පවතින ගැටලුවලට පිළියම් ලබා නොදෙමින් දිගින් දිගටම ජනතාව පීඩාවට පත් කිරීම නිසා මේ වන විට නැවත ජනතා පිබිදීමක් සිදුවෙමින් පවතී. පාර්ලිමේන්තුව තුල කුලල් කා ගැනීම, නායකයන් ලෙස ජනතාවගේ ප්රශ්න දෙස නොබැලීම, ව්යාපාරිකයන්ට අවශ්ය ලෙස දිගින් දිගටම ජනතාව පීඩා කිරීම, අහාර නොමැතිවීම, ණය ගෙවා ගැනීමට නොහැකි වීම, ණයකරුවන් දිගින් දිගටම පීඩා කිරීම ආදී විවිධ පුද්ගලයන්ට තිබෙන විවිද ප්රශ්නවලට පිළිතුරු දීමට ජනාධිපති හෝ පාර්ලිමේන්තුව මේ වන තෙක්ම සමත් වී නැත.
පාර්ලිමේන්තුවේ පොදුජන පෙරමුණට අයත් මන්ත්රීවරුන්ගෙන් බහුතරයක් ප්රශ්නවලට පිළිතුරු ලබා දීම වෙනුවට තමන්ගේ බලය රැක ගැනීම වෙනුවෙන් සහ ඔවුන්ගේ වංචා දූෂණ හෙළිවීම වැලැක්වීම සදහා නව ආණ්ඩුක්රම ව්යවස්ථාව ගෙන ඒමට විරුද්ධ බවද ජනතාව ප්රකාශ කරයි.
එසේම මේ වන විටත් කොළඹ නාගරික දුප්පත් ජනතාව දැඩි අහාර හිඟයකට මුහුණදෙමින් සිටි. මේ සියලුම දෙනා එකතුව රජයෙන් වැටුප් නොලබන, රාජ්ය සේවකයන් නොවන ගොවි කම්කරු ජනතාව ප්රමුඛ තරුණ තරුණියන් එක්ව ලක්ෂ ගණනාවක් කොළඹ වෙත පැමිණීම සදහා සංවිධානය වෙමින් සිටි.
පාර්ලිමේන්තු මන්ත්රීවරුන්ගේ මහජන සෙල්ලම තුලින් කුමන හෝ අවස්තාවක ශ්රී ලංකා පාර්ලිමේන්තුව සහ ජනාධිපති මන්ධිරය දැවැන්ත ජනතාවක් විසින් ආක්රමණය කිරීම සිදු විය හැකිය. ආරක්ෂක හමුදාවන්ට සහ පොලිසියට කිසිවක් සිදුකිරීමට නොහැකි තත්වයක් උදා වීමට නියමිතව තිබෙන බව අපගේ සමාජ විමර්ශණ කණ්ඩායම් පෙන්වා දෙයි.
ඊලගට සිදුවිය හැකි දැවැන්ත විනාශය කෙතරම් දරුණු විය හැකිද යත් රාජ්ය සේවකයන්ගේ, ආරක්ෂක අංශ නිලධාරීන්ගේ නිවාස සහ දේපල වලට පවා හානි සිදුවිය හැකි අතර, විවිධ කණ්ඩායම් ආයුධ පවා අතට ගැනීමට ඉඩ තිබේ. රජය විසින් කුමන උපක්රම යෙදුවත් එම කිසිවක් රජයේ බලධාරීන්ගේ වාසියට ක්රියාත්මක නොවිය හැකිය. ජනතාව පාලක පන්තියට වඩා උපක්රමශීලි බැව් මෙතෙක් සිදු වූ සියලුම සිදුවීම් වලින් පැහැදිලි විය.
එබැවින් විමර්ශනාත්මක පුවත් වෙනුවෙන් වැඩි අවධානයක් යොමු කරන අප පිළිගත් මාධ්ය ආයතනයක් ලෙස මෙන්ම වගකිව යුතු මාධ්ය ආයතනයක් ලෙස මෙන්ම මෙම ලිපිය ලියන ලියුම්කරු පුරවැසියෙක් ලෙසද රටේ පාලක පන්තිය දෙස දැඩි කණගාටුවක් ඇති වේ. මීට පෙර සිදු වූ සියලුම සිදුවීම් සිදුවීමට පෙර අපගේ කණ්ඩායම් ඒවා අනාවරණය කරගෙන වේලාසනම වාර්තා කර තිබේ. නමුත් ජනාධිපතිවරයා, ආරක්ෂක ලේඛම්වරයා හෝ අනෙකුත් ආරකෂක අංශ ඒවා වලක්වා ගැනීමට කටයුතු කලේ නැත. ගාලු මුවදොරට ප්රහාරය එල්ල කිරීමට පැය දෙකකට පෙර අප එය වාර්තා කලේ, එම ස්ථානයේ ගැටුමක් ඇති වුවහොත් දැවැන්ත අපරාධ සිදුවීමට ඉඩ ඇති බව සදහන් කර තිබේ.
එබැවින් අප නැවතත් මතු සිදුවීමට නියමිතව ඇති සහ වියහැකි බවට සාක්ෂි සහිතව අපට විශ්වාස කල හැකි තොරතුරු මත නැවතත් ඉහත කරුණු අනාවරණය කරන්නේ මෙරට මිනිසුන් තව දුරටත් අපාරධකරුවන් වීම වලක්වා ගැනීමේ අදහසිනි. නමුත් රාජ්ය පාලකයන්ට එය වැඩක් නොමැති නම් සහශ්රයේ සිදු නොවූ දැවැන්ත ප්රතික්රියා ගනනාවකට මුහුණ දීමට පාලක පන්තියට සිදුවිය හැකි අතර ඔවුන්ගේ ජීවිතද අනතුරේ බව ඔවුන්ටද නොදැනෙන්නේ නම් , එය ඔවුන්ගේ මෙන්ම අප සියලුම දෙනාගේම අභාග්ය බව කණගාටුවෙන් සදහන් කරමි.
