වයස අවුරුදු 4 සපුරන සියලු දරුවන්ට පූර්ව ළමා විය අධ්යාපනය අනිවාර්ය කරන බව අධ්යාපන ඇමැති ආචාර්ය සුසිල් ප්රේමජයන්ත මහතා ‘සුව දිවියයි සතුටු සිතයි’ පාසල් සෞඛ්ය ප්රවර්ධන මාසය දියත් කිරීම වෙනුවෙන් බත්තරමුල්ල ‘වොටර්ස් එජ්හි’ දී පසුගියදා පැවති වැඩසටහනකට එක්වෙමින් ප්රකාශ කළ බව වාර්තා වේ .
වැඩි දුරටත් අදහස් දැක්වූ අමාත්යවරයා ,
“පූර්ව ළමා විය අධ්යාපනය වෙනුවෙන් මුදල් ගෙවිය නොහැකි දරුවන් වෙනුවෙන් රජය මැදිහත් වනවා. ඉඩකඩ පවතින ප්රාථමික පාසල්වල පූර්ව ළමා විය සංවර්ධන මධ්යස්ථාන පවත්වන්න හැකියාව තියෙනවා. ඒ වගේම වැසී යාමේ අභියෝගයකට මුහුණ පා ඇති පාසල් ද ඒ වෙනුවෙන් යොදා ගැනීමට හැකියාව තියෙන බවත් සඳහන් කළ යුතුයි. පරිවර්තනීය අධ්යාපන ප්රතිසංස්කරණ සාර්ථක කරගැනීමේ මූලිකම පියවර වන්නේත් මෙරට දරුවන්ගේ විධිමත් පූර්ව ළමාවිය සංවර්ධනයයි. පෙර පාසල් අධ්යාපනය ජාත්යන්තර තලයට සමාන්තරව විධිමත් ලෙස ප්රමිතිගත කිරීමේ දී ‘පෙර පාසල යනු පාසල් යාමට පෙර යන තවත් පාසලක්’ ය, යන ආකල්පය සහමුලින්ම වෙනස් කළ යුතුව පවතිනවා.”
