මහනුවර ශ්‍රී දළදා මාළිගාවේ පැවැත්වෙන වාර්ෂික ඇසළ පෙරහැර මංගල්‍යයට අවශ්‍ය විදුලි බලය ලබා ගැනීම සදහා විදුලිබල මණ්ඩලය මගින් මුදල් ඉල්ලා සිටීම පිළිබඳව අදහස් දක්වමින් ලියන්වල ශාසනරතන හිමි සදහන් කරන්නේ තක්කඩි දේශපාලඥයන්ටත් නොමිලේ විදුලි බලය ලබා දෙන බවයි.
මෙහිදී උන්වහන්සේ වැඩිදුරටත් ප්‍රකාශ කරන්නේ,
“ප්‍රධාන විදුලි ඉංජිනේරු මහනුවර විධායකතුමන් අද ලිපි යොමු කරලා තියෙනවා විශේෂයෙන්ම දළදා මාළිගාවේ දළදා පෙරහැර දළදා හාමුදුරුවෝ භාරව සිටින බෞද්ධ නායකත්වය දරන ගරු දියවඩන නිලමේතුමාටත් ,ගරු බස්නායක නිලමේතුමාටත් (ශ්‍රී පත්තිනි දේවාලය)බස්නායක නිලමේ (ශ්‍රී නාථ දේවාලය)ආදී මේ කියන පූජනීය ස්ථානවලට ලිපි ලේඛන යොමු කරලා තිබෙනවා .වාර්ෂික දළදා පෙරහැරේ විදුලිය සම්බන්ධව සහ විදුලි බල මණ්ඩලයට අයවිය යුතු ගාස්තු පිළිබඳව .
මේ වන විට රටේ එක්කෝටි තිස් එක්ලක්ෂයක බිලක් පිළිබඳව කතා කරනවා අපි අහන්න කැමතියි විදුලිබල මණ්ඩලයෙන් අර තක්කඩි දේශපාලඥයො රටටත් වැඩක් නැති මහා ආන්දෝලනාත්මක විවේචනයට ලක්වෙච්ච අමාත්‍යාංශ වල අද විදුලි බිල කොච්චර එහාට ගිහින් තියෙනවද කියන කතාබහ .
එතකොට අපි දැක්කා තක්කඩි දේශපාලඥයන්ගේ පෞද්ගලික පරිහරණ, කාර්‍යාලවලට සහ නිවෙස්වල විදුලි බිල ගෙව්වෙ නැතැයි කියන කතාබහ කොච්චර සමාජගත වුණත් ඒවා ඇත්තද නැත්තද කියලා කිසිවෙකුත් සමාජයට ඒ වගකිවයුතු කව්රුත් ඉදිරිපත් කරලා නෑ .
අපි දැකලා තියෙනවා අමාත්‍යාංශවල විදුලිය කොතරම් නාස්ති වෙනවද ? අපි රට වටේ ඇවිදින හාමුදුරුවරු විදිහට අපිට ඕන තරම් දකින්නට සිද්ධ වෙලා තියෙනවා.
ඒ වගේම මහා පාරේ විදුලිය කොතරම් පත්තු වෙනවද? අපි ඕනෑතරම් දැකලා තියෙනවා .ඒ නිසා රටේ ආර්ථිකයට සහ ජාතික ප්‍රතිපත්තියක් නීතිමය රාමුවක් තුළ කතා කරනවනම් හැමෝගෙම ඇතුළෙ කිල්ලොටවල හුණු තියෙනවා ඒක අමතක කරන්න එපා තමන් නිවැරදි වී අනුන්ට වැරැද්ද පටවන්න උත්සාහ කරන තක්කඩි රාජ්‍ය නිලධාරින් සහ දේශපාලන භූමිකාව ඇතුලේ තමන්ගේ මුනිවත රැක ගන්න කටයුතු කරන්න එපා කියන එක මේ වෙලාවේ අවධානය යොමු කරන්න.
මේ විදුලිබිල පහුගිය කාලේ පුන්‍යායතන වලට ආපු ප්‍රශ්නවලදි අපි කිවා පාත්තරවල සල්ලි එකතු කරලා හරි මේ කටයුතු කරන්න ඕනි කියන එක .හැබැයි මේ ගාන ලෝකෙ ඉන්න බෞද්ධ ජනතාවට ගෙවාගන්න බැරුව නෙවෙයි.
මේ අදෝනාව මේ කෙනෙහිලිකම් ව්‍යාප්ත වෙන වැඩපිළිවෙළක් තියෙනවා ඒක හොයලා බලන්න ඕනි.බුද්ධි අංශවලට වහාම කියන්න ඕනි මේ ගැනත් හොයලා බලන්න කියලා.අපිට පේනවා මේ මහා දැවැන්ත බෞද්ධ සංස්කෘතියට රාජ්‍ය නොවන භූමිකා ඇතුළෙ ඉදගෙන තක්කඩියො මේක ඇතුළෙ කස කැවෙමින් මේකට පහර දෙන්න උත්සහයක් කරනවා.
පසුගිය දවස්වල අලි ප්‍රශ්න ආවා ඇත්තු ප්‍රශ්න ආවා ඒ වගේම පුන්‍ය ආයතනවල විදුලිබිල ප්‍රශ්න ආවා ඒ හැම දෙයක් පිළිබඳවම අවධානය යොමු කරන්න ඕනි.මේක ඇතුළෙ කව්ද මේ තක්කඩි න්‍යාය පත්‍ර හදන්නෙ මේ වගෙ ඇතුළෙ කව්ද නිර්නාමිකයන් බවට පත් වෙලා කව්ද තක්කඩි සහ රාජ්‍ය නොවන සංවිධාන මේක ඇතුළෙ කස කැවෙනවා ඒක පිළිබඳව දැඩි අවධානයට ලක් කරන්න කියලා රජයට කියනවා. නීතියටත් කියලා තියෙනවා මේ ගැන වැඩි අවධානයක් යොමු කරන්න කියලා “
