒවා මුද්රණය කරලා ඒවා බෙදාහැරීමේ ක්රියාදාමයක් තියෙන්න ඕනේ.
ඉතින් ඒක නිසා මේ මැතිවරණය 09 වනදා එකපාරට අහසින් වැටුණා වගේ කරන්න බැහැ. ඡන්ද පත්රික මුද්රණය, බෙදාහැරීම, අදාළ ඡන්ද මධ්යස්ථාන සූදානම් කිරීම, ආරක්ෂක සේවාවන් සූදානම් කිරීම, තැපැල් ඡන්දය පැවැත්වීම යනාදිය කලයුතුයි. මැතිවරණ කොමිසම ඒ අභියෝගය භාර අරගෙන කරගෙන යනවා. ” ඔහු පැවසීය
මේ අතර යෝජිත පළාත් පාලන ඡන්ද විමසීමට අදාළ මුද්රණ කටයුතු සඳහා මුදල් ගෙවනතෙක් එම කටයුතු සිදුකළ නොහැකි බව රජයේ මුද්රනාලයාධිපතිණිය මැතිවරණ කොමිසමට ලිඛිතව දැනුම් දී තිබෙන බවටද වාර්තා විය..
එසේම මැතිවරණය පැවැත්වීම තුලින් එහි ජයග්රහණය සමගි ජන බලවේගය සහ ජනතා විමුක්ති පෙරමුණ අතර බෙදී යාමට හැකි බවද සමාජය ගවේෂණයේදී පෙනී යයි. එසේම මැතිවරණය නොපවත්වා ජනතාවට අවශ්ය සහන සියල්ලම ජනතාවට ලබා දීමෙන් අනතුදෝව ශක්තිමත් රජයක් සමග මැතිවරණයකට යාමට සැලසුම් කරන බවද පෙනේ. එසේ වුවහොත් රනිල් වික්රමසිංහ මහතා වටා ජනතාව සාමාන්ය වශයෙන් හෝ එකතු වීමට ඉඩ තිබේ.
ඒ කෙසේ වෙතත් මෙම සියලු කරුණු මත පෙනෙනුයේ යෝජිත මැතිවරණය නොපැවත් වන බවය.
