ලෝකයම අවදියෙන් සිටින රුසියානු යුක්රේන යුද්ධයේ වැදගත් පුවත් එසැනින් සජීවීව ගෙන ඒම අප අද සිට සිදු කරනු ඇත. අද රාත්රී සිට එම පුවත් ඔබට සිංහල භාෂාවෙන් මෙන්ම ඉංග්රීසි පාඨකයන් සදහා ඉංග්රීසි පැතිකඩ ද ඔබට කියවිය හැකිය. අප මේ අවධානය යොමුකරන්නේ ගෙවුණු පැය 10 තුල ජාත්යන්තර පුවත් ආයතන 8 කින් ලබා ගත් විවිධ සිදුවීම් ඔබගේ දැනුම පිනිස සටහන් කිරීමටයි.
ක්රිමියාව නැමති රුසියාවට ඈඳාගත් අර්ධද්වීපයේ නියෝජ්ය ප්රධානියා කියා සිටින්නේ එම ඉඩම් හරහා නිර්මනාය කෙරෙන මානුෂීය කොරිඩෝවක් දැන් නැගෙනහිර යුක්රේනයේ බෙදුම්වාදී ඩොන්බාස් ප්රදේශය සමඟ සම්බන්ධ කර කිරීමට නියමිත බවයි.
රුසියානු ප්රවෘත්ති ඒජන්සිය RIA Novosti උපුටා දක්වමින් ජෝර්ජි මුරඩොව්ට ප්රකාශ සදහන් කර තිබෙන්නේ රුසියානු හමුදා ක්රිමියාවේ සිට මර්යුපොල් දක්වා මාර්ගයේ පාලනය ඔවුන් අල්ලාගෙන ඇති බවයි.
මුරඩොව්ට අනුව, මෙය ඩොනෙට්ස්ක් කලාපයේ සිටින මිනිසුන්ට මානුෂීය සැපයුම් සැපයීමට උපකාරී වේ. ඒ අතරම, යුක්රේනයේ කියෙව් වලින් කියවුනේ ඩොනෙට්ස්ක් හි වටලනු ලැබූ මරියුපෝල් වරාය සඳහා ආධාර සැපයුම් සහිත රථ පෙළක් රුසියානු හමුදා අවහිර කළ බවයි.
නිරීක්ෂකයන් උපකල්පනය කරන්නේ යුක්රේනයට රුසියාවේ ප්රහාරයේ එක් ඉලක්කයක් වන්නේ නැගෙනහිර යුක්රේනයේ රුසියාවට මායිම් වන බෙදුම්වාදී ප්රදේශ වල සිට ක්රිමියානු අර්ධද්වීපය දක්වා ගොඩබිම් කොරිඩෝවක් ස්ථාපිත කිරීමයි. රුසියාව 2014 දී ක්රිමියාව යුක්රේනයෙන් ඈඳා ගත්තේය.
ඒ අතර මීට පය කිහිපයකට පෙර අල් ජශීරා පුවත් සේවය තම පුවතක ප්රධානතම ශීර්ෂය සදහන් කර තිබුනේ “යුක්රේන හමුදා සෑම දිශාවකටම වෙඩි තබයි” ලෙසයි.
සිවිල් වැසියන් දහස් ගණනක් කොටු වී සිටින ඉර්පින් හි නැගෙනහිර ප්රදේශවල යුක්රේන සහ රුසියානු හමුදා අතර ඇති වන සටන පිළිබඳව අල් ජශීරා වාර්තාකරු වන අබ්දෙල්-අසීම් මොහොමඩ් සදහන් කලේ,“අපි ඉන්නේ ඉර්පින් නගරයේ හදවත ලෙස සලකන කොටසෙය. එම කොටසේ යුක්රේන හමුදාව රුසියානුවන් සමඟ දරුණු සටන්වල නියැලී සිටින සටන් පෙරමුණේ යි. අපි නගරය දෙසට ගමන් කිරීමට උත්සාහ කළ නමුත් රුසියානුවන් අපට පෙර එය කළ බව පෙනේ. සිවිල් වැසියන් නගරයෙන් පිටවීම වැළැක්වීම සඳහා රුසියානු ස්නයිපර්වරුන් වහලවල් මත ස්ථානගත කර ඇත. යුක්රේන හමුදා සෑම දිශාවකටම වෙඩි තබයි. නිවැසියන් දුසිම් ගනනක් මෙම ප්රදේශයෙන් මෙන්ම ඉර්පින් හි නැගෙනහිර දෙසින් පිටව යනු දක්නට ලැබුණි”. ලෙස ඔහු පැවසීය.
යුක්රේනියානු ජාතිකයෙකු පවසා තිබුනේ අද උදෑසන රුසියානුවන් පලවා හැරීමට ඔවුන් සමත් වූ බවයි. “යුක්රේන හමුදාවේ ඉදිරියෙන්ම සිටින බව ඔබට පෙනෙනු ඇත, ඔවුන් රුසියානුවන් ආපසු හරවා යැවීමට උත්සාහ කරයි”. ලෙස ඔහු සඳහන් කළේය.
“මගේ දකුණු පසින් දරුණු වෙඩි හුවමාරුවක් ද සිදු විය. රුසියානුවන් එක් දිශාවකට වඩා ඉදිරියට යන බව පෙනේ. බර මැෂින් තුවක්කු සහ යාත්රා නාශක තුවක්කු වෙඩි තබා ඇත. ඔවුන් අහසට වෙඩි තබයි. ඩ්රෝන යානයක් ඉහළින් සැරිසරන බව පෙනේ..අප පැමිණීමට මිනිත්තු කිහිපයකට පෙර මෙම ස්ථානයේ සිටිසිවිල් වැසියන් දුසිම් ගනනක් නගරය හැර ගොස් ඇත”, ලෙස ඔහු වැඩි දුරටත් සදහන් කරන ලදී.
පදිංචි කරුවන් පවසා ඇත්තේ මාර්ග වසා දැමීමට පෙර රුසියානු හමුදා ඔවුන්ට ප්රදේශයෙන් පිටවීමට මිනිත්තු 15 ක කාලයක් පමණක් ලබා දුන් බවයි. ඉර්පින් හි නැගෙනහිර තදාසන්න ප්රදේශවල අතරමංව සිටි බොහෝ පදිංචිකරුවන් පිටව යාමට සමත් වී තිබෙන බවාද ඔහු වැඩි දුරටත් සදහන් කළේය.
නගරයේ උතුරු හා නැඟෙනහිර ප්රදේශවල සිවිල් වැසියන් දහස් ගණනක් තවමත් කොටු වී සිටින බැවින් රුසියානුවන් ආපසු හරවා යැවීමට යුක්රේන හමුදා දැඩි ලෙස සටන් කරති.
රුසියාවේ පොහොර සහ ගල් අඟුරු රජු සදහන් කරන්නේ, යුක්රේනයේ යුද්ධය ඛේදවාචකයක් වන අතර එය නැවැත්විය යුතු බවත් බොහෝ ගොවීන්ට පොහොර මිල දැනටමත් ඉහළ මට්ටමක පවතින බැවින් ගෝලීය ආහාර අර්බුදයක් ඇති වනු ඇතැයි එය ඛේදවාචකයක් වනු ඇතැයිද ඔහු පැවසීය.
“යුක්රේනයේ සිදුවීම් ඇත්තෙන්ම ඛේදනීයයි. අපට ඉක්මනින් සාමය අවශ්යයි,” එසේ පවසන්නේ බෙලරුස් හි උපත ලැබූ 50 හැවිරිදි රුසියානු ජාතික කාන්තාවක් වන මෙල්නිචෙන්කෝ බව රොයිටර් පුවත් සේවය සදහන් කරයි. “ජාතිකත්වය අනුව රුසියානු ජාතිකයෙක්, උපතින් බෙලාරුසියානුවෙක් සහ රුධිරයෙන් යුක්රේන ජාතිකයෙක් ලෙස, සහෝදර ජනයා සටන් කරමින් මිය යන ආකාරය දැකීමෙන් මට මහත් වේදනාවක් සහ අවිශ්වාසයක් දැනේ.” ඇය පවසයි.
ඒ අතරම බටහිර සම්බාධක පැනවීමත් සමඟ විභව ආර්ථික විපත්තිවලට මුහුණ දෙන රුසියානු බලධාරීන්, අත්අඩංගුවට ගැනීම් සහ වත්කම් අත්පත් කර ගැනීම් සමඟ රටින් ඉවත් වීමට බලාපොරොත්තු වන විදේශීය සමාගම්වලට තර්ජනය කර ඇති බව වෝල් ස්ට්රීට් ජර්නල් වාර්තා කර ඇත.
ඒ අතර රජය විවේචනය කරන නිලධාරීන් අත්අඩංගුවට ගන්නා බවට හෝ බුද්ධිමය දේපළ ඇතුළු වත්කම් රාජසන්තක කරන බවට ද රුසියාව ඔවුන්ට තර්ජනය කර තිබේ.
