ශ්‍රී ලාංකික ජනතාව මේ වන විටත් දැඩි සේ දුක් විදිති.නමුත් බැංකු ඇතුළු මූල්‍ය ආයතන ,සංස්ථා,මණ්ඩල වල සේවය කරන සහ මාණ්ඩලික සේවයට අයත් බොහෝ නිලධාරින්ට මෙම තත්ත්වය දැනී නැත.ඒ ඔවුන් අසීමිත වැටුපක් ලබා ගන්නා බැවිනි.
එවන් පසුබිමක් තුළ ශ්‍රී ලංකාවේ විවිධ ප්‍රදේශවල තිබෙන ප්‍රාදේශීය සංවර්ධන බැංකු වලින් ණය ලබා ගෙන ණය ගෙවීමට නොහැකිව අසරණව සිටින පුද්ගලයන්ට නඩු පැවරීමට කටයුතු කර තිබේ. ණය නොගෙවන්නේ නම් කෙසේ හෝ එම මුදල් ලබා ගැනීම සඳහා අවශ්‍ය කටයුතු සැකසීම පිළිබඳව බැංකුව කටයුතු කළ යුතුය. ඒ පිළිබඳව අපගේ තර්කයක් නැත. නඩු නොපවරා සිටීමට නම් රජය මැදිහත් වී ණයකරුවන් වෙනුවෙන් යම් සහනදායී වැඩපිළිවෙළක් ඇති කළ යුතු ය. ඒ කෙසේ වෙතත් බැංකුව විසින් සිදුකර තිබෙන වැරදිද වසන් කර නඩු පැවරීම් කිරීම වරදකි.
කෙසේ නමුත් බැංකුවල වරදක් නොමැති කරුණුවලට අයත් ණය මුදල් අයකිරීමට නඩු නොපවරා කටයුතු නොකරන තාක් කල් බැංකුවලටද මෙම මුදල් අය කර ගැනීමේ ගැටලු පවතින බව අවිවාදිත කරුණකි.
නමුත් මෙසේ නඩු පැවරීමේදී ණය මුදල් සඳහා ණයකරුවන් වෙනුවෙන් ඇප වී සිටින පුද්ගලයන්ට නඩු පැවරීමට ප්‍රාදේශීය සංවර්ධන බැංකු කටයුතු කර තිබේ. එය වරදකි.
ඇපකරුවන් ඇප වන්නේ මුදල් ලබා දීමට නොවේ.පවතින නීතියට අනුව ඇපකරුවන් වගකිව යුත්තේ ණයකරු මිය ගියහොත් පමණි.ණයකරු මියගියහොත් අදාළ මුදල ගෙවීමට ඇපකරුවන් බැඳී සිටිති .මෙහිදී ඇපකරුවන් නඩුවේ සාක්ෂිකරුවන් වනවා විනා චූදිතයින් ලෙස නම් කිරීමට නීතිමය වශයෙන් හැකියාවක් නැත. එය ප්‍රාදේශීය සංවර්ධන බැංකු මගින් කර තිබෙන බරපතල අපරාදයකි. වරදකි.
එසේ නම් කිරීමේදී එයට විරුද්ධව ඇපකරුවන් හඹ කළහොත් සිදුවන්නේ බැංකුව පරාජයට පත් වීමයි.එය නීතීවේදීන්ගේ වරදක් නොව නීතිවේදීන්ට උපදෙස් ලබා දෙන බැංකු නිලධාරින්ගේ වරදක් වේ.
ණය මුදල් ලබාගෙන තිබෙන්නේ ණයකරු නම්, ඇපකරුවන් විත්තිකරුවන් බවට පත් කිරීමම ප්‍රාදේශීය බැංකු කළමනාකරුවන්ගේ අල්ප නීතිමය දැනුමත්, ඔවුන්ගේ නීතිවිරෝධී ත්‍රාඩ ක්‍රමයත් රටේ ජනතාවට පෙන්වති.
තවද ණය මුදල වෙනුවෙන් යම් රක්ෂණයක් තිබියදී, ණයකරු මියගියහොත් එම මුදල අය කරගන්නේ රක්ෂණ සමාගමෙනි. ඇපකරුවන් ඇප වන්නේ එම මුදල ණයකරු ලබාගත් බව තහවුරු කිරීමට අවශ්‍ය සාක්ෂි පිණිස පමණි. ඒ හැර වෙනත්, නීතියට හෝ ගිවිසුම් නීතියට පරිභාහිර කොන්දේසි ඇපකරුගේ හෝ ණයකරුගේ ගිවිසුම්වලට ඇතුළත් කර තිබුණහොත් ඒවා අසාධාරණ ගිවිසුම් වැලක්වීමේ පනත මගින් අහෝසි වේ.
මෙසේ නඩු පැවරීමේදී විත්තිකරුවන්ටද හඹ කළ හැකිය.මෙසේ නඩු පැවරීමේදී විත්තිකරුවන් බවට පරිවර්තනය කර තිබෙන ඇපකරුවන්ටද හඹ කළ හැකිය.එයට එරෙහිව හඹ කර බැංකුවේ වන්දියෙන් මුදලක්ද ලබා ගැනීමට ඇපකරුවන්ට හැකිය.
නමුත් රටේ පවතින අයහපත් ආර්ථික ගැටලු හමුවේ අසරණ ඇපකරුවන්ට මෙසේ බැංකුව සමග නඩු කීමට හැකියාවක් නැත.ප්‍රාදේශීය සංවර්ධන බැංකුවේ මෙම ක්‍රියාවලිය නිසා ඇපකරුවන් සහ ණයකරුවන් අතර විශාල ගැටුම්ද ආරවුල්ද ඇතිව තිබේ.ඉන් බැංකුවට දැඩි අපකීර්තියක් සිදු වේ. නමුත් බැංකුවට එම ආරවුල් හෝ මහජන ගැටුම් අදාළ නැත.ඒ ඔවුන්ට කෙසේ හෝ මාසික වැටුප ස්ථීර වශයෙන්ම ලැබෙන බැවිනි.
තවද බැංකු මගින් මෙසේ ඇපකරුවන් වූ මිනිසුන්ට නඩු පැවරීමට තීරණය කිරීම තුළින්ම මෙහි ආරම්භය රැගෙන ඇත්තේ වංචනිකවය. බැංකු මගින් අධිකරණයට ඉදිරිපත් කරන නඩුව වැරදි නමුත් මිනිසුන් හඹ නොකරන බැවින් එම නඩුවල ඇති අන්තර්ගතය දැනගැනීමට අධිකරණ විනිසුරුවරුන්ට අවස්ථාවක් නොලැබේ. එය දැනගැනීමට සහ පවරා තිබෙන නඩුව නීතිවිරෝධී වංචනික නඩුවක් බවට අධිකරණයට දැන ගැනීමට අවස්ථාව ලැබෙන්නේ එම නඩු හඹ කර ඉදිරියට ගියොත් පමණි.
අධිකරණයට එන ණයකරුවන් අධිකරණයේදී මුදල් ගෙවීමට පොරොන්දු වී කෙසේ හෝ මුදල් ගෙවයි. ඉන් බැංකු මගින් කරනුයේ ඇපකරුවන්ගේද මූලික මිනිස් අයිතිවාසිකම් උල්ලංඝනය කිරීමයි. ඔවුන් මහජන අධිකරණ බලය අවභාවිතා කිරීමක් මෙහිදි සිදුකරයි.
ප්‍රාදේශීය සංවර්ධන බැංකු පමණක් නොව සියලුම බැංකු මෙම බොරුව දිගින් දිගටම සිදු කරනු ලබයි.මිනිසුන් අසරණ කර ඔවුන්ව තුට්ටු දෙකට දමා අධිකරණයට පවතින බලය වංචනික ලෙස බැංකුවලට අවශ්‍ය ආකාරයට භාවිතා කිරීම මෙහිදී සිදුකරයි.
කෙසේ නමුත් ලංකාව පුරා තිබෙන බොහෝ මූල්‍ය ආයතන මෙම ත්‍රාඩ ක්‍රමය භාවිතා කරන බවට අපට තොරතුරු ලැබී තිබේ. මෙම පුවත කියවන ඔබට හෝ යහළුවෙකුට හෝ හිතවතෙකුට මෙවන් අකටයුත්තක් සිදුව තිබේනම් එය පැහැදිලිව ලියා අප වෙත යොමු කරන්නේ නම් අදාළ බැංකුව හෝ මූල්‍ය ආයතනය මගින් නීතිවිරෝධීව සිදු කර තිබෙන කටයුතු පිළිබඳව මහජනතාව දැනුවත් කිරීමට අවශ්‍ය කටයුතු අප විසින් සිදු කරනු ඇත. ඉන් තවත් ප්‍රජාවක් ආරක්ෂා වේ. එසේ දැනුවත් කළහොත් පමණක් බැංකු ඇතුළු මූල්‍ය ආයතන වල මෙම නීතිවිරෝධී ක්‍රියා සිදුකිරීම නැවතී පවතින නීති රාමුව තුළ පමණක් වැඩකටයුතු කිරීමට ඔවුන් හුරුපුරුදු වේ. ඔබ නිහඬව සිටින තාක් කල් රට විනාශ කිරීමට මෙම ආයතන භාවිතා කල “පාතාල” ක්‍රම තවදුරටත් ක්‍රියාත්මක වේ.
එබැවින් තවදුරටත් ඔබටත් ඔබේ යහළුවෙකුට හිතවතෙකුට හෝ මෙවැනි අසාධාරණයක් අකටයුත්තක් සිදුව තිබේනම් තරාතිරම නොබලා අප ඒ පිළිබඳව මහජනතාව දැනුවත් කිරීමත් ඊට අවශ්‍ය නීතිමය උපදෙස් ලබාදීමත්, ඒ වෙනුවෙන් දිගින් දිගටම පෙනීසිටීමටත් අප ආයතනයක් ලෙස කටයුතු කරනු ලබයි.
ඒ වෙනුවෙන් කිසිදු මුදලක් අප අය නොකරන බැවින් ඔබ ලක්ව තිබෙන අපහසුතාවය ravanalankanews3@gmail.com යන ඊමේල් ලිපිනයට යොමු කර, එය pdf කර 0710866060 යන දුරකථන අංකයට වට්ස්ඇප් කරන ලෙසද අප ඔබට දන්වා සිටිමු.
ප්‍රාදේශීය සංවර්ධන බැංකු මගින් මෙසේ පවරා තිබෙන අපට වාර්තා වන සියලු නඩු, එකින් එක මෙම වෙබ් අඩවියේ පලකිරීමත්, මහජනතාවගේ දැනුවත් වීමත් උදෙසා සමාජ මාධ්‍ය මගින් තව දුරටත් ප්‍රසිද්ධ කිරීමත් සිදු කරනු ඇත.
පහතින් සදහන් වනුයේ රට ආර්ථිකව කඩ වැටෙමින් තිබියදී මහබැංකු චක්‍ර ලේඛන උල්ලංඝණය කරමින් ලක්ෂ ගානක් කුලිය දෙමින් වෙනත් ස්ථානයකට බැංකුව රැගෙන ගිය අයුරුය.
