ප්‍රවීණ ජනමාද්‍ය වේදී අසෝක ඩයස්, ජනාධිපති නීතීඥ සාලිය පීරිස් මහතා සමග සිරස tv නාලිකාවේ පැවති සාකච්චාවකදී අදහස් දක්වමින් සාලිය පීරිස් මහතා ප්‍රකාශ කර සිටියේ ශ්‍රී ලංකා පොලිසිය නීතිය හරිහැටි නොදැන පොලිස් බලය ඉක්මවමින් කටයුතු කරන බවත් රජය නොහොත් විධායකය රාජ්‍ය ආයතන වෙත අනිසි ලෙස මැදිහත්වීම් වළක්වාලිය යුතු බවයි.
මාද්‍යවේදී අසෝක ඩයස් මහතා සමග වැඩුදුරටත් ප්‍රකාශ කරන ලද්දේ සාමකාමී අදහස් ප්‍රකාශ කිරීමට, විරෝධතා පැවැත්වීමට ශ්‍රි ලංකාවේ පවතින නීතියට අනුව මහජනයාට අවසර ඇති බවයි. එසේම එය නීති විරෝදී ක්‍රියාවක් නොවන බවද ඔහු ප්‍රකාශ කරන ලදී. ඒවගේ අවස්තාවන් වලදී විරෝධතා කරුවන් හට පහර දීමට, විරෝධතා කරුවන් අයින් කිරීමට හෝ විසුරුවා හැරීමට කිසිදු බලයක් පොලිසියට නැති බවද ඔහු ප්‍රකාශ කරන ලදී. මෙරටේ ජනතාවට අදහස් ප්‍රකාශ කිරීමේ අයිතිය තිබෙන බව පොලිස් නිලධාරීන් හරියාකාරව තේරුම් නොගෙන රාජකාරී කරන බවද ඔහු සදහන් කරයි. එසේ කරන පොලිස් නිලධාරීන් සිතනුයේ ඔහුනට කිසිම කෙනෙකු බලපෑමක් හෝ විරෝධයක්‌ එල්ල නොකරන බව හා එම නිලධාරීන් හට විධායකයේ ආරක්ෂාව ලැබෙනවාය යන පදනම මත හිදිමින් පොලිසිය රාජකාරීන් කරන බවයි. පොලිස් නිලධාරීන් තේරුම් ගත යුත්තේ නීතිය අභිබවා වැඩ කටයුතු කරන සෑම අයකුටම දඩුවම් විදීමට සිදුවන බව යැයි ඒ මහතා ප්‍රකාශ කරන ලදී.
තවද 2018 අංක 5 දරන පනත යටතේ විරෝධතාවයක් පලකරන අයකු රදවා තබාගෙන ප්‍රශ්න කරන්නේනම් ඔහුගේ ඥාතීන් හට හා නීතීඥයකු හට හමුවීමට යාමේ බලය තිබෙන බවද, බලහත්කාරයෙන් අතුරුදහන් වීමට එරෙහිව ජාත්‍යන්තර සම්මුතී පනතේ එය සදහන් බවද සදහන් කරන ලදී. එසේම පොලිසිය එම අවස්තාවට ඉඩ නොදෙන්නේ නීතිය නොදන්නා කමින් බව ඔහු තව දුරටත් ප්‍රකාශ කරන ලදී. මෙවැනි ක්‍රියා තුලින් පොලිසිය කෙරෙහි තිබෙන විශ්වාසය ජනතාව තුලින් බිදවටී ඇති බව ශ්‍රේෂ්ඨාධිකරණය පවා ප්‍රකාශ කොට ඇතිබව ප්‍රකාශ කරන ලදී.
පසුගිය අගෝස්තු මාසයේදී පොලිස්පතිවරයා විසින් මෙවැනි සිද්ධීන් වලදී කටයුතු කලයුතු අකාරය පිලිබදව චක්‍රලේඛයක් මගින් නිකුත් කල බවත් ඒ පිලිබදව කටයුතු කරන ඇතැම් උසස් පොලිස් නිලධාරීන් පොලිස්පති වරයාගේ චක්‍රලේඛන පවා ගණන් නොගෙන ක්‍රියා කරන බවත් අවාසනාවට එම නිලධාරීන් හට විරුද්ධව ක්‍රියා කිරීමට හෝ නීතිය ක්‍රියාත්මක කිරීමට තරම් ශක්තියක් පොලිස් පතිවරයාට නොමැති බවද ප්‍රකාශ කරන ලදී.
මානව හිමිකම් උල්ලංඝණය පිලිබදව කමිටු වාර්තාව ශ්‍රේෂ්ඨාධිකරණ විනිසුරු නවාස් මහතා විසින් ජනාධිපති හට ඊයේ (8) බාර දී තිබෙන බවත් ඒ පිලිබදව ජනාධිපතිගේ අවධානය යොමුව ඇති බවද මෙහිදී අනාවරණය විය.
එසේම රටේ මානව අයිතිවාසිකම් ආරක්ෂා නොවන බවත් එය ආරක්ෂා කිරීමට නම් නීතිය සහ ත්‍රස්තවාදය වැළක්වීමේ වැනි පනත් අවභාවිතා කරන නිලධාරීන්ට විරුද්ධව දැඩි පියවර ගත යුතු බවත් එය එසේ නොවන බවත් විධායකය ඒ සදහා කැප නොවන බවද ඒ මහතා මෙහිදී ප්‍රකාශ කරන ලදී.
එසේම අවසන් වශයෙන් ඔහු ප්‍රකාශ කරන ලද්දේ මේ රටේ මිනිසුන්ගේ අයිතිවාසිකම් වෙනුවෙන් ක්‍රියා කරන, ගරු කරන ව්‍යවස්ථාදායකයක් තුලින් පමණක් රට යහපත් කිරීමට හැකි වන බවය. තවද රටේ පවතින සියලු රජයේ ආයතන සදහා ස්වාධීනව කටයුතු කිරීමේ අයිතිය ලබාදිය යුතු බවද විධායකයේ අනිසිලෙස මැදිහත්වීම වළක්වාලිය යුතු බව ද ඔහු සදහන් කරන ලදී.
