පාසල් දරුවන් ශීග්රයෙන් මත්ද්රවය වලට ඇබ්බැහි වෙද්දී ලංකා ඉතිහාසයේ වැඩිම ගංජා තොගයක් ඇල්ලු මෙහෙයුම.
ශ්රී ලංකා ඉතිහාසයේ වැඩිම ප්රමාණයක් සහිත ගංජා තොගය පෙරේදා (19) ඇඹිලිපිටියේදී අත්අඩංගුවට ගැනීමට ඇඹිලිපිටිය ජේෂ්ඨ පොලිස් අධිකාරී සුදත් මාසිංහ මහතා ඇතුළු පොලිස් නිලධාරීන් කණ්ඩායමක් සමත් විය. එහි ප්රමාණය කිලෝ ග්රෑම් 1227 ක් විය.
ජේෂ්ඨ පොලිස් අධිකාරී සුදත් මාසිංහ මහතා යටතේ ක්රියාත්මක වන කොඨිඨාශ විශේෂ අපරාධ ඒකකයේ පොලිස් කොස්තාපල්වරයෙකුට ලැබුණු තොරතුරක් මත මෙම වැටලීම සිදුකරන ලදී. කෙසේ නමුත් ලැබුණු තොරතුරට අනුව අදාළ දෙමහල් නිවස සොයාගැනීමට පොලිස් කණ්ඩායමක් යෙදවීමට ජේෂ්ඨ පොලිස් අධිකාරී සුදත් මාසිංහ මහතා කටයුතු කර තිබිණි. විශාල පරිශ්රමයකින් අනතුරුව අදාළ නිවස සොයාගැනීමට නිලධාරින්ට හැකිව තිබිණි. එය දෙමහල් නිවසකි. ඇඹිලිපිටිය පොලිස් අධිකාරී කාර්යාලයේ සිට මීටර් 500 ක් පමණ දුරකින් මෙම දෙමහල් නිවස පිහිටා තිබුණි.
අත් අඩංගුවට ගත් ගංජා සහ අදාළ නිවස පහත ලින්ක් එකෙන් බලන්න.
දකුණු ප්රදේශයට වන්නට ඇල්ලු වැඩිම කුඩු ප්රමාණය හමු වුයේද මේ ආසන්නයේම වීම විශේෂත්වයකි. විවිධ කාලවල් වලදී ඇඹිලිපිටිය ප්රදේශය විවිධ අපචාරවලින් බහුල වේ. එසේම හොරකම් ආදියද වැඩි වේ. ලංකාවේ කුමන ස්ථානයක හෝ විශේෂ අපරාධයක් සිදු වුවහොත් මෙම ප්රදේශයේ කවුරුන් හෝ සිටීන බවද දක්නට ලැබේ. රැකියා විරහිතභාවය, සමාජීය වශයෙන් නිසි දැක්මක් නොමැති කමින් මෙසේ අපචාර බහුලව සිදුවන නමුත් මෑතක සිට විවිධ අපචාර වල යම් අඩුවක් දක්නට ලැබේ. එයට ප්රධානතම හේතුව ලෙස අප දකින්නේ පැය 24 පුරාම ක්රියාත්මකවන පොලිස් ආරක්ෂක වැඩපිළිවෙලයි. ඒ සදහා සෘජුවම අවධානය යොමුකිරීමට වර්තමාන ජේෂ්ඨ පොලිස් අධිකාරී සුදත් මාසිංහ මහතා කටයුතු කර තිබෙන බව දක්නට ලැබෙන්නේ සෑම ජනාකීර්ණ ස්ථානයකම විශේෂ පොලිස් කණ්ඩායම් දැකීමට හැකිවන බැවිනි.
ඒ අනුව ඇඹිලිපිටිය කොඨිඨාශය ආවරණය වන ලෙස පොලිස් මාර්ග බාධක 6 ක් යොදවා තිබේ. පනාමුර, මොරකැටිය, කුට්ටිගල, කොස්වැටිය, උඩවල සහ තෝරකොලයාය ආදී ප්රදේශ ඉලක්කරමින් සමස්ත ප්රදේශයම ආවරණය වන පැය 24 පුරාම මෙම ආරක්ෂක වැඩපිළිවෙල ක්රියාත්මක කර තිබේ. ඊට අමතරව පොලිස්, යුධ හමුදා සහ රාජ්ය බුද්ධි සේවයද පැය 24 පුරාම ක්රියාත්මක වෙමින් තිබෙන බවද අපට දක්නට තිබේ. මෙම විශේෂ ආරක්ෂක වැඩපිළිවෙල නිසා සමාජය තුල ක්රියාත්මක වෙමින් පවතින විවිධ අපරාධ වලක්වා ගැනීමටත්, ඒවා හදුනාගැනීමටත් හැකිව තිබේ.
හරක් හොරුන්ගෙන්ද ගහන ප්රදේශයක් වූ ඇඹිලිපිටියේ හරක් හොරකමේ ද අඩුවක් දක්නට තිබේ. ඒ පසුගියදා තෝරකොලයාය ප්රදේශයේදී හොර හරක් ලොරියකට තැබූ වෙඩි පහරකින් පුද්ගලයෙකු මිය යාමත් සමගය. එසේම මෙවර සිංහල අවුරුදු සමයේදී මෙම ප්රදේශයේ කිසිදු හොරකමක් වාර්තා වී නොමැති අතර වෙනත් අපරචාරද වාර්තා වී නැතිබව පොලිස් ආරංචිමාර්ග සදහන් කරයි. එයට ප්රධානතම හේතුව වන්නේ මෙම ප්රදේශයේ ක්රියාත්මක විශේෂ වැඩ ආරක්ෂිත වැඩ පිළිවෙලය.
ඒ අනුව ඉතිහාසයේ වැඩිම ගංජා ප්රමානයක් අත්අඩංගුවට ගත් ප්රදේශය ඇඹිලිපිටිය බවට පත්වන අතර දකුණට වන්නට ඇල්ලු වැඩිම කුඩු ප්රමාණය අත්අඩංගුවට ගත් ප්රදේශය ලෙසට ද ඇඹිලිපිටිය ඉතිහාසයට එකතු වේ. ඒ අනුව වැඩිම ගංජා ප්රමානයක් අත්අඩංගුවට ගත් ජේෂ්ඨ පොලිස් අධිකාරීවරයා ලෙස සුදත් මාසිංහ මහතාද, ඔහු යටතේ සේවය කරනා මෙම මෙහෙයුමට දායකත්වය ලබා දුන් සියලුම පොලිස් නිලධාරීන් ඉතිහාසයට එකතු වේ.
මෙම ගංජා සමාජ ඇත අඩංගුවට ගත් තිදෙනා අද (20) ඇඹිලිපිටිය මහේස්ත්රාත් අධිකරණය වෙත ඉදිරිපත්කරමින් වැඩි දුර පරීක්ෂණ සදහා දින 7ක් රදවා තබාගෙන ප්රශ්න කිරීමට පොලිසිය අවසර ඉල්ලු නමුත් දින තුනක් සදහා රදවා තබාගෙන ප්රශ්න කිරීමට පොලිසියට අවසර ලබා දුන්නේය. ඒ අනුව වැඩි දුර පරීක්ෂණ සදහා මත්ද්රවය නාශක කාර්යාංශයේ නිලධාරීන් කණ්ඩායමක් ඇඹිලිපිටියට පැමිණ තිබේ.
ඒ අනුව සබරගමුව පළාතේ ජේෂ්ඨ පොලිස් නිලධාරීන්ගේ උපදෙස් මත සහ ඇඹිලිපිටිය කොඨිඨාශය භාර ජේෂ්ඨ පොලිස් අධිකාරී සුදත් මාසිංහ මහතාගේ සෘජු අධීක්ෂණය යටතේ පොලිස් මත්ද්රවය නාශක කාර්යාංශයේ නිලධාරීන් ඇඹිලිපිටිය මුලස්ථාන ස්ථානාධිපති ඇතුළු පොලිස් නිලධාරීන් විසින් වැඩිදුර පරීක්ෂණ සිදුකරයි.
රට පුරා කුඩා දරුවන් පවා සීග්රයෙන් මත්ද්රවයවලට ඇබ්බැහි වෙමින් සිටි. දරුපරපුර ඒවායින් ආරක්ෂා කරගැනීමට අවශ්ය කිසිදු වැඩපිළිවෙලක් ශ්රී ලංකාව තුල තවමත් ක්රියාත්මකව නැත. අප මේ පිලිබදව විටින් විට රජය දැනුවත් කර තිබුනත්, අමාත්ය බන්දුල ගුණවර්ධන මහතා සෘජුවම ප්රකාශ කලේ “සත් සමාජයක් ගොඩ නැගීම සදහා අවශ්ය අවධානය තවමත් යොමුව නැති බවයි”. පාසැල් යන 9, 10,11 වසරවල් වල මෙන්ම ඉන් ඉහල දරුවන්ද සීග්රයෙන් මත්ද්රවය වලට ඇබ්බැහි වෙමින් සිටි.
දරුවන්ගේ විනාශය පිලිබදව අපගේ මාධ්යවේදීන් රජය දැනුවත් කල අකාරය සහ ලබා දුන් තුට්ටු දෙකේ පිළිතුර පහතින් බලන්න.
මේ වන විටත් අනාගත මත්ද්රවය ව්යාපාරිකයන් මෙන්ම, ඒවාට ඇබ්බැහි වන පරපුර ශ්රී ලංකාවට බිහිව අවසන්ය. රටක් ලෙස ගත විට, මැති ඇමතිවරුන්ට, රාජ්ය නිලධාරීන්ට හෝ දේශපලන නායකයන්ගේ අතකොලුබවට පත්ව සිටින ශ්රී ලාංකික ඡන්ද දායකයන්ටද තමන්ගේ දු දරුවන්ගේ, මුණුපුරන්ගේ, මිනිපිරියන්ගේ අනාගත ආරක්ෂාව අනතුරේ බව පෙනී පෙනී තිබියදීත් නොපෙනීම පිලිබදව අපට ඇත්තේ විශාල කනගාටුවකි. මේ බිහිවෙමින් පවතින්නේ ම්ලේච්ච දේශයකි. එසේත් නොමැතිනම්, සෝමාලිය, මොසැම්බියා, මැඩගස්කර්, ඇෆ්ගනිස්ථාන්. අප්රිකාව, නයිජීරියා වැනි රාජ්යයකි. එය නවත්වාගැනීමට අපට තවමත් කාලය තිබේ. එසේ නොමැතිව “අස්වයා ගියාට පසු ඉස්තාලය වසා” වැඩක් නැත. එසේම අතීසාරයට අමුඩේ ගැසිමෙන්ද පලක් නොවේ.
2023 06 20
සබරගමු පළාත් සභාවේ රාජ්ය නිලධාරීන්ගේ අමුතු ගේම් එකක් සිවිල් මිනිසුන් පරදයි.
