ශ්රී ලංකා ආණ්ඩුක්රම ව්යවස්ථාවට පටහැනි බව ශේෂ්ඨාධිකරණය තීරණය කර තිබු පනතක් හිටපු අධිකරණ අමාත්යවරයා වන අලි සබ්රි මහතාගේ ගෝලයන් විසින් විජේදාස රාජපක්ෂ මහතාටත් හොර රහසේ, පවතින අර්බුධ අස්සේම සම්මත කිරීම සදහා පාර්ලිමේන්තුවට ඉදිරිපත් කර තිබෙන බව වාර්තා වේ.
“මානව හිමිකමි සංවිධාන පනත” ලෙස හදුන්වා තිබෙන එම පනත පසුගියදා ශ්රේෂ්ඨාධිකරණයේදී අභියෝගයට ලක්ව තිබේ. ගරු ශේෂ්ඨාධිකරණය තීරණය කර තිබුණේ එම පනත මගින් ආණ්ඩුක්රම ව්යවස්ථාවේ වගන්ති කිහිපයක් උල්ලංඝනය වන බැවින් එය ආණ්ඩුක්රම ව්යවස්ථාවට අනනූකූල බවයි. හිටපු පාර්ලිමේන්තු මන්ත්රී තිස්ස අත්තනායක මහතා විසින් පෞද්ගලික මන්ත්රී යෝජනාවක් ලෙස ඉදිරිපත්ව කර තිබී ශේෂ්ඨාධිකරණය තීරණයට පටහැනිව යමින් අලි සබ්රි මහතා විසින් නැවත මෙය ඉදිරිපත් කර තිබෙන බව වාර්තා වන අතර වර්තාමන අධිකරණ ඇමති විජේදාස රාජපක්ෂ මහතා මේ පිලිබදව කිසිවක් නොදන්නා බව ද වාර්තා වේ. ඔහුත් මෙය නොදන්නේ නම් පාර්ලිමේන්තු න්යාය පුස්තකයට මෙය ඇතුලත් කර තිබෙන්නේ කවුද?. පසුගිය 16 වැනිදා පාර්ලිමේන්තු න්යාය පුස්තකයට මෙය ඇතුලත් කර තිබේ. එදින තිබී ඇත්තේ දෙවැනි වර කියවීමයි.
මෙම පනත පාර්ලිමේන්තුවට ඉදිරිපත්කරනුයේ ශේෂ්ඨාධිකරණ මතයට පටහැනිව බවද වාර්තා වේ. කෙසේ නමුත් ශේෂ්ඨාධිකරණ මතයට පයින් ගසමින් , ආණ්ඩුක්රම ව්යවස්ථාවට පටහැනිව පනතක් සම්මත කරන්නේ නම්, එසේ බලය ලැබෙන බලාධිකාරිය කරන්නේ කුමක්ද යන්න විශේෂයෙන් සොයා බැලිය යුතුය. ශේෂ්ඨාධිකරණය තීරණය පහත දිගුව ඔස්සේ බලන්න.
https://drive.google.com/file/d/1VZjKSSA5GxoY47c1l1uO8Xy0Tt_qeN0T/view?usp=sharing
මෙම පනත සම්බන්ධයෙන් ලංකා ලීඩ් වෙබ් අඩවිය වෙත ජේෂ්ඨ නීතිඥ කල්යාන්ද තිරාණගම මහතා අදහස් දක්වා තිබු බව වාර්තා වන අතර ඔහුගේ අදහස් පහතින් බලන්න.
“මානව හිමිකමි සංවිධාන පනත අභියෝගයට ලක් නොවී සම්මත වූවානම් රටට ලොකු අනතුරක් සිදු වීමේ බරපතල අවදානමක් තිබුණා. සජිත්ලාගේ සජබයේ නායකයෙක් වන තිස්ස අත්තනායක පාර්ලිමෙන්තුවට ඉදිරිපත් කළ මේ පනතට විරුද්ධව ආණ්ඩුවේ හෝ විපක්ෂයේ කිසිම මන්ත්රී කෙනෙක් කට ඇර තිබුණේ නැහැ. මෙය කොල්ලුපිටිය ප්රදේශයේ ඇති මුස්ලිම් සංවිධානයකට මානව හිමිකමි සුරැකීමේ මුවාවෙන් අයුතු ලෙස රාජ්ය ආයතන වල කටයුතු වලට මැදිහත් වීමට බලතල ලබා දීම සඳහා ගෙන එන ලද පනත් කෙටුමිපතක්. මීට කලින් 2013 දී හා 2016 දීත් ගැසටි කරන ලද මේ පනත් කෙටුම්පත පාර්ලිමේන්තුවට ඉදිරිපත් කිරීම සඳහා එවක සිටි අධිකරණ ඇමතිවරුන් දෙදෙනකු ගෙන් ම අනුමැතිය ලැබී නොතිබුනු හෙයින් පාර්ලිමේන්තුවට ඉදිරිපත් කළ නො හැකිව තිබුණා. එහෙත් මේ වතාවේ එය පර්ලිමෙන්තුවට ඉදිරිපත් කිරීම සඳහා වත්මන් අධිකරණ ඇමතිවරයාගේ අනුමැතිය ලැබී ඇති බව පැහැදිලි යි.
පෙත්සමිකරුවන්ගේ නීතිඥවරුන් හා රජයේ අධිනීතිඥවරිය පෙන්වා දුන් පරිදි මේ පනතේ 6 වන හා 7 වන වගන්ති මගින් ජනතා පරමාධිපත්යය උල්ලංඝනය වන බවටත් රාජ්ය නොවන සංවිධානයක සාමාජිකයන්ට රජයේ විධායක හා පරිපාලන බලතලවලට පමණක් නොව ව්යවස්ථාදායක හා අධිකරණ බලතල වලටත් අනිසි ලෙස මැදිහත් වීමට ඉන් අවකාශ සැලසෙන බවටත් එමගින් ආණ්ඩුක්රම ව්යවස්ථාවේ 3,4, 12(1) හා 76(1) වගන්ති උල්ලංඝනය වන බවටත් එනිසා මේ පනත සම්මත කිරීමට නම් එය පාර්ලිමේන්තුවේ තුනෙන් දෙකක බහුතර ඡන්දයෙන් සම්මත කොට ජනමත විචාරණයකින් ජනතා අනුමැතිය ලබාගත යුතු බවටත් ශ්රේෂ්ඨාධිකරණය තීන්දු කරණු ලැබුවා.
ශ්රේෂ්ඨාධිකරණ තීන්දුව දක්වා ඇති පරිදි ශ්රී ලංකා නීතිඥ සංගමයේ සාමාජිකයන්ට නැති බලයක් මේ පනත යටතේ මෙම රාජ්ය නොවන සංවිධානයේ සාමාජිකයන්ට ලැබෙනවා. පොලීසියට රහස් පොලීසියට පමණක් නොව ඕනෑම රාජ්ය ආයතනයක එනම් හමුදාවේ, ආරක්ෂක අමාත්යාංශයේ, බුද්ධි අංශයේ, මත් ද්රව්ය නාශක කාර්යාංශයේ, මානව හිමිකමි කොමිසමේ, රේගුවේ, පුරා විද්යා දෙපාරතමේන්තුවේ හෝ වෙනත් ඕනෑම රාජ්ය දෙපාර්තමේන්තුවක කටයුතු වලට මැදිහත් වීමට ඔවුන්ට හැකිවෙනවා. මෙවැනි පනතක් සම්මත වී තිබුණි නමි පාස්කු ප්රහාරය ගැන නිදහසේ විමර්ශන සිදු කිරීමට, රිෂාඩි බදියුදීන්ලා රහස් පොලීසියේ රඳවා තබා ගෙන විමර්ශන සිදු කිරීමට, පොලිස් මත් ද්රව්ය නාශක කාර්යාංශයට කුඩු ජාවාරමිකරුවන් ඇල්ලීමට නොහැකි වනු බව ඒකාන්තයි.” ලෙස ඒ මහතා සදහන් කර තිබේ.
එසේනම් මේ පනත රාජ්ය සේවකයන්ගේ සියලුම කටයුතු වලට මැදිහත්වන ලෙස සම්මත වන බරපතල පනතක් වනු ඇත. රාජ්යයේ කටයුතු වලට මැදිහත්වීමට රාජ්ය නොවන සංවිධානයකට බලයක් ලබා දීම අවශ්ය නොවේ. ඒ සදහා කටයුතු කිරීමට සම්පූර්ණයෙන්ම අපරාධ නඩු විධාන සංග්රහය යටතේ ඕනෑම පුරවැසි සංවිධානයකට බලය තිබේ. ඒ හැර අමුතු බලාධිකාරියක් ස්ථාපනය කිරීමට ඉඩ දීමෙන් තවත් ජාති, ආගම් බේද ඇති වි රාජ්යය තව දුරටත් අස්ථාවර වනු ඇත.
