ශ්රී ලංකාව විනාශ කලේ දේශපාලඥයා හෝ රාජ්ය සේවකයා පමණක්ම නොවේ. ජනතාව ගොනාට ඇන්ඳීමේ ප්රමුඛතම ස්ථානය ගත්තේ ශ්රී ලංකාවේ මාධ්යවේදීන් බහුතරයක් සහ මාධ්ය ආයතන කිහිපයකි. මෙවැනි දූෂිත මාධ්යකාරණයක් ලොවේ වෙනත් රටවල් වල දැකිය නොහැකි අතර එසේ ජනතාව නොමග යැවීම මාධ්යකරණයේදී නොකළ යුතු දෙයකි. මේ කතාව නෙලුම් කුලුනෙන් නැවතත් දේශපාලනය කරන මාධ්ය ආයතන සහ මාධ්යවේදීන් ඉලක්කරගෙන ජර්මනියේ වෙසෙන එක්ෂත් ජාතීන්ගේ සරණාගත කටයුතු පිලිබදව ශ්රී ලංකාවේ නීතිවේදිනියකගේ සටහනකි.
“කව්ද නෙළුම් කුළුණ ජනතාවට විවෘත කරේ? එයා මේ පවතින දේශපාලන ක්රමයේ දේශපාලකයෙක් නම් රටේ මෝඩකම් වලින් පළමු දේම කරගත්ත කෙනා..නෙලුම් කුළුණට එන මිනිස්සුන්ගේ දුප්පත්කම මාර්කට් කරන මාධ්යත් පව්. නෙළුම් කුළුණ රටේ මිනිස්සු අවසර දීලා හදපු එකක් නෙවෙයි,ඇත්තටම ඒ වගේ කුළුණක් හදන්න ජනමත විචාරණ ඕන නැහැ.කුළුණ හැදුවේ රටේ ආඩ්ය පෙන්වන්න වගේ වුණාට අරමුණ එය නෙවෙයි.එය ගොඩ නගන්නේ සේද මාවතේ අධීක්ෂණ කටයුතු වලට.
අධි තාක්ෂණ උපකරණ ස්ථානගත කරලා ඉන්දියානු සාගරය අධීක්ෂණයට.මෙහි ආර්ථික වාසිය ලබන්නේ මහජන චීන සමුහාණ්ඩුවේ ජනතාව.මේකෙන් ඩොලර් මිලියන 200 ක් කොමිස් ගැහුවා..සිරිසේන මේක විවෘත කළේ.කොහොම වුණත් එච්චර වියදම් කරලා හදපු කුළුණක් කඩලා දාලා ජාතියක් හැටියට ලබන සෙතක් නැහැ.ණය වෙලා ගත්තේ ,ලැජ්ජයි දුකයි කියලා දැන් අපිට නෙළුම් කුළුණ සම්බන්ධව විකල්ප ඉතුරු වෙලා නැහැ. අපිට අපේ ගොඩ නගපු හැමදේම විනාශ කරනවිට බෙල්ල හිරවෙන්නේ අපේමයි.ඔය කුළුණ ණයට හිලව් වෙන ගානට ඇවිත් තියෙන්නේ.අප්රේල් සිට අපි ණය ගෙවන්නේ නැති නිසා.
එත් ඔය කුළුණ බලන්න දෙන එක කළේ රාජපක්ෂලා ඔසවා තියන්න නම්..මාධ්ය හරි ලස්සනට ඒ එසවීම කරනවා වගේ පෙනුණට ..ඊලඟ අරගලයට ඉන්ධන සැපයෙන්නේ ඔය මාධ්ය කැම්පේන් එකෙන්.මාධ්ය ගන්නෙම නෙළුම් කුලුන ලස්සනයි,පට්ටයි කියන අය.මාධ්ය ගන්නෙම උඩට ගියාම දැකපු දේවලින් අමන්දානන්දයට පත්වුණු අය.මිනිස්සු උඩට ගිහින් දකින්නේ තමන්ගේ ගමේ දුක්බර පරිසරය නෙවෙයි..ෆොර්ට් සිටිය,වාරයවල්.මුහුද නැව් කොළඹ ගොඩ නැගිලි..ලංකාවේ දියුණුම කොටස තමයි මිනිස්සු මේ දකින්නේ.හැබැයි ඒ ටික දැකලා ඇවිත් මාධ්යයට කියනවා ඒ දියුණුම කොටස බලන්න,දරුවා එකතු කරපු කැටේ කැඩුවා කියලා…ඒ පුංචි දේ විඳින්න….කොච්චර අපේක්ෂාවන් කැප කරන්න ඕනද? අර පුංචි දරුවා …කැටේට සල්ලි දැම්මේ..කවදාහරි පුංචි ව්යාපාරයක් පටන් ගන්න..පර්යේෂණයක් කරලා ඒකෙන් සාර්ථක වෙන්න හීන යක් තියාගෙන වෙන්න පුළුවන්. ඒත් ඒත් අවසානයේ…ඒ සිහින නෙළුම් කුළුන ළඟ නවතිනවා.
ලෝකයේ කිතුනු ආගම අදහන හැම ගමකම පල්ලියේ ඝන්ටාර කුළුන තියෙන්නේ උසින්.ඒ කුළුණු ගොඩාක් විට කෞතුකාගාර හැටියට මිනිසුන්ට බලන්න පුළුවන්.එතනට නැග්ගම තමන් ජිවත් වෙන ගම පෙනෙනවා.ගමේ ගෙදර ඉන්නකොට ඇතිවෙන හැඟීම නෙවෙයි කුරුළු ඇසකින් උඩ සිට දකින විට ලැබෙන්නේ.එය මානසිකව කිසියම් ඉලක්කයක් සපුරා ගැනීමේ තත්ත්වයක්,මිනිස්සු නෙළුම් කුළුණ බලලා වාව් එකකට එන්නේ ,ඒ ඉලක්කය සපුරා ගැනීමේ මානසික මට්ටමට එන නිසා.අනික තමයි ලංකාවේ මිනිස්සු සංචාරය කරන්නේ පන්සල්..ලංකාවේ සංචාරක කර්මාන්තය පදනම් වෙන්නේ පන්සල් පල්ලි මත.මේ පිල්ග්රීම් ක්රමය මිනිසුන්ට බිහි කරන්නේ සසරෙන් එතෙර වෙන්න ..කියන මානසිකත්වය..හැබැයි නෙළුම් කුළුණ වෙනත් හැඟීමක් දෙනවා..ඒක උඩ ඉන්නකොට..යානිධ ..භූතානි…ඇහෙන්නේ නැහැ.
අපි එහෙම උඩ ඉඳන් අපේ ගම බලන්න නම්..නැග්ගේ මිහින්තලේට..ඉසුරුමුණියේ පොඩි උසකට.දැක්කෙම වැව් කුඹුරු.වෙහෙර විහාර.සීගිරියට නැග්ගම,සිරිපාදේ නැග්ගම ,අම්බුළුවාව නැග්ගම..ඇතුගලට නැග්ගම..මේ හැම එකක්ම ආගමිකත්වය විසින් අයිතිකරගත්ත මිනිසුන්ට මරණය,අවිචිය,අපාය,හා ජීවිතය විඳින්න බය ඇතිකරන උස බිම්.ලංකාවේ දැනට ජිවිතේ ලෞකිකව විඳින්න ඇති එකම උස් ස්ථානය නෙළුම් කුළුණ ..
නෙලුම් කුළුණෙන් ඊළඟ අරගලය ආරම්භ වෙනවා කියලා මට හිතෙන්නේ..ඔය කැටේ කඩපු අම්මා ගමට ගිහින් ගමයි නෙලුම් කුළුණෙන් පේන්න තියෙන සුන්දර දේයි සංසන්දනය කළොත්.වටහා ගත්තොත් තමන්ගේම රටේ ලස්සන තැනකට යන්න ගෙදර ළමයගේ කැටේ කඩන්න ඕන කියන වැටහීමට ආවොත්..හැබැයි මේ වැටහීම තියෙන බහුතර මිනිස්සු මේ දෙය බලාගෙන ඉන්නවා.මේ දෙන හැම වොයිස් කට් එකක්ම දුප්පත්,දැනුමෙන්,ආකල්ප වලින්,වින්දනයෙන් හා ස්වාධීනව සිතීමෙන්.ඒ දුප්පත් කම තමයි මහින්ද මහත්තයට ස්තුති කරන්නේ..පින් දෙන්නේ..මොකද තමන්ට මේ වගේ දේකින් දශමයක් වත් ලඟා කරගන්න බැරිබව දන්නා නිසා,,හොරා කාලා හරි,මහින්ද මහත්තයා මේක හැදුවා කියන වාව් එකට ජනතාව එන්නේ.ඒ වාව් එක මහින්දට වාසි සහගත නැහැ.මොකද මහින්ද අනිත් පසකින් නියෝජනය කරන්නේ ඒ වාව් එක ජනතාවගෙන් උදුරා ගන්නා පවුලේ සමාගමට.මේක බුධ්දිමතුන් නිවැරදි ලෙස පාලනය කළ යුතු සංසිද්ධියක්.
.මාධ්ය තවත් නෙළුම් කුළුණේ සාර්ථක බව වෙනුවට ඒක නගින සැබෑ ජනතාවගේ,ගමේ ඉඳන් එන ජනතාවගේ ඉලක්ක සපුරා ගැනීමේ ක්රමවේදය වොයිස් කට් වලට ගත්තු දෙන්.දුප්පත්කම වාව් එකට නගපු දෙන් ..ලොකු ලොකු කුළුණු,හැදුවට මිනිස් ජිවිත වල කොලිටිය වැඩි වෙලා නැහැ කියන එක පුන පුනා කියපු දෙන්.මේක තේරුම් ගන්න මිනිස්සු නෙළුම් කුළුනේ වොයිස් කට් ටිකම අරගලයට මග විදියට ගනීවි…අරගලය ආරම්භ කලේ කොළඹ මිනිසුන්ට ගෑස් නැති වෙච්ච නිසා කියලා ස්ථාවරයකට ආවා.(අරගලය වෙනතකට හරවපු එක වෙනම කතාවක්)ඒත් කොළඹ මිනිසුන්ට ගෑස් විතරක් නැතිවෙනකොට ගමේ මිනිහට තියෙන්නේ කන්ට ටිකක් විතරයි කියන වැටහීමට මේ රටේ ජනතාව එන්න ඕන.ඒ වැටහීමට එන්නේ නෙළුම් කුළුණ තව වසරක්වත් විවෘත කරලා දිනපතා පන්දාහ ගණනේ ගම්වලින් එන මිනිස්සු මේකට නැගලා.කණකර උගස් තියලා.කැට
කඩලා..මේක උඩට නැගලා බැලුවම…මේ රටේ මිනිස්සු හෝ ගාන පොකුණ,,දකින්න ඕනා,රට වටේ තියෙන මුහුදේ කැපසිටි එක දකින්න ඕනා.ඒ අතරම තමන් ඉන්නේ කොච්චර පුංචි වපසරියකට කොටු වෙලාද කියන එක දකින්න ඕන.අන්න ඒ වැටහීමට ජනතාව ගෙනෙන එක තමයි නෙළුම් කුළුනේ වංශ කථාව සමාජ ක්රියාකාරීන් වන අපේ වගකීම.නෙළුම් කුළුණ නිසාම ඊලඟ අරගලය කරන්න හැකි වෙන්නෙම,,අර මාධ්ය දාන වොයිස් කට් ටික එකතු කරලා ජනතාව අතරට ගෙන යාමෙන්..ලංකාවේ තියෙන උස්බිම් ටික ජනතාවට විඳින්න ජනසතු කරන්න කියලා අදහසක් පළමුව එන්නත් ඕන.මොකද නෙළුම් කුළුණේ තුසිතය දකින විට ගමේ තියෙන උසම තැන ඉඳලා ජනතාවට මොනවා හරිත් දකින්න හැකියිනේ.එය තුසිතය නෙවෙයි..හැබයි තමන්ගේ ගම මීට වඩා යහපත් විය යුතුයි කියලා..
