ජනාධිපති රනිල් වික්‍රමසිංහ මහතා මේ වන විට දැඩි ගැටළු මැදින් ශ්‍රී ලංකාව නැවත ගොඩ නැගීමේ කටයුතු සිදුකරමින් සිටි. එය දැඩි ඉවසිල්ලකින් “ගිරයට අහු වූ පුවක් ගෙඩියක්” සේ සිත කටයුතු කරනු ඇති බව අපටද පැහැදිලිවම පෙනේ. එක පැත්තකින් ලංකාවේ දේශපාලන විරෝදින්ය. තවත් පැත්තකින් පවතින දේශපාලනයෙන් පීඩා විදින මිනිසුන්ගේ ගැටළු අසාධාරණයට ලක් වූ මිනිසුන් විවිධ සංවිධාන හරහා තම යුක්තිය වෙනුවෙන් ජාත්‍යන්තරය සමග සටන් කිරීමය. එසේම තවත් පැත්තකින් දේශපාලනය කරන රාජ්‍ය සේවයේ මාෆියාව සහ අරගලයේ සාමාජිකයන් අත් අඩංගුවට ගැනීම නිසා රජයට එරෙහිව සිදුවෙමින් පවතින නවතම උද්ඝෝෂන මාලාවක සලකුණුය.
ඔහු එම සියලුම ප්‍රශ්න මනාව කළමනාකරණය කරමින් සිටින අතර තුර ජනාධිපතිගේ ලඟම හිතවතෙකු සහ බස්නාහිර පළාත් භාර ජේෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතාගේද සමීප හිතවතෙකු බව කියවෙන එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේවර්ධන මහතා ඊයේ (14) පැවති මාධ්‍ය හමුවකදී සදහන් කලේ “ රනිල් වික්‍රමසිංහ මහතා දුටු විට ලෝකයේ රටවල් භය ඇති” බවයි.
පවතින ගැටළු වලට මෙන්ම මැයි 9 වැනිදා මෙන්ම මාර්තු මස 31 වැනිදා ශ්‍රී ලංකාවේ ආරක්ෂක අංශ මෙන්ම මැයි 9 වැනිදා සිද්ධියේ ප්‍රධානතම චුදිතයෙකු වන ජේෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතාට විරුද්ධව නීතිය ක්‍රියාත්මක නොකර “ජාත්‍යන්තර සංවිධානවල අවශ්‍යතාව පරාජය කරන්නට නම්, සියලු දෙනා ශ්‍රී ලාංකිකයන් ලෙස එකට සිට ගත යුතු බව” ඔහු සදහන් කරයි. රට තුල නිසි ලෙස නීතිය ක්‍රියාත්මක වුයේ නම් ජාත්‍යන්තර සංවිධාන ශ්‍රී ලංකාවට බලපෑම් නොකරන බව ඔවුන් තවමත් තේරුම් ගෙන නොමැති බව පැහැදිලිවම පෙනෙන්නේ ඔවුන්ගේ එම ප්‍රකාශයන් වලිනි.
ඔහු එහිදී වැඩි දුරටත් සදහකරන්නේ, “ලෝකය සමග සටන් කළ හැකි නායකයෙකු වාසනාවකට ජනාධිපති ධූරයට පත්ව ඇති බව,” ත් ඉන් ප්‍රයෝජන ගත යුතු බව ත් ය. කෙසේ වෙතත් ලෝකය සමග සටන් කිරීමට පෙර රට තුල නීතිය ක්‍රියාත්මක කිරීම නිසි ලෙස සිදුකලේ නම් වර්තමාන ජනාධිපතිවරයාට “ ගිරයට අසු වූ පුවක් ගෙඩියක් සේ” සිටිමින් මෙතරම් නින්ද අපහාස සහ ගැටළු වලට මුහුණ දීමට සිදු නොවනු ඇත.
එහිදී ඔහු තව දුරටත් සදහන් කලේ විවිධ රටවල් කිහිපයක් සදහන් කරමින් ඔවුන් පුරවැසියන් ලෙස සිට ගන්නා බවයි. ඒ අනුව “ශ්‍රී ලංකාවේ පුරවැසියන්, විශේෂයෙන් ම දේශපාලන කණ්ඩායම්වලට බලපෑම් කළ යුතුයි. ඒ අයට අවශ්‍ය විධියට හැසිරීමට ඉඩ නොදිය යුතුයි. ශ්‍රී ලංකාවේ මහ ජනතාව දිගින් දිගට ම ප්‍රකාශ කරන්න ඕන දේශපාලන පක්ෂ නායකයින්ට එකමුතු වෙලා ජාතික වැඩසටහනකට එකඟ වෙන්න කියලා”, ලෙසයි. එම අදහස නම් ඉතාම වටිනා සහ විය යුතුම දෙයක් වන නමුත් ශ්‍රී ලංකාවේ වැසියන් එසේ ඉල්ලා සිටිමින් සිදුකල අරගලය ක්‍රියාත්මක වුයේ එයටය. එය දිය කර හැර, ඔවුන පාගා දමා කටයුතු කිරීමෙන් ජනතාව එය ඉල්ලන්නේ කෙසේද යන්න ඔවුන් දැක නැත. ජනතාව තවමත් ඉල්ලන්නේ එසේ ඔහු සදහන් කල අකාරයේ වෙනසකි. එසේම ජාතික ප්‍රතිපත්තියකි.
කෙසේ වෙතත් රනිල වික්‍රමසිංහ යනු පාලනයේ දක්ෂයෙක් බව සදහන් කල යුතුය. එම දක්ෂතාවය නිසාම ශ්‍රී ලංකාවේ දූෂිත දේශපාලන අධිකාරිය සිදුකලේ ඔහුට “බෑ” යන වචනය සමාජ ගත කිරීමටයි.
ඔහු තව දුරටත් සදහන් කලේ “ඒ සඳහා අවශ්‍ය කරන නායකත්වයක් දැන් ශ්‍රී ලංකාව තුළ තිබෙනවා. ඒ ජනාධිපති රනිල් වික්‍රමසිංහ මැතිතුමායි. එතුමා දුටුවම ලෝකයේ රටවල් බය ඇති. එතුමා දුටුවම ලෝකයේ රටවල් එතුමා ගැන සැක හිතනවා ඇති. හැබැයි ඒ සැක හිතන්නෙත්, බය තිබෙන්නෙත් දන්නවා එතුමාට රටක් හසුරුවලා ඒ රට ලෝකයේ ඉහළ තැනකට ඔසවා තබන්න පුළුවන් කියලා”. ලෙසයි. සමහර විට ඔහු ප්‍රකාශ කරන මේ “බය” පාලනයේ දක්ෂතාවය නිසා ශ්‍රී ලංකාව ඉහලට ගොඩනගාවි යන විදේශ රාජ්‍යයන්වල තිබෙන බියද වියහැකිය.
ඔහු එහිදී තව දුරටත් කරනු දැක වූ නමුත් ඔවුන්ද දැන් කල යුත්තේ අරගලයට හේතු වූ සියලුම දෙනාට එරෙහිව නීතිය ක්‍රියාත්මක කිරීමයි. නීතිය සමානව ක්‍රියාත්මක කල යුතුය. එසේ නොමැතිව දේශබන්ධුට එක නීතියක් ඔහුට පහරදුන් අයට තවත් නීතියක් සේ කටයුතු නොකළ යුතුය. එක්ෂත් ජාතික පක්ෂයට ඉදිරි මැතිවරණයකදී ජයග්‍රහණය ලබන්නට නම් ජනතාව ඉල්ලන වංචා, දූෂණ සිදුකල අයටද, ජනතාවට නිරපරාදේ පහරදුන් පුද්ගලයන්ටද විරුද්දව ඇතුළුව ජනතාව දුකේ තැබූ සියලුම දෙනාට විරුද්දව නීතිය ක්‍රියාත්මක විය යුතුය. එසේ නොමැතිව ඔවුන් බලාපොරොත්තුවන ඊ ලග මැතිවරණයක් ජයග්‍රහණය කිරීම ඔවුන්ට හීනයක් පමණක් වනු ඇත.
ජනාධිපතිවරයා පත්වන විටම ජනතාව ඔහු ගැන දැඩි බලාපොරොත්තු තබාගෙන සිටියේය. තරුණ පරපුර පවා එසේය. නමුත් ඔහු දිවුරුම් දුන් දිනම සිදු වූ ම්ලේච්ච ක්‍රියාවලිය නිසා එම බලාපොරොත්තුව වෙනුවට ජනතාවගේ හිතේ ඔහු ගැන තිබු ගෞරවය නැති වී ගියේය. නමුත් නිසි ලෙස නීතිය ක්‍රියාත්මක කිරීම තුලින් එය නැවතත් ඇතිකර ගත හැකිය .කල යුත්තේ තව දුරටත් ජනතාව ඉදිරියේ ජනාධිපතිවරයා උපහාසයට ලක්වන දේ ප්‍රකාශ නොකර කල යුතු දේවල් මනාව තේරුම් ගෙන වැඩකරමින් ඔහුගේ නාමය ඔසවා තැබීම පමණි. පාලකයන් විසින් දූෂණය කල සමාජයක පම්පෝරි ගැසීමෙන් සිදුවන්නේ ජනාධිවරයා කරගෙන යන වැඩපිළිවෙල පවා අපකීර්තියට ලක් වීමයි.
