මානව සම්පත් කළමනාකරණය යනු සෑම ආයතනයකම ඉතා වැදගත් අංශයකි. මානව සම්පත් කළමනාකරණයකින් තොරව, කිසිදු ආයතනයකට ඵලදායී ලෙස සේවකයින් බඳවා ගැනීමට සහ රඳවා තබා ගැනීමට, සංවිධානය වැඩිදියුණු කිරීමට නොහැකි වනු ඇති අතර, සෞඛ්ය සම්පන්න, පිළිගත් සේවා ස්ථාන සංස්කෘතියක් සහ පරිසරයක් පවත්වා ගැනීමට ඔවුන්ට නොහැකි වනු ඇත. මානව සම්පත් කළමනාකරණය ආයතනවලට කොතරම් වැදගත්ද යත් බොහෝ දෙනෙක් මෙම අංශය හදුන්වන්නේ ආයතනයේ “හදවත සහ ආත්මය” ලෙසයි.
ආයතනයක නිසි මානව සම්පත් කළමනාකරණ අංශයක් නොමැති නම්, එම ආයතනය අසාර්ථක වීම සහතික ය. සමස්ත ශ්රී ලංකාවම බිඳ වැටි තිබෙන්නේ මෙම මානව සම්පත නිසි ලෙස කළමනාකරණය කිරීමට පාලකයන් මෙන්ම රාජ්ය සේවකයන්ද අසමත් වීමේ ප්රතිපලයක් ලෙසිනි. මානව සම්පත් කළමනාකරණයේ වඩාත් වැදගත් කාර්යයන් වන්නේ බඳවා ගැනීම්, පුහුණුව සහ සංවර්ධනය, තක්සේරු කිරීම්, රැකියා සමාලෝචන, වෘත්තීය සැලසුම් සහ සංවර්ධනය, සේවක ප්රතිලාභ, සේවක ආරක්ෂාව සහ සේවක අභිප්රේරණය ආදී කිහිපයකි.
මානව සම්පත් කළමනාකරණය ආයතනයකට ඉතා වැදගත් වන්නේ මෙම දෙපාර්තමේන්තුවට බොහෝ වගකීම් ඇති නිසාත් ආයතනය සුමටව ක්රියාත්මක වන නිසාත් ය. අපේ සමාජය දිගින් දිගටම වෙනස් වන විට මානව සම්පත් කළමනාකරුවන්ගේ භූමිකාව ද වෙනස් වේ. වන්දි සහ ප්රතිලාභ කළමනාකරුවන්ගේ සිට පුහුණු සහ සංවර්ධන විශේෂඥයින් දක්වා, සංවිධාන අඛණ්ඩව සංස්ථාගත කරන මානව සම්පත් විශේෂතා බොහොමයක් තිබේ.
එසේම ආරක්ෂක අංශ සඳහා මානව සම්පත් කළමනාකරණයේ පරමාර්ථය වන්නේ ජාතික ආරක්ෂාව, පවතින සම්පත් මෙන්ම රටේ ආරක්ෂක අවශ්යතාවලට අනුවර්තනය වන බල ව්යුහයක් පවත්වාගෙන යා හැකි පරිදි වඩාත් කාර්යක්ෂමව සිදුකිරීමයි. එසේම නිරන්තරව වෙනස් වන විට ආරක්ෂක ලෙස පරිසරයට අවශ්යවන ලෙස නම්යශීලී වීමද මෙයට ඇතුලත් වේ. ජැක් ට්රේඩ්ඩනික්ට අනුව මිනිස්බල කළමනාකරණයේ පළමු ප්රධාන කාර්ය වන්නේ “සමස්ථ සැලසුමම ක්ෂිතිජය පුරාවටම මිනිස්බල අවශ්යතා, පවතින අනාගත සම්පත් , සාමය සහ අර්බුදකාරී තත්වයන් තක්ෂේරු කිරීමයි.
අප මෙතෙක් මානව සම්පත පිලිබදව සදහන් කලේ විශේෂ කාර්ය බලකායේ තවත් දූෂිත කතාවක් ලිවීමටය. අප මීට පෙරද එවැනි සිද්ධීන් සදහන් කර තිබේ. විශේෂ කාර්ය බලකායේ හොද සහ නරක වැඩ විශාල ප්රමාණයක් අප සතුව පවතී. නමුත් එකක් දෙකක් පමණක් පළකරන්නේ ඔවුන්ට අඩුපාඩු සකසා ගැනීමටය. වෙනස් නොවේ නම් අපට දිගින් දිගටම ලිවීමටද සිදු වේ.
මානව සම්පත සුරැකීම කල යුත්තේ උසස් නිලධාරීන්ය. මානව සම්පත් කළමනාකරනය පිලිබදව සිටින උසස් නිලධාරියෙකුගේ දූෂිත ක්රියා හේතුවෙන් විශේෂ කාර්ය බලකායේ උසස් නිලයේ සිට පහළ නිලය දක්වා නිලධාරීන් කලකිරීමට පත් වී සිටින බව විශේෂ කාර්ය බලකා ආරංචි මාර්ග සදහන් කර තිබේ. අනියම් පෙමට ලොල් සහ අල්ලස් ලෙස තුටු පඬුරු ලබා ගන්නා බව කියන මෙම නිලධාරියා තමාගේ පෙම්වතියගේ ඕනෑ එපාකම් මත නිලධාරීන් ස්ථාන මාරු කිරීම් සිදුකරනු ලබන ද වාර්තා වෙයි. මේ වන විට පොලීස් විශේෂ කාර්ය බලකායේ මානව සම්පත පාලනය වන්නේ එම නිලධාරියෙකුගේ අනියම් බිරිඳකට අවශ්ය අකාරයෙන් බව කියා වේ.
අප මීට පෙර සදහන් කර තිබෙන පුවත්වලද තවත් නිලධාරිනියක් පිලිබඳව සඳහන් කර තිබේ. ඒ ආකාරයෙන් වූ සිවිල් නිලධාරිනියක්ද එහි අණසක පතුරුවා සිටින බවද කියා වේ. එම සිවිල් නිලධාරිනියද ආරක්ෂක අංශ ප්රධානියෙකුගේ බිරිඳකගේ යහළුවෙකු බවද කිය වේ. බොහෝ පොලිස් නිලධාරීන් යහමින් බුලත්විට කෑමට පුරුදුව සිටී. විශේෂ කාර්ය බලකායේද බොහෝ දෙනෙකු එසේ බුලත් විට කති. එය පරිස්සමට නොකෑවොත් අදින අදුම් පැළදුම් මෙන්ම අවට වටා පිටාවද දූෂිත වෙති. කුමන පණ්ඩිත කතා කීවත් එය පරිස්සමින් භාවිතා කල යුතුය
චෝදනාවට ලක්වන උසස් නිළධාරියාගේ මෙම නිලධාරියාගේ වැරදි හේතුවෙන් විශේෂ කාර්ය බලකා නිලධාරීන් විශාල ප්රමාණයක් බලකාය හැරයාමේ සූදානමක් ද පවතී. එය ඉතාමත් කේදනිය තත්වයකි. පාතාලය මර්දනය, මත් කුඩු උවදුර තුරන් කිරීම වැනි කටයුතු වලින් අංක එකට පැමිණ තිබුණද මේ වන විට මෙවැනි දූෂිතයින් නිසා දිනෙන් දින බලකායේ පිරිහීමට පත්වී තිබේ. පොලිස් විශේෂ කාර්ය බළකායේ අණදෙන නිලධාරි ඩී අයි ජී වරුණ ජයසුන්දර මහතා සමහරවිට මේවා නොදන්නවා විය හැකිය. එහෙත් ඔහුට මේ පිළිබඳව තොරතුරු වාර්තා වී නොමැති බව පෙනී යයි.
පොලිස් විශේෂ කාර්ය බලකා සියළුම නිළයන් අණදෙන නිලධාරී වරයාගෙන් ඉල්ලා සිටින්නේ සුදුස්සාට සුදුසු තැන ලබාදී බලකාය දූෂිතයන්ගෙන් බේරා දෙන ලෙසටයි. චෝදනාවට ලක්වන නිලධාරියාගේ ඉඩම්වලට පස් සැපයුවේ කවුද?. එම ඉඩමට බහිරව පූජාව තබා කේන්දර නැකත් බැලුවේ කවුද?. ඒ සියලුම අයට වරප්රසාද ලැබුණෙ කෙසේද?.අනියම් පෙම්වතියන්ගේ පුරාණ ප්රේම කතා කෙසේද ?. ඒවා විශේෂ කාර්ය බලකායට බලපෑවේ කෙසේද?, යන කරුණු සියල්ලම පොලිසියේ බුද්ධි අංශ විසින් සොයා බැලිය යුතුය. ඒවා සොයා බලා උසස් නිලධාරීන්ට වාර්තා කිරීමෙන් දිනෙන් දින පිරිහීමට පත්වන පොලිස් යන නාමය ආරක්ෂා කරන්නේ නම් එය වටිනා කටයුත්තකි. විශේෂ කාර්ය බලකායේ සමහර නිලධාරීන්ට ප්රජාතන්ත්රවාදය අමතක බව පසුගිය අරගලයේදී අපට පැහැදිලිවම දක්නට ලැබුණි.
