රටේ අධ්යාපන බලධාරින් තමන්ගේ කොටස නිසි ලෙස ඉටු නොකිරීමේ ප්රතිඵලයක් ලෙස සමාජය සෑම අතකින්ම දූෂණය වෙමින් පවතින බව අප පසුගියදා කැබිනට් තීරණ දැනුම් දීමේ රැස්වීමේදී අමාත්ය බන්දුල ගුණවර්ධනට පෙන්වා දුන් අතර ඔහු ප්රකාශ කලේ “සත් සමාජයක්” ගොඩනැගීම සදහා රජයේ අවධානය යොමුව නැති බවයි.
මීට දින කිහිපයකට පෙර පල්ලෙබැද්ද නගරයේදී 10 වසරේ පාසල් සිසුවකු 10 වසරේ පාසල් සිසුවෙකුට පිහියෙන් අනින ලද පුවතක් වාර්තා වූ අතර සිද්ධියට හේතුව ප්රේම සම්බන්ධයකි. එහි ඛේධනීයම කොටස වන්නේ පිහි ඇනුම සිදුකර තිබෙන්නේ 8 වසරේ සිසුවෙකු රුපියල් 1000 ක මුදලක් කප්පම් වශයෙන් ලබා දී සිදුකරනු ලැබූ පෙළඹවීමක් හේතුවෙනි.
අප මේ පිලිබඳව දීර්ඝ වශයෙන් සිදුකරනු ලැබූ ගවේෂනයට අනුව අපට අනාවරණය වූ සිද්ධිය ගොඩකවෙල පොලිස් ස්ථානය විසින් අනාවරණය කරගෙන තිබෙන යන්න අප විසින් තවුරුකරගෙන නැති නමුත් අප තහවුරුකරගෙන තිබෙන සිද්ධිය මෙසේය.
රත්නපුර ගොඩකවෙල රාහුල ජාතික පාසලේ 8 වසරේ සිසුවෙකු එම පන්තියේම ශිෂ්යාවක් සමග ප්රේම සම්බන්ධතාවයක් පවත්වාගෙන යයි. ඒ අතර එම ශිෂ්යාව සමග ප්රේමයෙන් බැදීමට පල්ලෙබැද්ද මහා විද්යාලයේ 10 වසරේ සිසුවෙකු උත්සාහ කර තිබේ. ඒ අනුව උරණ වූ ගොඩකවෙල රාහුල ජාතික පාසලේ 8 වසරේ සිසුවාට 10 වසරේ සිසුවෙකුට පහර දීමට නොහැකි නිසා ඔහුට පහර දීමට 10 වසරේ සිසුවෙකු තෝරාගෙන තිබේ. එම සිද්දියට ඔහු තෝරාගෙන තිබෙන්නේ ගොඩකවෙල මහින්ද මහා පිරිවෙනේ 10 වසරේම සිසුවෙකි. ඔහුව බිය වැද්දීම සදහා රුපියල් දහසක අල්ලස් මුදලක්ද ඔහුට ලබා දී තිබේ. ඊට අමතරව පල්ලෙබැද්ද නගරයේදී පිහියක්ද ලබා දී තිබේ.
ඒ අනුව පසුගියදා මහින්ද මහා පිරිවෙනේ ඉගෙනුම ලබන සිසුවා, පිහි ඇනුමට ලක්ව තිබෙන සිසුවාව පල්ලෙබැද්ද නගරයේම බස් නවත්වන ස්ථානයට ගෙන ගොස් ඇත්තේ බිය වැද්දීමට වුවත් කෙසේ හෝ ගොඩකවෙල මහින්ද මහා පිරිවෙනේ 10 වසරේ සිසුවා පිහි ඇනීම සිදුකර තිබේ. පසුව ගොඩකවෙල පොලිස් ස්ථානය මගින් ඔහුව අත් අඩංගුවට ගෙන තිබේ.
මෙසේ අල්ලස් කප්පම් මුදලක් ලබා දී තිබෙන සිසුවා මීට පෙර අවස්ථා ගණනාවකදීම පාසලේදී දරුවන් ගණනාවකටම යම් මත් වන ද්රව්යයක් ලබා දී තිබේ. ඒ පිලිබඳව පැමිණිලිකල දෙමාපියන්ට පාසලේ පරිපාලනය මගින් දොස් පවරා තිබේ. එසේ තම දරුවන් මත් වීමට ලක් වූ බව සොයා ගත් දෙමාපියන් අප සමග පැවසුවේ එම දරුවාගේ දෙමාපියන් එම චෝදනා සියල්ලම ප්රතික්ෂේප කරන බවයි.
කෙසේ නමුත් පිහි ඇනුම සිදු කළ සිසුවා පොලිසිය වෙත ලබා දුන් ප්රකාශයේ සඳහන් වන්නේ අත්වැරදීමකින් එම පිහි ඇනුම සිදු වූ බවයි.
අපට දහස් වරක් සිතීමට දේවල් ඉතිරිකර තිබේ. දහස් බදු මුදල් ගෙවමින් ලක්ෂ ගනනාවක් අධ්යාපනඥයන් සිටින රටක අනාගත පරපුර විනාශ කර තිබේ. දැන් මේවාට වග කිව යුත්තන් නැත. මේ බිහිවෙමින් තිබෙන්නේ ම්ලේච්ච මිනිසුන්ගෙන් ගහන, තිරිසන් මිනිසුන්ගෙන් ගහන ශ්රී ලංකාවකි. ශ්රී ලංකා පාර්ලිමේන්තුව තුල පවා අප දකින බහුතරයක් මෙවැනි දූෂිත මන්ත්රීවරුන්ය. මිරිස් කුඩු ගැසූ, කප්පම් කැප ගැසූ මංකොල්ලා කරුවන්ගෙන් ගහන වූ ශ්රී ලංකා පාර්ලිමේන්තුවට අවශ්ය ලෙස රටේ දරු පරපුර සැකසී අවසන්ය.
මෙම සිද්දියේදී වරද දෙමාපියන්ගේ හෝ දරුවන්ගේ නොව. දූෂිත ක්රමයන්ට අත් ඉස්සු චන්ද දායකයගේය. මේ නොමේරු දරුවන්, හයක් හතරක් නොතේරෙන දරුවන් 8 වසරේ සිටම අපරාධකරුවන් බවට පරිවර්තනය වෙමින් පැවතීමේ වගකීම සම්පූර්ණයෙන්ම බාරගත යුත්තේ විශ්රාමික අධ්යාපන බලධාරීන්, මීට පාර්ලිමේන්තුවේ සිටි මන්ත්රීවරුන් ඇතුළු රට කර වූ පාලකයන්ය.
