ශ්‍රී ලංකාවේ වේලාවෙන් ඊයේ (14) රාත්‍රී 10.00 සිට අද (15) උදැසන 7 දක්වා විශේෂ සිදුවීම්.
චෙච්නියානු සටන්කාමීන් මරියුපෝල් වෙත
චෙච්නියාවේ රුසියානු කලාපයේ ක්‍රෙම්ලිනයේ අවශ්‍යතාවයන් ඉටු කරන චෙච්නියා නායකයා පවසන්නේ චෙච්නියානු සටන්කාමීන් මූල්‍යමය වශයෙන් වැදගත් යුක්රේනයේ මරියුපෝල් වරායට රුසියානු ප්‍රහාරයක් දියත් කරන බවයි.
චෙච්නියාවේ ප්‍රාදේශීය නායක රම්සාන් කදිරොව් ටෙලිග්‍රාම් පණිවුඩකරණ යෙදුමෙන් පැවසුවේ චෙචන් සටන්කාමීන් රාත්‍රිය උදා වූ විට ඔවුන්ගේ ප්‍රහාරය නතර කල බවත් ඒ වන විට ඔවුන් අසෝව් මුහුදු නගරය තුළ කිලෝමීටර් 1.5 ක් (සැතපුම් 1 ක් පමණ) දුරට ගමන් කර ඇති බවයි.
එක්සත් රාජධානියේ 43,000 කට වැඩි පිරිසක් යුක්රේන සරණාගතයින්ට තම නිවාස පිරිනමති
එක්සත් රාජධානිය විසින් යුක්රේනයේ සිට පැමිණෙන සරණාගතයින්ට අනුග්‍රහය දැක්වීම සඳහා බ්‍රිතාන්‍ය පදිංචිකරුවන් විසින් වැඩසටහනක් දියත් කර ඇති අතර පළමු පැය පහ තුළ පුද්ගලයින් 43,800 දෙනෙක් තම නිවාස පිරිනැමීමට අත්සන් කර ඇත.
රුසියානුවට සම්බන්ධ ලන්ඩන් මන්දිරය විරෝධතාකරුවන් අල්ලා ගනී.
ලන්ඩනයේ විරෝධතාකරුවන් බෙල්ග්‍රේව් චතුරශ්‍රයේ 5 වැනි මහලෙහි බැල්කනියකින් යුක්රේන ධජය ප්‍රදර්ශනය කරමින් “මෙම දේපල නිදහස් කර ඇත” යනුවෙන් සඳහන් බැනරයක් ප්‍රදර්ශනය කරමින් එය කෙටි කලකට අල්ලා ගෙන තිබිණි.
ලන්ඩන් පොලිසිය සඳුදා පැවසුවේ ගොඩනැගිල්ලේ බැල්කනියට ඇතුළු වූ විරෝධතාකරුවන් හතර දෙනෙකු අත් අඩංගුවට ගත බවයි.
නවසීලන්තය ‘විශේෂ යුක්රේන ප්‍රතිපත්තියක්’ ප්‍රකාශයට පත් කරයි
නවසීලන්ත රජය පවසන්නේ යුක්රේන-නවසීලන්ත වැසියන්ගේ පවුල්වල සාමාජිකයින් 4,000 කට පමණ කෙටි කාලීනව රට වෙත යාමට හැකි වන පරිදි නව ප්‍රතිපත්තියක් හඳුන්වා දෙයි.
යුක්රේනයේ උපන් නවසීලන්ත පුරවැසියන්ට සහ පදිංචිකරුවන්ට යුක්රේනියානු පවුලේ සාමාජිකයෙකුට සහ ඔවුන්ගේ ආසන්නතම පවුලට අනුග්‍රහය දැක්වීමට හැකි වනු ඇතැයි ආගමන අමාත්‍ය ක්‍රිස් ෆාෆෝයි නිවේදනයක් නිකුත් කරමින් කියා සිටියේය.
පිළිගත් අයට වසර දෙකක රැකියා වීසා බලපත්‍රයක් ලබා දෙන අතර ඔවුන්ගේ දරුවන්ට පාසල් යාමට ද හැකි වේ.
රුසියාව චචීනයෙන් ආධාර ඉල්ලීම මධ්‍යයේ චීනය ‘දැඩි අවධානමක ‘.
ඔබාමා පරිපාලනයේ හිටපු නිලධාරියෙකු වන බ්‍රෙට් බෲන් පවසන්නේ රුසියාව යුක්රේනය ආක්‍රමණය කිරීම චීනයට අවදානමක් මෙන්ම සහ අනාගත අවස්ථා යන දෙකම මතු කර දෙන බවයි.
“චීනය මේ මොහොතේ දැඩි තැනක සිටින්නේ එක් අතකින් රුසියාව යුක්රේනය ආක්‍රමණය කිරීමත් සමඟ බටහිරයන් දුර්වල කිරීමට සහ ජාත්‍යන්තර පිළිවෙල නැවත සකස් කිරීමට උත්සාහ කිරීමට අවස්ථාවක් ඔවුන් දකින බැවිනි. නමුත් ඒ සමඟම, ආර්ථික සහ ආරක්ෂාව යන දෙකම පිලිබදවා අවදානම් ගණනාවක් ඔවුන්ට තිබේ. ” යයි ඔහු අල් ජසීරා පුවත් සේවය වෙත පවසා තිබේ.
“රුසියාව මෙම ආක්‍රමණය සැලැස්මට අනුව සිදු නොකිරීම බීජිං සම්බන්ධයෙන් නිසැකව ම අදාළ වන අතර එය ඔවුන්ගේ මීළඟ පියවරට දැඩි ලෙස බර වනු ඇත.
“මෙය ඉක්මන් හා සාපේක්ෂ වශයෙන් පහසු ආක්‍රමණයක් වනු ඇත් නම් චීනය සමඟ ගමන් කිරීම හොඳ ය. එය වඩාත් සංකීර්ණ වන තරමට එය චීනයේ තත්වය වඩාත් සංකීර්ණ කරයි. ඇමරිකානුවන් දැන් කරමින් සිටින්නේ තීරණයක් ගැනීමට ඔවුන්ට බල කරන ලෙස බීජිනයට ප්‍රසිද්ධියේ එම පීඩනය යෙදීමයි. මම හිතන්නේ මේ සම්බන්ධයෙන් ජාත්‍යන්තර ප්‍රජාව තුළ ඇති ඒකමතිකභාවය බීජිනයට පිටස්තරයෙකු වීම වඩාත් අභියෝගාත්මක කරයි.” ලෙස ඔහු වැඩි දුරටත් පැවසීය.
රුසියාවට සම්බන්ධ යැයි විශ්වාස කරන සුපිරි යාත්‍රාව ස්පාඤ්ඤ බලධාරීන් අත් අඩංගුවට ගනියි.
ස්පාඤ්ඤයේ අගමැති පවසා ඇත්තේ බාසිලෝනා බලධාරීන් විසින් ඩොලර් මිලියන 153ක් (යුරෝ මිලියන 140ක්) වටිනා මීටර් 85 (අඩි 279) සුපිරි යාත්‍රාවක් අත් අඩංගුවට ගෙන ඇති බවත් මෙම යාත්‍රාව ප්‍රමුඛ රුසියානු ආයුධ ව්‍යාපාරිකයෙකු සමඟ ඇති සම්බන්ධතා විමර්ශනය කරන බවයි.
අත්අඩංගුවට ගත් යාත්‍රාව රුසියානු ජනාධිපති පුටින්ගේ මිත්‍රයෙකු වන රොස්ටෙක් ආරක්ෂක සමාගමේ ප්‍රධානී සර්ජි චෙමෙසොව්ට සම්බන්ධ Valerie ලෙස නම් කර ඇති බව ස්පාඤ්ඤ පුවත්පත El Pais වාර්තා කළේය.
යුද්ධයේ බලපෑම සිවිල් වැසියන් කෙරෙහි ‘භයානක’ මට්ටමට ළඟා වේ.
එක්සත් ජාතීන්ගේ මහලේකම් ඇන්ටෝනියෝ ගුටරෙස් කියා සිටියේ යුද්ධයේ බලපෑම යුක්රේනයේ සිවිල් වැසියන්ට භයානක තත්වයන් ළඟා වෙමින් පවතින බවයි. එබැවින් එක්සත් ජාතීන්ගේ හදිසි අරමුදල තුලින් ආධාර වැඩි කිරීම සඳහා අතිරේක ඩොලර් මිලියන 40 ක් වෙන් කරන බව ඔහු තහවුරු කරන ලදී.
චර්නොබිල් බලාගාරයට බාහිර බලය ප්‍රතිෂ්ඨාපනය කිරීමේ උත්සාහයන් දිගටම කරගෙන යනව – යුක්රේනය IAEA වෙත පවසයි
චර්නොබිල් න්‍යෂ්ටික බලාගාරයට බාහිර විදුලිය සැපයීම නැවත ආරම්භ කිරීමට උත්සාහ දරන බව යුක්රේනය එක්සත් ජාතීන්ගේ න්‍යෂ්ටික නිරීක්ෂණ කණ්ඩායමට දන්වා ඇති බව ජාත්‍යන්තර පරමාණුක බලශක්ති ඒජන්සිය (IAEA) නිවේදනයක් නිකුත් කරමින් කියා සිටියේය.
IAEA අධ්‍යක්ෂ ජනරාල් රෆායෙල් මරියානෝ ග්‍රෝසි පැවසුවේ ඉරිදා, යුක්රේන විශේෂඥ කණ්ඩායම් හානියට පත් විදුලි රැහැන් දෙකෙන් එකක් අලුත්වැඩියා කළ බවයි.
රුසියානු හමුදා Zaporizhzhia න්‍යෂ්ටික බලාගාරයේ යුධෝපකරණ පිපිරීම් සිදු කළ බවට වාර්තා වේ.
යුක්රේන යුද්ධය මධ්‍යයේ මැදපෙරදිග සහ උතුරු අප්‍රිකාව ආහාර හිඟයකට මුහුණ දෙයි.
යුක්රේනයේ ගැටුම් අඛණ්ඩව පවතින බැවින් මැදපෙරදිග සහ උතුරු අප්‍රිකාවේ (MENA) ජාතීන් ආහාර හිඟයකට මුහුණ දී සිටින බව ලෝක ආහාර වැඩසටහනේ (WFP) ප්‍රකාශකයෙක් පැවසීය.
යුක්රේනය සහ රුසියාව ලොව පුරා තිරිඟු අපනයනය කරන ප්‍රධාන අපනයනකරුවන් වන අතර ලෙබනනය එහි සැපයුමෙන් සියයට 50 ක් දක්වා යුක්රේන තිරිඟු මත යැපෙන අතර ටියුනීසියාවට සියයට 42 ක් සහ යේමනය සඳහා සියයට 22 ක් දෙරටේ තිරිඟු මත යැපෙන බව සදහන් වේ.
රුසියානු හමුදා අසාර්ථකයි.
රුසියානු හමුදා අඛණ්ඩව සැපයුම් සහ සංවිධානාත්මක අසාර්ථකත්වයන්ට ගොදුරු වන බැවින් රුසියානු ජනාධිපති ව්ලැඩිමීර් පුටින් යුක්රේනයේ යුද්ධයට අවතීර්ණ වීමට නේටෝ හමුදාවන් පොළඹවනු ඇතැයි සිතිය නොහැකි බව වොෂිංටන් ඩීසී හි යුරෝපීය ප්‍රතිපත්ති විශ්ලේෂණ මධ්‍යස්ථානයේ අධ්‍යක්ෂ ලෝරන් ස්පෙරන්සා පැවසීය.
“නේටෝව ගෙන ඒම සඳහා ඇත්ත වශයෙන්ම මෙම යුද්ධය සම්පූර්ණයෙන්ම උත්සන්න කිරීමට ඔහු පසුබට වනු ඇතැයි මම සිතමි,” ස්පෙරන්සා අල් ජසීරාට පැවසීය. රුසියාවට සාර්ථක දේශපාලන හෝ මිලිටරි අවසානයක් නොමැති බවද ඔහු සදහන් කරයි.
යුද්ධය සදහා නේටෝව පැටලුනහොත් එය රුසියාවේ විනාශයක් වනු ඇති බවද, එය දැනට පවතින යුද්දයට වඩා විනාශකාරී වනු ඇති බවද ඔහු වැඩි දුරටත් සදහන් කළේය.
යුක්රේන ජනාධිපතිවරයා යුද නීතිය දීර්ඝ කිරීමට යයි
යුක්රේන ජනාධිපති Volodymyr Zelenskyy විසින් මාර්තු 24 සිට තවත් දින 30 කට යුධ නීතිය දීර්ඝ කිරීමට උත්සාහ කරන පනත් කෙටුම්පතක් පාර්ලිමේන්තුවට ඉදිරිපත් කර ඇති බව ජනාධිපතිගේ වෙබ් අඩවිය පවසයි.
රුසියාව යුක්රේනය ආක්‍රමණය කිරීම ආරම්භ කළ පෙබරවාරි 24දා සෙලෙන්ස්කි යුද නීතිය ප්‍රකාශ කළේය.
රුසියාව පැරණි සෝවියට් රටවලට සීනි, තිරිඟු අපනයනය කිරීම තාවකාලිකව තහනම් කරයි
අසල්වැසි යුරේසියානු ආර්ථික සංගමයේ ප්‍රාන්තවලට සුදු සහ අමු සීනි අපනයනය අගෝස්තු 31 දක්වා තහනම් කිරීමේ නියෝගයකට රුසියානු අගමැති අත්සන් කර ඇති බව රජයේ ප්‍රකාශයක් පවසයි.
ජුනි 30 දක්වා රුසියාව තිරිඟු, රයි, බාර්ලි සහ බඩ ඉරිඟු අපනයනය ද තහනම් කරන බව එම නිවේදනයේ සඳහන් වේ.
කෙසේ වෙතත්, රටේ වත්මන් කෝටාව තුළ වෙළඳුන්ට විශේෂ අපනයන බලපත්‍ර ලබා දීම දිගටම කරගෙන යන බව නියෝජ්‍ය අගමැති වික්ටෝරියා අබ්‍රම්චෙන්කෝ පැවසීය.
එක්සත් ජනපද ආරක්ෂක ලේකම්, “බල්ගේරියාව” යුරෝපීය සංචාරයට එක් කරයි
යුක්රේනයේ යුද්ධය ඇවිලී යන විට නේටෝ රටවල් ශක්තිමත් කිරීම කෙරෙහි අවධානය යොමු කල එක්සත් ජනපද ආරක්ෂක ලේකම් ලොයිඩ් ඔස්ටින් බල්ගේරියාව ද එම සංචාරයට එකතු කර තිබේ. ඔස්ටින් අඟහරුවාදා බ්‍රසල්ස් වෙත පිටත්ව යන අතර එහිදී ඔහු ස්ලෝවැකියාවට යාමට නියමිතව ඇති අතර ඊට නේටෝ රැස්වීමකට සහභාගී වනු ඇත..
සීතල යුද්ධ සමයේදී මොස්කව්හි සමීපතම සගයා වූ බල්ගේරියාව දැන් යුක්රේනය ආක්‍රමණය කිරීමට එරෙහිව රුසියාව හෙළා දැක ඇති බල්ගේරියාව යුරෝපීය සංගමයේ සහ නේටෝ සාමාජික රාජ්‍යයකි.
තර්ජනයට ලක්ව ඇති නගරවලින් 4,000කට වැඩි පිරිසක් ඉවත් කරයි.
මානුෂීය කොරිඩෝ හතක් හරහා සඳුදා 4,000 කට වැඩි පිරිසක් ඉදිරි පෙළ නගරවලින් ඉවත් කිරීමට යුක්රේනයට හැකි වූ බව එහි නියෝජ්‍ය අගමැති ඉරීනා වෙරේෂ්චුක් වීඩියෝ ප්‍රකාශයක් නිකුත් කරමින් කියා සිටියේය.
තවත් මානුෂීය කොරිඩෝ තුනක් සාර්ථකව ක්‍රියාත්මක නොවූ බව පැවසූ ඇය කියෙව් ප්‍රදේශයෙන් ඉවත් කරන සිවිල් වැසියන්ට රුසියානු හමුදා වෙඩි තබන බවට චෝදනා කළාය.
සිවිල් වැසියන්ට වෙඩි තැබීම නැවත නැවතත් රුසියාව ප්‍රතික්ෂේප කරයි.
Fox News වාර්තාකරු යුක්රේනයේ දී තුවාල ලබා ඇත.
යුක්රේනය රුසියානු ආක්‍රමණය ආවරණය කරමින් සිටියදී ෆොක්ස් නිව්ස් හි වාර්තාකරුවෙකු තුවාල ලබා රෝහල් ගත කර ඇති බව එක්සත් ජනපද රූපවාහිනී ජාලය පවසයි.
ෆොක්ස් නිව්ස් වෙනුවෙන් එක්සත් ජනපද රාජ්‍ය දෙපාර්තමේන්තුව ආවරණය කරන බ්‍රිතාන්‍ය ජාතික බෙන්ජමින් හෝල් කිව් නගරයෙන් පිටත ප්‍රවෘත්ති රැස්කරමින් සිටියද්ෆි අතරතුර තුවාල ලබා ඇති බව ෆොක්ස් නිව්ස් නිවේදනයක් නිකුත් කරමින් කියා සිටියේය.
ලෝක බැංකුව යුක්රේනය සඳහා අතිරේක අරමුදල් ලෙස ඩොලර් මිලියන 200 ක් අනුමත කරයි
පසුගිය සතියේ අනුමත කරන ලද ඩොලර් මිලියන 723 ට අමතරව, අවදානමට ලක්විය හැකි පුද්ගලයින් සඳහා යුක්රේනයේ සමාජ සේවා ශක්තිමත් කිරීම වෙනුවෙන් අතිරේක සහ නැවත ක්‍රමලේඛනගත කරන ලද මූල්‍යකරණය සඳහා ඩොලර් මිලියන 200 කට ආසන්න මුදලක් ලබා දෙන බව ලෝක බැංකුව නිවේදනය කර ඇත.
එක්සත් ජනපද නිලධාරියා රුසියාව සමඟ චීනයේ පෙලගැසීම ගැන ‘ගැඹුරු‘ කනස්සල්ලක් මතු කරයි
එක්සත් ජනපදයේ ජාතික ආරක්ෂක උපදේශක ජේක් සුලිවන් චීනයේ ඉහළම රාජ්‍ය තාන්ත්‍රිකයෙකු වන යැං ජීචි සමඟ පැය හතක ස්ථාවර සාකච්ඡාවකදී රුසියාව සමඟ චීනය පෙලගැසීම පිළිබඳව විශාල කනස්සල්ලක් මතු කර ඇති බව බිඩෙන් පරිපාලනයේ ජ්‍යෙෂ්ඨ නිලධාරියෙක් පැවසීය.
