ප්ලාස්ටික් ප්‍රතිචක්‍රීකරණ මධ්‍යස්ථානයක් කඩුවෙලදී විවෘත කෙරේ!
ප්ලාස්ටික් අපද්‍රව්‍ය එකතු කිරීමේ ප්‍රමිතීන් වැඩිදියුණු කිරීම සහ පරිසරය, සෞඛ්‍යය සහ ආරක්ෂාව පිළිබඳ හොඳම භාවිතයන් ක්‍රියාත්මක කිරීම සඳහා නියමු ව්‍යාපෘතියක් ලෙස ක්‍රියාත්මක කඩුවෙල මහ නගර සභාව විසින් ප්ලාස්ටික් ප්‍රතිචක්‍රීකරණ මධ්‍යස්ථාන හතරෙන් පළමුවැන්න 567/3, යශෝදරා මාවත, දැදිගමුව යන ස්ථානයේ විවෘත කරන ලදී.
ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID) පිරිසිදු නගර නිල් සාගර ක්‍රියාකාරකම් යටතේ සහාය දක්වන ප්ලාස්ටික් ප්‍රතිචක්‍රීකරණ මධ්‍යස්ථාන වාණිජ ප්‍රතිචක්‍රීකරණය සඳහා නාගරික ප්‍රදේශවල විශාල ප්‍රමාණයේ ප්ලාස්ටික් වර්ග කිරීම, පිරිසිදු කිරීම සහ බේල් කිරීම හෝ තලා දැමීම සිදු කරනු ඇත. “ප්ලාස්ටික් ප්‍රතිචක්‍රීකරණ මධ්‍යස්ථානය ප්‍රතිචක්‍රීකරණ අනුපාතය වැඩි කිරීම සඳහා සකස් කරන ලද ප්ලාස්ටික් ප්‍රතිචක්‍රීකරණ ආකෘතියක් හරහා අවිධිමත් අපද්‍රව්‍ය එකතු කරන්නන්ගේ භූමිකාව ශක්තිමත් කිරීම සඳහා වැදගත් පියවරක්” යැයි කොළඹ එක්සත් ජනපද තානාපති කාර්යාලයේ නියෝජ්‍ය ප්‍රධානී ඩග්ලස් සොනෙක් පැවසීය.
“එක්සත් ජනපද-ශ්‍රී ලංකා 75 වසරක හවුල්කාරිත්වය තුළ, අපි එවැනි මැදිහත්වීම් සඳහා සහාය ලබා දී ඇති අතර, ඉවතලන ප්ලාස්ටික් වටිනා සම්පත් බවට පරිවර්තනය කිරීම මෙන්ම අධ්‍යාපනය සහ පර්යේෂණ, සහ ප්‍රාදේශීය ප්‍රජාවන් කසළ කළමනාකරණ ක්‍රියාවලියේ නියැලීම සඳහා දායක වී ඇත”. කිව්වා. USAID සහය මගින් තරාදියක්, ට්‍රොලියක් සහ ජම්බෝ එකතු කිරීමේ බෑග් වැනි අනෙකුත් උපකරණ අතර ප්‍රතිචක්‍රීකරණ මධ්‍යස්ථානයට ක්‍රෂර් සහ බේලර් යන්ත්‍රයක් ඇතුළු අත්‍යවශ්‍ය යන්ත්‍රෝපකරණ සහ උපකරණ සපයන ලදී. ප්‍රථමාධාර කට්ටල, පුද්ගලික ආරක්ෂක උපකරණ, ගිනි නිවන යන්ත්‍ර වැනි ආරක්‍ෂිත උපකරණ ද සේවකයන්ට ලැබිණි.
“අපද්‍රව්‍ය එක්රැස් කිරීම සහ ප්‍රතිචක්‍රීකරණය කිරීම පරිසරයට මෙන්ම අපද්‍රව්‍ය නිසි ලෙස බැහැර නොකිරීමෙන් සිදුවන හානිය අවම කර ගැනීම සඳහා මිනිසුන්ට කරන සේවයකි. USAID CCBO සහ Janathakshan හි සහයෝගය ඇතිව මෙම සේවාවට දායක වීමට හැකිවීම ගැන මම ඉතා සතුටු වෙනවා”, Green Step Private Limited හි කළමනාකාර අධ්‍යක්ෂ ක්‍රිෂාන්ත විදානගම මහතා පැවසීය. තිරසාර අපද්‍රව්‍ය කළමනාකරණය ප්‍රවර්ධනය කිරීම, අවිධිමත් අපද්‍රව්‍ය එකතු කරන්නන් විධිමත් පද්ධතියකට ඒකාබද්ධ කිරීම පෝෂණය කිරීම සහ පිරිසිදු හා පරිසර හිතකාමී රටක් නිර්මාණය කිරීම සඳහා කඩුවෙල මහ නගර සභා බල ප්‍රදේශයේ නියමු කළ මෙම ආකෘතිය ඉදිරි මාසවලදී ගාල්ලේදී ද ප්‍රතිනිර්මාණය කරනු ඇත. “ප්‍රතිචක්‍රීකරණය සඳහා ආයෝජනය කිරීමෙන් ද්විත්ව ලාභාංශ ලැබේ. එය එක් අතකින් ප්ලාස්ටික් ද්‍රව්‍ය ආනයනය සඳහා වන වියදම ඉතිරි කර ගනිමින් ආන්තික ප්‍රජාවන්ට රැකියා අවස්ථා නිර්මාණය කරමින් රටේ ආර්ථිකය වැඩිදියුණු කරයි. අනෙක් අතට ප්‍රතිචක්‍රීකරණය සඳහා පරිසරයට එක්වන ප්ලාස්ටික් අපද්‍රව්‍ය වෙනත් ආකාරයකින් හරවා යැවීමෙන් සංවේදී පරිසර පද්ධතිවලට සිදුවන අහිතකර බලපෑම් අවම කරයි” යැයි පරිසර අමාත්‍යාංශයේ ලේකම් අනිල් ජාසිංහ මහතා පැවසීය.
සරත් සමරනායක
