ඊයේ හවස කොලඹ නුගේගොඩ ජුබිලිකනුව ප්‍රදේශයේදී සාමකාමී උද්ඝෝෂණයක නිරතව සිටි ශ්‍රී ලංකික පුරවැසියන් රාත්‍රී වන විට උධ්ඝෝෂණය කරමින්, නුගේගොඩ, පැගිරිවත්ත මංසන්ධියට පැමිණෙමින් , එහි ජනාධිපතිවරයාගේ නිවසට යන මාර්ගය අවහිර කරමින් උද්ඝෝෂණයක නිරතවෙමින් සිටියා. ජනතාව කෑ කෝ ගසමින් උද්ඝෝෂණය කලද කිසිදු ප්‍රචණ්ඩ ක්‍රියාවක ඔවුන් නිරතවන බවක් අනත්රජාල සජීවී වීඩියෝ වලින් දක්නට ලැබුනේ නැහැ.
රාත්‍රී වනවිට එම ප්‍රදේශයේ අවට ජනතාව එක් රොක් වෙමින් උද්ඝෝෂණයට එක් වෙමින් සිටින බවද දක්නට ලැබිණි. ඒ අතර වැඩ රාජකාරී නිමා කරමින් නිවෙස් වෙත යන බවට සිතිය හැකි පුද්ගලයන්ද සිටි බව දක්නට ලැබිණි, මෙහි රැස්ව සිටි ජනතාව ආරක්ෂක අංශ වලින් ඉල්ලා සිටියේ ජනාධිපතිවරයා අත් අඩංගුවට ගණන් ලෙසයි. උද්ඝෝෂණයට පැමිණ සිටින ඔවුන් අහිංසක සිවිල් ජනතාව බවද ජාති ආගම බේදයකින් තොරව පැමිණි පුද්ගලයන් බවද ප්‍රකාශ විය.
රාත්‍රී වන තෙක්ම ජනතාව පැමිණෙමින් සිටියද, එහිදී කිසිදි ආකාරයකින් ප්‍රචණ්ඩත්වයක් ඇප ගවේශනය කල වීඩියෝ වලින් දක්නට නොහැකි විය. එහෙත් වෙනත් අයුරකින් ලබා ගත වීඩියෝ දර්ශන තිබුනේ දැයි අපට දක්නට නොහැකි විය.
ඒ අතර රාත්‍රී 10.10 පමණ වන විට එම ස්ථානයට කදුළු ගෑස් සහ ජාල ප්‍රහාරක පොලිස් රත පැමිණ තිබෙන බව ඇප වෙත ලැබුණු ජයාරූපවලින් දක්නට හැකි විය. ඒ වන විටත් උද්ඝෝෂකයන් විවිධ සටන් පාඨ කියමින් උද්ඝෝෂණයේ නිරත වුවා හැර කිසිදු අයුරකින් ප්‍රචණ්ඩ ක්‍රියාවක නිරත වන බවක් දක්නට නොලැබිණි.
රාත්‍රී 10.30 පමණ විට වාර්තා වුයේ එහි රැස්ව සිටි ජනතාවට පොලිසිය කදුළු ගෑස් ප්‍රාහාර එල්ල කල බවයි.
ඉන් පසු එහි සිටි රැස්ව සිටි ජනතාව කුපිත වෙමින් ආරක්ෂක අංශ වලට පහර දීමාට පටන් ගත් බව පැහැදිලිවම් දක්නට හැකි විය. එම ප්‍රහාරය සල වීමත් සමගම අවට ප්‍රදේශ වලින් තව තවත් ජනතාව එම ස්ථානය වෙත පැමිණෙමින් තිබෙන බවද වාර්තා විය. රාත්‍රී 11.30 පමණ වන විට අසල තිබු බස් රථයකට යම් පුද්ගලයෙකු ගිනි තබන බවාද දැක ගත හැකි විය. රාත්‍රී ඇප වෙත ලැබුණු දර්ශන වලට අනුව අවට සිටි ජනතාව විරෝධතාවේ යෙදී සිටි අතාර් ඔවුන් එසේ විරෝධතාවේ දී සිටියදී යම් පුද්ගලයන් දෙදෙනෙකු පිටිපසින් ගිනි තබන බවද දක්නට හැකි විය.
ඒ අතර තුර පොලිස් මාර්ග බාධක වැඩි කරමින් තිබු අතර එම ප්‍රදේශය ගල් මුල් වලින් පිරී තිබුණි.
රාත්‍රී 11.30 පමණ කොලඹ – නුවර මාර්ගයද වසා දමමින් කැලණිය දළුගම ප්‍රදේශයේ ජනතාව ද විරෝධතාවක යෙදෙන බවද වාර්තා විය.
රාත්‍රී 12.00 පමාන් වන තෙක්ම ජනතාව විරෝධතාවයේ දී සිටි අතර ඒ අතාර වාර්තා වුයේ විරෝධතාවයේ සිටි පුද්ගලයෙකු බරපතල ලෙස තුවාල සිදුව තිබෙන බවයි. මධ්‍යම රාත්‍රී 12.35 පමණ වන විට වාර්තා වුයේ තවත් පුද්ගලයන් තිදෙනෙක් රෝහල් ගත කල බවයි. ඒ වනවිටත් ස්ථාන කිහිපයක ජනතාව පාරවල් වස දමා විරෝධතා කල බවද වාර්තා විය .
මධ්‍යම රාත්‍රී 12.40 පමණ වන විට කොළඹ උතුර, කොළඹ දකුණ, මධ්‍යම කොළඹ සහ නුගේගොඩ පොලිස් බල ප්‍රදේශ වලට පොලිස් අදිරි නීතිය පැනවීමට පොලීසිය කටයුතු කරන ලදී. ඒ අතරම අදාල පොලිස් බල ප්‍රදේශ වල ජනතාව මිරිහාන ප්‍රදේශය වෙත පැමිණෙමින් සිටින බවාඩ් වාර්තා විය. ඒ එහි සිටි ජනාතාවට පොලිසිය පහර දීම නිසා කුපිත වූ ජනතාවයි. අද (01) අලුයම 01.05 පමණ වන විට කැලණිය සහ ගල්කිස්ස ප්‍රදේශවලටද පොලිස් ඇදිරිනීතිය පැවරීමට පොලිසිය කටයුතු කරන ලදී.
ඒ වන විටත් පැය ගනනාවක්ම පොලිස් ප්‍රහාර මධ්‍යයේ වුවත් ජනතාව සටන් පාඨ කියමින් විරෝධතා වල යෙදුනු අතර ආරක්ෂක අංශ සමග තරහ නැති බව කියන්නටද ඔවුන් අමතක කලේ නැත. ඔවුන් ඉල්ලා සිටියේ තුවක්කු අනිත් පසට හරවන ලෙසයි. ආරක්ෂක අංශ වලට ඔවුන් සමග එක් වන ලෙසද ඔවුන් ඉල්ලමින් විරෝද්තාවයේ යෙදිනි.
ඒ අතර අද උදැසන 05.00 වන විට පොලිස් ඇදිරිනීතිය ඉවත් කල අතර වරින් වර පුද්ගල අත් අඩන්ගුවට ගැනීම් වාර්තා වූ අතර මේ වන විට විරෝද්තාවයට සහභාගී වූ පුද්ගලයන් 54 දෙනෙකු පොලිස් අත් අඩංගුවට ගෙන තිබේ.
අද උදෑසන ජනාධිපති මාධ්‍ය අංශය නිවේදනයක් නිකුත් කරමින් කියා සිටියේ මෙම සිද්ධිය ට අදාළ පිරිස් අතාර සංවිධානාත්ම අන්තවාදී කල්ලියක් සිටින බවද අත් අඩංගුවට ගත පිරිසෙන් බොහෝ දෙනෙකු එවැනි අය බව ද එම නිවේදනයේ දැක්වේ.
ඒ අතාර අද උදෑසන මානව හිමිකම් කොමිෂම කියා සිටියේ “ ආණ්ඩුවට එරෙහි විරෝධතාකරුවන් ත්‍රස්තවාදීන් නොවන බවයි”. එම අත් අඩංගුවට ගෙන ඇති පුද්ගලයන්ට පහරදීම් දීම් සිදුව තිබේද යන්නද, ඔවුන් පැමිණ පරීක්ෂා කරන බවද සදහන් කර තිබේ.
මෙසේ අත් අඩංගුව ගෙන තිබෙන පුද්ගලයන්ට පහර දී කකුල් අත පය කඩා දමා තිබෙන බවද, ඔවුන්ට එසේ පහර දී තිබෙන්නේ පොලිස් විශේෂ කාර්ය බලකායෙන් බවද අත් අඩංගුවේ පසුවන පුද්ගලයන් ප්‍රකාශ කරන අතර ඒ අතර ප්‍රාදේශීය මාධ්‍යවේදී සුමේද සංජීව මහතාද සිටි. අද උදෑසන අපට ලැබුණු එම වීඩියෝ එකට අනුව ඔවුන්ට පහර දී තිබෙන්නේ විශේෂ කාර්ය බලකායයි.
මේ අතර නීතිඥ වරුන් විශාල ප්‍රමාණයක් ගාස්තු රහිතව ජනතාව වෙනුවෙන් පෙනී සිටීමට තීරණය කරමින් අද මිරිහාන පොලිසිය වෙත පැමිණ සිටියා. ඔවුන් ප්රාකාශ කරන්නේ එම උද්ඝෝෂකයන්ට පොලිසිය පහර දී තිබෙන බව දක්නට තිබෙන බවයි. එම සියලු උද්ඝෝෂකයන් මේ වන විට වෛද්‍ය පරීක්ෂණය සදහා ඉදිරිපත් කර තිබේ.
අද මේ මොහොත වන විට මොරටුව, ගාල්ල ආදී ප්‍රදේශ වලද විවිධ උද්ඝෝෂන පැවැත්වෙමින් තිබෙන බවටද වාර්තා වී තිබේ.
ඊයේ සිදුවීම පිලිබදව විවිධ දේශපාලන නියෝජිතයන් විවිධ අදහස් පල කර තිබේ. ඒ අතර අමාත්‍ය ශෂේන්ද්‍ර රාජපක්ෂ මහතා පැමිණීමට නියමිතව තිබු රස්වීමකද කළු කොඩි දමා තිබෙන බවද වාර්තා වේ.
රාවණා සටහන
මෙම සිද්දියේදී අප විඩියෝ මගින් දුටුවේ මෙම විරෝධතාකරුවන් කිසිදු ප්‍රචණ්ඩකාරී ක්‍රියාවක නිරත නොවන බවයි. ඔවුන් ප්‍රචණ්ඩ වන්නේ පොලිස් ප්‍රහාරයෙන් පසුවයි. නමුත් වෙනත් කෝන වලින් ලබා ගත් දර්ශන තිබේ නම් ඒවා මාධ්‍යයට නිකුත් කර යම් සහනයක් ලබා ගැනීමට පොලිසියට හැකියාව පවතී. ජනතා උද්ඝෝශණය සාධාරනද?. සැබවින්ම ජනතාව ප්‍රකෝප කලේ කවුද?. ජනතාව ප්‍රකෝප කල පොලිස් නිලධාරීන්ට මෙන්ම ඔවුන්ට පහර දුන් විශේෂ කාර්ය බලකායට නීතියක් ක්‍රියාත්මක කල හැකිද?. ජනතාව පීඩාවට පත් කරමින් ඔවුන් පාරට ඇද දැමුවේ කවුද?. ඔවුන්ට ලැබිය යුත්තේ කුමන ආකාරයේ දඩුවම්ද? අපගේ නීතිමය විග්‍රහය විද්‍යාත්මකව බලාපොරොත්තුවන්න.
