ලෝක වෙළඳ මධ්යස්ථානයේ 19 වන මහළේ පවත්වාගෙන යනු ලබන තිලිණි ප්රියමාලිගේ සිදුවීමට එහා ගිය “සීෂෙල්ස්හි” මව් සමාගම යටතේ පිහිටි “කෝප්රස්” නම් සමාගම විසින් ඉතා වංචනිකව මූල්යමය වංචාවක් සිදුවන බව ප්රවීණ මාධ්ය වේදී චමුදිත සමරවික්රම සමග පැවති අල්ලස, දූෂනයට, නාස්තියට එරෙහි පුරවැසි බලය සංවිධානයේ සභාපති ජාමුණේ කමන්ත තුෂාර හෙළි දරව් කරන ලදී.
මෙම දූෂණ වංචා හමුවේ සමහර නීතිඥයින් මෙන්ම CID ,දේශපාලකයින් ,මහ බැංකු ඇතැම් නිලධාරීන්, ආදායම් බදු දෙපාර්තමේන්තුවේ ඇතැම් නිලධාරීන් යන අංශවල සේවකයින් සේවය කරන ඇතැම් කොටස් ඔවුන්ට සහය දෙමින් රජකාරීන් මගහරිමින් මුදල් වලට ලොල්ව සිටින බව මෙහිදී අනාවරණය කරන ලදී.
බහුජාතික ප්රධාන ආයතන සමග ගනුදෙනුකොට මුදල් ආයෝජනය කරන බව පවසා ලංකාවේ මිනිසුන් 3000කට ආසන්න ප්රමාණයකින් කෝටි 2500ක පමණ ඉහත කී සමාගම වංචා කර ඇති බවද මෙහිදී කියවේ.. එවැනි දූෂිත වංචා සහගත සමාගම් සඳහා සහය ලබාදෙන රටේ අනාගතය මුදල් මත පාවාදෙන තකතීරු අඥාන රාජ්ය හා අනෙකුත් නිලධාරීන් හට මරණ දඬුවම අනිවාර්ය කළ යුතුය යන්න ඔහුගේ මතයයි.
රටේවගකිව යුතු ආයතනයක් වන CID ය මේ සම්බන්ධව පැමිණිලි කිරීමේ දී ඔවුන්ගේ විෂය පථයට අදාළ නොවන බව සඳහන් කරයි.ආදායම් බදු දෙපාර්තමේන්තුවෙන් විස්තර ලබාගැනීමට ගිය අවස්ථාවේ එම විස්තර ලබා දීම ද ප්රතික්ෂේප කර තිබේ.
අපරාධ පරීක්ෂණ දෙපර්තෙම්න්තුවේ සමහර නිලධාරීන් මෙම දූෂිත ක්රියාවලියේ සිටින බව පිළිගත හැකි මූලිකම සිදුවීම සිදුවන්නේ 2022 10 26 ය. ඒ මෙම ආයතනය ගැන කියවෙන හඬ පටයක් ප්රසිද්ධ කිරීම හේතුවෙන් මාධ්යවේදී ධනංජය නාරන්බද්ධ මහතාට විරුද්ධව එම ආයතනය අපරාධ පරීක්ෂණ දෙපාර්තමේන්තුවට පැමිණිලිකර තිබුනේය. ඒ අනුව එදින ඔහු අපරාධ පරීක්ෂණ දෙපාර්තමේන්තුවට කැඳවා තිබුනේය. නමුත් එම ආයතනයට විරුද්ධව කර තිබු පැමිණිලි විභාග කර නොතිබුණු අතර ධනංජයගේ පුද්ගලික ලිපිනය පවා අදාළ ආයතනය ලබාගෙන තිබුණි. ඒ අනුව ධනංජය එළිදරව් කල වීඩියෝවට එරෙහිව අධිකරණය හරහා වාරණ නියෝගයක් ගෙන තිබේ.
කෙසේ නමුත් රාජ්ය නිලධාරීන් පවා මෙවැනි දූෂිත, වංචනික ආයතන සමග එක්ව නීතිවිරෝදී වැඩ කිරීමෙන් ශ්රී ලංකාව කිසිම දිනයක යහපත් දේශයක් බවට පත් කර ගැනීමට නොහැකි වනු ඇත. මෙවැනි දූෂිත ආයතන ඉවක් බවක් නොමැතිව ඇතිවීම කවුරුන් විසින් වැළැක්විය යුතුද?.රට කරන රට කරවන ඇත්තෝද දූෂිත නම් සහ නීතිය සුරැකීමේ අංශයන් ඇස්කන් පියාගෙන තම මඩිය තරකර ගන්නවා නම් විනාශ වන්නේ ඔබෙත් මගෙත් පමණක් නොව ඔවුන්ගේත් මතු දරු පරපුරයි. එය වටහා ගැනීමට හෝ, වැටහුනත් ඒවා නිවැරදි කර ගැනීමට ශ්රී ලංකාවේ දූශිත රාජ්ය නිලධාරීන්ට අවශ්ය නැත. හේතුව නම් ආත්මාර්ථකාමී ලෙස මව් බිම විනාශ කරන ඔවුන්ට යහමින් මුදල් ලැබෙන බැවිනි.
