කෝටිපති ව්යාපාරිකයකු තම දරු දෙදෙනා සමග ඔහුගේම ජීප් රථයෙන් (දරුවන් පාසලට ඇරලවීමට) ගමන් කරමින් සිටියදී රහස් පොලිස් නිලධාරීන් (CID) යැයි පැවසූ පිරිසක් ත්රී රෝද රථයකින් පැමිණ ගලිගමුව දෙල්පන්දෙනිය මාර්ගයේදී තම ජීප් රථය අවහිර කොට නවතා පිස්තෝල පෙන්වමින් මරණීය තර්ජන කොට දරු දෙදෙනා ජීප් රථයෙන් එලියට ඇද දමා තමා හා ජීප් රථය බලහත්කාරයෙන් පැහැරගෙන ගිය බව ගලිගමුවේ පදිංචි ඩි.ඒ.කේ. ගයාන් ජයසිංහ ශ්රී ලංකා මානව හිමිකම් කොමිසම් සභාව මහනුවර දිස්ත්රික් කාර්යාලයට පැමිණිලි කර තිබේ.
මේ සම්බන්දව තමන් කෑගල්ල ජෙයෂ්ඨ පොලිස් අධිකාරීවරයාටද පැමිණිලි කළ බව හා තමාගේ මුදල් කොල්ල කෑ බව පැවසීය.
තමාගේ 5 හැවිරිදි දියණිය හා 12 හැවිරිදි පුතු ජීප් රථයෙන් එලියට ඇද දමා මහමග ඔවුන් අතරමන් කර දමා යාම, මේ සම්බන්දව මානව හිමිකම් කොමිසම් සභාව වෙත පැමිණිලි කිරීමෙන් පසු මාධ්ය වෙත අදහස් දක්වමින් පැහැර ගැනීමට ලක්වූ කෑගල්ල , ගලිගමුව, දෙල්පත්දෙනිය ලිපිනයේ පදිංචි ඩි.ඒ.කේ. ගයාන් ජයසිංහ මහතා මහනුවරදී පැවසීය.
තමා පැහැර ගත් පිරිස තමා සතු ජීප් රියේ දමාගෙන යද්දී මුදල් පසුම්බියේ තිබු රුපියල් 20000ක මුදල්ද, (ජීප් රථයේ ඉන්ධන සදහා ලබාගත් මුදල්) කොල්ල කෑ බව කී ජයසිංහ මහතා වරකාපොල ප්රදේශයේදී තමාව හා ජීප් රථය අතහැර දමා ගිය බවද ප්රකාශ කළේය.
තමන් මුහුණ දුන් සිද්ධිය පිළිබදව කෑගල්ල ප්රදේශයේ උසස් පොලිස් නිලධාරීන්ටද දන්වා පැමිණිල්ලක්ද කල බව ගයාන් ජයසිංහ මහතා ප්රකාශ කළේය.
තමා පැහැර ගැනීමට පැමිණි පිරිස ත්රී රෝද රථයෙන් පැමිණ පිස්තෝල පෙන්වා තර්ජනය කොට අත් මාංචු (හෑන් කප්) ද දමා පැහැර ගත් පිරිස, පසුව රජයේ පොලිස් නිලධාරීන් බවට කෑගල්ල ප්රදේශයේ උසස් පොලිස් නිලධාරීන් මාර්ගයෙන් දැනගත් බවද පැහැර ගැනීමට ලක් වූ ගයාන් ජයසිංහ මහතා පැවසීය.
නීතීඥ අංජන සී කුලරත්න මහතා සමග මහනුවර දිස්ත්රික් ශ්රී ලංකා මානව හිමිකම් කොමිසම් සභා කාර්යාලයේ ප්රධාන සම්බන්ධීකරණ නිලධාරිනී කුමුදුනී විතාන මහත්මිය වෙත ලිඛිත පැමිණිල්ලක් කල ගයාන් ජයසිංහ මහතා සිද්ධිය පිළිබදව සාධාරණ පරීක්ෂණයක් සිදු කරන ලෙස පොලිස්පති සී. ඩි. වික්රමරත්න මහතාගේ අවධානය යොමු විය යුතු බවද කීය.
1. 2023.03.28 දින උදේ 07.00 පමණ මාගේ දරු දෙදෙනා පාසල් ඇරලීමට පැමිණීමේදී SG AAF 1973 අංක දරන රතු පැහැති ත්රි රෝද රථයෙන් මා එන මග හරස් කර තිබු අතර එම ත්රි රෝද රථය කැඩී ඇතිබව පැවසු අතර ඒ මොහොතේම මා වෙත පැමිණි CID යැයි කියා ගත් පිරිසක් ගිනි අවි (පිස්තෝල) දෙකක් සක්රිය කොට මාගේ හිසට තබා ඔලු කට්ට කුඩුවෙන්න තබනවා යැයි පරුෂ වචනයෙන් බැන වැදී මා රියදුරු අසුනෙන් ඇද එලියට ගෙන මාංචු (හෑන් කප්) දමා 65-0512 අංක දරන වාහනය සමග මා කිසිදු හේතුවක් නොදන්වා පැහැර ගැනීමට ලක් කිරීම.
2.මා සමග රථයේ පාසල් යාමට පැමිණි මාගේ දරු දෙදෙනාටද මරණ බිය ඇති කර පුතා සහ ඔහුගේ පාසල් බෑගය අසල තිබු ඉලුක් ගාලකට තල්ලුකර, දුවගේ බෑගයද ඇය සමගින් එලියට ඇද දමා එදින එම දෙදෙනාගේ පාසැල් ගමනටද බාධා පමුණුවා මා සමග රථය පැහැර ගැනීම.
3.මෙම සිද්ධිය මාගේ දරු දෙදෙනා විසින් හඩා වැටෙමින් නිවසට දිව ගොස් පැවසීමෙන් පසුව මාගේ බිරිද වන ගලිගමුව ප්රාදේශීය ලේකම් කාර්යාලයේ සංවර්ධන නිලධාරී සේවයේ නියුතු මුළු දිවයිනටම සාමවිනිසුරු පී.එල්.ටී.එම්. ගුණතිලක යන අය කෑගල්ල පොලිසියට මේ බව පැවසීමෙන් පසු අප නිවසට පැමිණි කෑගල්ල මුලස්ථාන පොලිස් පරීක්ෂකතුමා මාගේ බිරිදට පවසා ඇත්තේ මෙම අත්අඩංගුවට ගැනීම ගැන කෑගල්ල පොලිසිය දැනුවත් කර නොමැති බවයි. තවද කොළඹ අපරාධ පරීක්ෂණ දෙපාර්තුමේන්තුව දැනුවත් කර නොමැති බවයි. එබැවින් අනීතිකව පැහැර ගැනීමට ලක්කර ඇත.
4. මා ගෙන ගොස් වරකාපොල පොලීසියේ දේශනා ශාලාවේදී උප පොලිස් පරීක්ෂක මලිත් හේරත් මහතා හා කොට කලිසමක් ඇද සිටී මහතකු විසින් ලියන ලද ලියවිල්ලකට අත්සන් කරන ලෙස මා හට කිවූ අතර එසේ නොකරන්නේනම් මා හා වාහනය කොළඹ අපරාධ පරීක්ෂණ දෙපාර්තමේන්තුවට රැගෙන යන බවත් මා මාස කිහිපයක් සිරගත කරන බවත් වාහනය අවුරුද්දකටවත් නොදෙන බව ප්රකාශ කළ අතර මාගේ ජීවිතයට තිබු අවධානම නිසා මා එම ලියවිල්ලට අත්සන් තැබූ අතර එම ලියවිල්ල මාහට කියවා තේරුම් කර දුන්නේද නැත. එම නිසා එහි ඇති කිසිම දෙකට මා වගකියන්නේ නැති බවද පැවසීය.
5. ශ්රී ලංකා ආණ්ඩුවේ අතිගරු ජනාධිපති ධූරය හොබවන මුදල් අමාත්යංශයේ රාජ්ය ඇමතිතුමාගේ කාර්ය මණ්ඩලයේ සේවයේ නියුතු අයකු බැවින් මුදල් අමාත්යාංශයටද, මාගේ අමාත්ය තුමාගේද කීර්තිනාමයට හානි වන පරිදි මා මහාමාර්ගයේදී අනීතිකව පැහැරගැනීම.
6.ශ්රී ලංකාව තුල කිසිම පොලිස් ස්ථානයක, උසාවියක හෝ ආයතනයක අපරාද වරදක්, අල්ලස් හෝ දුෂණ චෝදනා පිළිබදව මා හට විරුද්ධව පැමිණිල්ලක් නොමැති බවද 65-0512 අංක දරණ වාහනය පුර්ණ නිත්යානුකුලව මෝටර් රථ දෙපාර්තමේන්තුවේ ලියාපදිංචිව තිබෙන අතර එනමුත් පැහැර ගැනීම.
7. ශ්රී ලංකා මානව හිමිකම් කොමිසම් සභාවට මා පැමිණිලි කරන්නේ මා දරු දෙදෙනා, පවුලේ සැමට (මා හා මාගේ මව අධි රුධිර පීඩනයෙන් පෙලෙන රෝගීන්.) මා ජීවත්වන ගමේ අසල් වාසීන්ගෙන්ද සමාජයෙන්ද මේ පිළිබද සත්ය කරුණක් නොදැන මා හට ගරහා මා හා මාගේ පවුලේ සැමගේ මුලික අයිතිවාසිකම් කඩවී ඇත. ඒ සදහා නිත්යානුකුලව සාධාරණයක් ඉටු කර දෙන මෙන් කාරුනිකව ඉල්ලා සිටිමි.
