බොහෝවිට පුවත් පත් මෙන්ම අනෙකුත් වර්තාවල්ද ප්රධාන පුවත් ලෙස ගැනෙන්නේ වැරදි ක්රියාවන් පමණි. රටට හෝ ජනතාවට අහිතකර තීන්දු තීරණ ගැනිමේදි ඒවා ප්රධාන වාර්තා ලෙසද වාර්තා වුවත්, ඒවායෙහි අනිසි පලවිපාක පිළිබදව වාර්තා අප දකින්නේ ඉතාම කලාතුරකිනි.
රටක්, හෝ මිනිසෙක් ගොඩනැගෙන්න නම් ණය බරින් නිදහස් විය යුතුමය. ණය හදුන්වා දෙන්නේ සහ ඒවා ගන්නේ ඉලක්කයක් නැති රටක පාලකයන් මෙන්ම, එහි ආදීනව නොදුටු රටේ වැසියන්ය. ණය ලබාදීම යනු තාවකාලිව ලබන චුන් එකක් බව වැටහෙන්නේ එය බුද්ධියෙන් විමසා බලු විටය . එසේම ණය ලබා දීමෙන් සිදුවන්නේ විවිධ ණයදෙන ආයතන පමණක් පොහොසතුන් වීමයි .
කෙසේ වෙතත් ණය ගැනීමෙන් ලබන තාවකාලික ජයග්රහණයන් වලින් වැඩි ප්රමාණයක් මිනිසුන්ගේ ජිවත හිරකර තබන අතර එයින් තිරසාර නොවන ක්රෙඩිට් කාඩ් හෝ උකස් ණය ගොඩගසන කුටුම්භ මෙන්, අධික ලෙස වියදම් කරන රජයන්ට ණය ප්රතිව්යුහගත කිරීමක් අවශ්ය වේ. නමුත් අමනෝඥ ජනයා පොරබදිමින් ඉදිරියේදීත් ණය ලබා ගනු ඇත.
ශ්රී ලංකාවෙත්, ලංකාවේ මිනිසුන්ගේත් තත්වය අප මේ වන විට හදුනාගෙන තිබේ. මේ van අවිටත් රටේ ජනතාවගේ තත්වය බරපතලය. අහන අහන මිනිසුන් රටේ කුමන හි ණය මුදලක් ලබාගෙනය. කෙසේ වෙතත් මේ වන විට ඔවුන්ගේ ප්රතිපලය ස්වාධීනව භුක්ති විඳිති. තම ණය ගෙවීමට නොහැකි පුද්ගලයින්ට නඩු පවරනු ලබන අතර, එහි ප්රතිඵලයක් ලෙස ලැබෙන තීන්දුව තෘප්තිමත් කිරීම සඳහා වත්කම් අත්හැරීමට බල කෙරේ. නැතහොත් කෙසේ හෝ ගෙවීමට සිදු වේ. බංකොලොත් ස්වෛරී ණය ගැතියන්ට එරෙහිව එවැනි හිමිකම් ක්රියාත්මක කිරීමට ජාත්යන්තර ණය අධිකරණයක්වත් නොමැත.
ඒ අයුරින් රට විදේශ රාජ්යයන් වලින් නැගෙන තිබෙන අතර රටේ මිනිසුන් රටේ ආයතනවලට මෙන්ම මිනිසුන්ට ණය වී තිබේ. ජාතික ණය අඩු කිරීම සඳහා ඕනෑම ණයක් අඩු කිරීමට සමාන උපාය මාර්ග අවශ්ය වේ. ප්රාග්ධන ගලා ඒම වැඩි කිරීම සහ වියදම් කපා හැරීම සිදුකළ යුතු වුවත්, මෙරට උත්තර මන්ත්රී මණ්ඩලයට හෝ කැබිනට් මණ්ඩලයට හෝ එවැනි දැක්මක් නැති බවත්, රට ගොඩනැගීමට ඔවුන්ට අවශ්ය නැතිබවත් පෙන්වමින් තව දුරටත් ණය ලබා දීම සඳහා අවශ්ය අනුමැතිය කැබිනට් මණ්ඩලය විසින් ලබා දී තිබේ.
නමුත් කැබිනට් මණ්ඩලය ප්රමුක රජය කල යුත්තේ ජනතාව ණය බරින් මුදවා සතුටින් ජිවත්විය හැකි රාජ්යයක් නිර්මාණය කිරීමයි. ඒ වෙනුවෙන් දැක්මක් නැති පාර්ලිමේන්තුවේ සිටින මහජන නියෝජිතයන් පත්කර යවන්නේ රටේ මිනිසුන්මය. එබැවින් ඉදිරි මැතිවරණයත් රටට දෙවියන්ගේ පිහිටවත් නැති මැතිවරණයක් බවට පත්වන ලකුණු පෙන්නුම් කරමින් තිබෙන්නේ, ණය ටිකක් ලබා දි, ඉන් තාවකාලිකව සුඛිත, මුඛිත වන ජනතාව ඉදිරි මැතිවරණ සමය සතුටින් ගෙවමින් අමනෝඥ ලෙස තම මනාපය පලකිරීමට හැකි ඔලු සෝදනයකට ලක් කිරීමයි.
කෙසේ නමුත් රනිල් වික්රමසිංහ මහතා හෝ පොහොට්ටුව නැවත බලයට පත් වීමට නම් ජනතාවට මෙවැනි සහන දි පලක් නැත. අස්වැසුම වැනි දේ දීමෙන්ද තමන්ට බලයට පැමිණීමට නොහැක. ණය ලබා දි තව දුරටත් ජනතාව මුලා නොකර, භාණ්ඩ මිල අඩුකර, බදු බරින් නිදහස් කරන්නේ නම් සහ හෝ ණයබරින් ජනතාව මුදා ගන්නේ නම් හෝ එම පක්ෂ වලට බලයට පත්වීමට හැකියාව තිබේ.
