රත්නපුර, බළංගොඩ, වැලිගෙපොල අධ්‍යාපන බල ප්‍රදේශයට අයත් අම්බැවිල ප්‍රාථමික විද්‍යාලයේ විදුහල්පති විසින් කුඩා දරුවන් අපයෝජනය කරනු ලැබූ බවට පියෙකුගේ ලිපියක් සහිතව වාර්තාවක් අප වාර්තා කළේය.එම වාර්තාවට අනුව පොලිස් ළමා හා කාන්තා කොට්ඨාසය බාර නියෝජ්‍ය පොලිස්පති රේණුකා ජයසුන්දර මහත්මියගේ නියෝගයෙන් මුලික විමර්ශන ආරම්භ කිරීම සඳහා පොලිස් නිලධාරීන් සහ නිලධාරිනියන් හතර දෙනෙකු මෙම පාසල වෙත පැමිණෙන ලදී.
එහිදී මෙම විදුහල්පතිවරයාට ලැබුණු උපදෙස් මත අප ආයතනයේ හිමිකරු වෙත දුරකතනයෙන් කතාකර සහතික ප්‍රශ්නය වරදක් බවත්, එය වහාම නිවැරදි කිරීමට කටයුතු කරනා බවටත් දන්වා තිබේ. ඒ අනුව එය නිවැරදි කිරීම ඔක්තෝම්බර් 2 සිදුකරනා බවත්, ඒ වෙනුවෙන් ආයතනයේ කවුරුන් හෝ මාධ්‍යවේදියෙක් සහභාගිකරවන ලෙසත් ඉල්ලා තිබුණි. ඒ අනුව අප ආයතනයේ හිමිකරු සහ තවත් මාධ්‍යවේදින් දෙදෙනෙකු එදින උදෑසනම මෙම පාසල වෙත ගොස් එදින තිබූ සම්පුර්ණ වැඩසටහනම පටිගත කර එය ලිවීමට අප වෙත යොමුකර තිබේ.
එම වීඩියෝ අධ්‍යයනය කිරීමේදී විදුහල්පතිගේ සහ අනෙකුත් ගුරුවරුන්ගේ කතාවලදී පැහැදිලිවන්නේ එදිනද සිදුකර තිබෙන්නේ බොරුවක් බවයි. එහිදී දරුවන් ආමන්ත්‍රණය කරන ඔවුන් ප්‍රකාශ කරන්නේ මෙම සහතික බෙදා දීම අදද සිදුකරනුයේ සංකේතාත්මකව බවයි. තව දුරටත් සහතික ලබා දීමට තිබෙන බවත්, ඒවා පසුව ලබා දෙන බවත් ඔවුන් ප්‍රකාශ කරයි. එසේ කිහිප දෙනෙකුට පමණක් නැවතත් මෙසේ සහතික ලබා දීම නිසා එම රැස්වීමේ සිටි අනෙකුත් සහතික ලැබීමට සියලුම දරුවන් නැවතත් කායිකව මෙන්ම මානසිකවද අපයෝජනය කිරීම සිදුකරයි.
ඒ අනුව විදුහල්පතිට එරෙහිව සිදුකරනා විමර්ශනයෙන් බේරීම උදෙසා, මෙම විදුහල්පතිවරයා මෙම කටයුත්ත නිවැරදිකළ බවට අප හරහා පුවතක් පලකරගැනීමේ පරමාර්ථයෙන් සිදුකළ බව පැහැදිලිය. නමුත් එය සම්පුර්ණ කිරීමට පමණක් නොව අපගේ වාර්තාවට මුල් වූ දරුවාට පවා ලැබී යුතු සියලුම සහතික ලැබී නැත. මාස ගණනාවක් ගතවීත් එය සම්පුර්ණ කරගැනීමට විදුහල්පති ඇතුළු ආචාර්ය මණ්ඩලය අසමත් වීමෙන්ම පෙනී යන්නේ දරුවන් වෙනුවෙන් නිසි අධ්‍යාපනයක් ලබා දීමට අවශ්‍ය දැනුම් ඔවුන් සතුව නැති බවයි. කෙසේ නමුත් මෙවැනි වැඩසටහන් ගණනාවක් දරුවන් වෙනුවෙන් මෙම පාසලේ පවත්වා තිබේ. ඒවා අතර දරුවන්ට ආහාර වේලක්, දෙමාපිය වන්දනාවක් ආදී කටයුතු ගණනාවක් පවත්වා තිබේ. ඒවා සියල්ලම හොදය. දරුවන්ට තාවකාලිකව ලබා දෙන විනෝදය වුවත් වටිනා පාඩමක් වන නමුත් මානසිකව පිඩා විදින ප්‍රශ්න විසදීමට නොහැකිවීමෙන් ඔවුන් නැවත නැවතත් පෙන්වා දෙන්නේ ඔවුන් අසරණයන්ගේ කරමතින් ක්‍රීඩාවක් සිදුකරනා බවයි.
එසේම දෙමාපියන් කිහිපදෙනෙකුගෙන් ලබාගෙන තිබෙන පටිගත කිරීම්වලදී පැහැදිලිවන්නේ දරුවන්ගේ සහතික ලබා දීම සඳහා මෙන්ම තරග වලටද මුදල් එකතු කර තිබෙන බවත් , ගුරුවරුන්ගේ සහ විදුහල්පතිගේ හිතවතුන් වෙනුවෙන් පමණක් සහතික ලබා දි තිබෙන බවත්ය. එසේම සහතික ලබා දිය යුතු දරුවන්ගේ නම් ලැයිස්තුව විදුහල්පති ඇතුළු වගකිව යුතු ගුරුවරුන් විසින් අස්ථානගත කර තිබෙන බවද ප්‍රකාශ කරයි. කෙසේ නමුත් අපගේ මෙම ලියවිල්ල මෙම පාසලේ සියලුම ගුරුවරුන්ට චෝදනාවක් ලෙස ඉදිරිපත් නොකරන අතර පාසලේ මෙම සහතික ප්‍රශ්නයට වගකිව යුතු ගුරුවරුන්ටත්, නිසිලෙස උගන්වන්නේ නැති ගුරුවරුනටත් පමණක් අදාල වේ.
එසේම මෙම පාසල තුල සේවය කරනා විදුහල්පති මෙන්ම සමහර ගුරුවරුන්ද ප්‍රාථමික ශ්‍රේණිවල දරුවන්ට ඉගෙනීමට අවශ්‍ය දැනුම නොමැති බවද ඔවුන්ගේ වචන භාවිතය තුලදී පෙන්නුමි කරයි. මෙම ප්‍රදේශයේ යමක් කර ගත හැකි දෙමාපියන් තමන්ගේ දරුවන් නගරයේ පාසල්වලට ඇතුලත් කර තිබේ. ප්‍රදේශයේ ඇති බහුතරයක් දෙමාපියන්ට නොතේරුණත්, දරුවන්ගේ අධ්‍යාපනයට තිබූ සුවිශේෂතම පාසලේ බිඳවැටීම සිදුව තිබේ. නමුත් ගමෙන් එළිය නොදකින අසරණ, අහිංසක දෙමාපියන්ට එය නොතේරීම අරුමයක් නොවන බව පැහැදිලිවම දර්ශනය වේ. නමුත් දෙමාපියන් විශාල ප්‍රමාණයක් පාසලේ විදුහල්පතිට සහ ගුරුවරු කිහිපදෙනෙකුට දෝෂාරෝපණ කරනුයේ දැනුමක් නොමැති පරිපාලනය නිසා සහ කඩදාසියට පමණක් සීමා වූ දැනුමෙන් දරුවනට අවශ්‍ය දැනුම නොලැබෙන බැවිනි. තවද අවුරුදු ගණනාවක් එකම පාසල තුල සිටිනා ගුරුවන්ගෙන්ද පාසලට නිසි සේවයක් නොලැබේ.
මෙම ප්‍රාථමික අංශය මින් පෙර ක්‍රියාත්මකව තිබෙන්නේ ප්‍රධාන පාසල වන වජිරවංශ මහා විද්‍යාලය සමග වුවත්, එම පාසලේ සිටි ආරියසෝම නැමැති ගුරුවරයෙකු සහ නූගත් දෙමාපියන් කිහිපදෙනකු තවත් දුෂිත දේශපාලන නායකයෙකු සමග එක්ව, එවකට බළංගොඩ කලාප අධ්‍යාපන අධ්‍යක්ෂක සහ සබරගමුව පළාත් අධ්‍යාපන ලේඛම්වරයාගේද උපකාර මත ප්‍රාථමිකය වෙන්කරගෙන තිබේ.
කෙසේ වෙතත් මෙම පාසලේ කුඩා දරුවන්ගේ අධ්‍යාපනය ගැන මීට වඩා සිතිය යුතු අතර කායික, මානසික වශයෙන් දරුවන්ට මේ වනවිටත් සිදුව තිබෙන අපයෝජන ගැන පරීක්ෂණයක් පැවැත්වීම වර්තමාන පළාත් අධ්‍යාපන බලධාරීන්ගේ වගකීම වේ. එසේම මෙම පාසල නිසි ලෙස ගොඩ නැගුවේ නැතහොත් මෙම දරුවන් සියලුම දෙනාම දූෂිත පරපුරක් ලෙස ගොඩනැගෙන අතර , එයට වගකිව යුත්තේ වර්තමාන විදුහල්පතිවරයා වන අතර, පාසල නිසි මග රැගෙන යාමේ වගකීම දැන්වත් සබරගමුව පළාත් අධ්‍යාපන අමාත්‍යංශය ගත යුතුව තිබේ.
ඒ අනුව මෙහි පහත සඳහන් පුවතට අදාලව අපයෝජනය සිදුව තිබෙන්නේ මෙම සිද්ධිය සමාජගතකල පියාගේ දියණියට පමණක් නොව තවත් කුඩා දූ, දරුවන් විශාල ප්‍රමාණයකටය. අවුරුදු කිහිපයක් තිස්සේ මෙම සිදුවීම් සිදුව තිබෙන අතර දෙමාපියන්ට අනුව විදුහල්පතිවරයාට මූල්‍ය අක්‍රමිකතා පිළිබඳව ද චෝදනා එල්ල වේ. එසේම ඔහු පාසල තුල බිමත්ව සිටින බවටද ඊයේ සිදුකළ සංචාරයේදී දෙමව්පියන් විසින් චෝදනා එල්ලකරන පටිගත කිරීම් අප වෙත ලැබී තිබේ.
අපට වටින්නේ වැඩිහිටියන් නොවේ. දරුවන්ය. දරුවන් යහමග රැගෙන නොයන්නේ නම් ඒවාට එරෙහි විය යුතුය. හෙට රට බාරගනුයේ ඔවුන්ය. ළමා අපයෝජනය යනු ළමයෙකුගේ කායික හා මානසික තත්ත්වයට පිටස්තරව, ඔහු ගේ හෝ ඇයගේ යහපතට, හා මනා කල්ක්‍රියාවට එරෙහිව සිදු කරන කුමන හෝ අයහපත් ක්‍රියාවකි. ළමයින්ට එරෙහිව සිදුකරනු ලබන විවිධ ආකාරයේ අපරාධ වැරදි නොසළකා හැරීම් හා ඔවුන්ගේ අයිතිවාසිකම් උල්ලංඝණය වන කවර හෝ ආකාරයේ ක‍්‍රියාවක් ළමා අපයෝජන වේ. දෝෂරෝපණ, බැනවැදීම්, පහරදීම්, විවිධ අසභ්‍ය වචන භාවිතා කිරීම ආදී කිසිවක් කිරීමට දරුවන්ගේ දෙමාපියන්ටවත් නීතියෙන් අයිතියක් නැත.
ඒ අනුව මෙම විද්‍යාලයේ විදුහල්පති, වගකිව යුතු ආචාර්ය මණ්ඩලයේ ගුරුභවතුන් දෙවෙනි වරටත් එම අපචාරි කටයුත්ත සිදුකර තිබේ. එසේම නූගත් දෙමව්පියන් කිහිප දෙනෙකුද මෙම සිද්ධීන් මෙසේ සිදු කිරීමට ආධාර අනුබල දෙන බටද තොරතුරු ලැබී තිබේ. ගුරුවරුන් වැටුප් ලබන්නේ මහජනතාවගෙනි. ජනතාව වෙනුවෙන් නිසි සේවය ලබා දි වැටුප් ලැබෙන රාජකාරිය කිරීමට නොහැකි නම්, අනාගත පරපුර වෛරයෙන් ක්‍රෝධයෙන් පුරවන්නේ නම්, එය නැවත නැවතත් සාමුහිකව සිදුකරන්නේ නම් වග කිව යුතු පුද්ගලයන් සොයා ඔවුන් අධිකරණයට යොමුකර නඩු පැවරීම පොලීසියේ රාජකාරිය වන අතර වංචා, දුෂණ, අයහපත් පරිපාලනයට එරෙහිව කටයුතු කර විනයානුකූලව කටයුතු කිරීම සබරගමුව පළාත් අධ්‍යාපන බලධාරීන්ගේ වගකීම වේ. සියල්ලම සොයා සත්‍ය පමණක් ජනගත කර රාජ්‍ය පරිපාලනය පහසුකිරීම වෙනුවෙන් වාර්තා පළකිරීම අපගේ වගකීම වේ. අප අපගේ වගකීම ඉටුකර තිබේ. අහිංසක දරුවන් වෙනුවෙන් ශ්‍රී ලංකා පොලීසියද තම යුතුකම ඉටුකරමින් සිටි. තවමත් නිහඩ සබරගමුව පළාත් අධ්‍යාපන බලධාරීන් තමන්ගේ කටයුත්ත හැකි විගස කල යුතුය. එතෙක් රාවණා ලංකා ගවේෂකයෝ අවධියෙන් බැව් අවධාරණය කරන්නෙමු.
(මෙම පාසල දරුවන්ට විවිධ අයුරින් සලකන බවට චෝදනා රාශියක් තිබෙන බැවින් ඔබේ දරුවාට යම් අසාධාරණයක් සිදුව තිබේ නම් නිර්නාමිකව අප වෙත දන්වන්න. ඔබේ අනන්‍යතාවය අප ආරක්ෂා කරන්නෙමු)
